1 ⲟⲩⲟϩ ⲁⲛⲟⲕ ⲉϧⲣⲏⲓ ϧⲉⲛϯⲣⲟⲙⲡⲓ ⲛϩⲟⲩⲓϯ ⲛⲧⲉⲕⲩⲣⲟⲥ ⲉⲩⲁⲙⲁϩⲓ ⲛⲉⲙⲟⲩϫⲟⲙ .
…
2 ϯⲛⲟⲩ ϯⲛⲁⲧⲁⲙⲟⲕ ⲉⲟⲩⲙⲉⲑⲙⲏⲓ ⲁⲛⲟⲕ ϩⲏⲡⲡⲉ ⲓⲥ ⲅ ⲛⲟⲩⲣⲟ ⲥⲉⲛⲁⲧⲱⲟⲩⲛⲟⲩ ϧⲉⲛϯⲡⲉⲣⲥⲓⲥ ⲟⲩⲟϩ ⲡⲓⲙⲁϩⲇ ϥⲛⲁⲧⲱⲛϥ ϥⲛⲁⲉⲣⲣⲁⲙⲁⲟ ϧⲉⲛⲟⲩⲙⲉⲧⲣⲁⲙⲁⲟ ⲉϩⲟⲧⲉⲣⲱⲟⲩ ⲧⲏⲣⲟⲩ ⲟⲩⲟϩ ⲙⲉⲛⲉⲛⲥⲁⲑⲣⲉϥⲁⲙⲁϩⲓ ⲛⲧⲉϥⲙⲉⲧⲣⲁⲙⲁⲟ ⲉϥⲉⲧⲱⲛϥ ⲉϫⲉⲛⲛⲓⲟⲩⲣⲱⲟⲩ ⲧⲏⲣⲟⲩ ⲛⲧⲉⲛⲓⲟⲩⲉⲓⲛⲓⲛ .
…
3 ϥⲛⲁⲧⲱⲛϥ ⲛϫⲉⲟⲩⲟⲩⲣⲟ ⲛϫⲱⲣⲓ ⲉϥⲉⲉⲣϭⲥ ⲉϫⲉⲛⲟⲩⲙⲉⲧϭⲥ ⲉⲛⲁϣⲱⲥ ⲉϥⲉⲓⲣⲓ ⲕⲁⲧⲁⲡⲉϥⲟⲩⲱϣ .
…
4 ⲟⲩⲟϩ ⲁⲥϣⲁⲛⲥⲉⲙⲛⲓ ⲛϫⲉⲧⲉϥⲙⲉⲧⲟⲩⲣⲟ ⲥⲛⲁϧⲟⲙϧⲉⲙ ⲉⲥⲉⲫⲱⲣϫ ⲉⲡⲓϥⲧⲟⲩ ⲑⲏⲟⲩ ⲛⲧⲉⲧⲫⲉ ⲟⲩⲟϩ ⲛⲉϥϧⲁⲉⲩ ⲁⲛ ⲟⲩⲇⲉ ⲕⲁⲧⲁⲧⲉϥⲙⲉⲧϭⲥ ⲁⲛ ⲉⲧⲁϥⲉⲣϭⲥ ⲉⲣⲟⲥ ϫⲉⲥⲉⲛⲁϥⲱϫⲓ ⲛⲧⲉϥⲙⲉⲧⲟⲩⲣⲟ ⲟⲩⲟϩ ϩⲁⲛⲕⲉⲭⲱⲟⲩⲛⲓ ⲥⲁⲃⲟⲗ ⲛⲛⲁⲓ ⲉⲩⲉⲧⲏⲓⲥ ⲛⲱⲟⲩ .
…
5 ⲟⲩⲟϩ ⲉϥⲉϫⲉⲙϫⲟⲙ ⲛϫⲉⲡⲟⲩⲣⲟ ⲛⲧⲉⲫⲣⲏⲥ ⲟⲩⲟϩ ⲉⲣⲉⲟⲩⲁⲓ ⲛⲛⲓⲁⲣⲭⲱⲛ ϫⲉⲙϫⲟⲙ ⲉϫⲱⲟⲩ ⲉⲙⲁϣⲱ ⲟⲩⲟϩ ⲉϥⲉⲉⲣϭⲥ ⲉϫⲉⲛⲟⲩⲙⲉⲧϭⲥ ⲉⲛⲁϣⲱⲥ ⲉϫⲉⲛⲡⲉϥⲉⲣϣⲓϣⲓ .
…
6 ⲟⲩⲟϩ ⲙⲉⲛⲉⲛⲥⲁⲛⲉϥⲣⲟⲙⲡⲓ ⲉⲩⲉⲙⲟⲩϫⲧ ⲟⲩⲟϩ ⲧϣⲉⲣⲓ ⲙⲡⲟⲩⲣⲟ ⲛⲧⲉⲫⲣⲏⲥ ⲉⲥⲉϣⲉⲛⲁⲥ ⲉϧⲟⲩⲛ ϩⲁⲡⲟⲩⲣⲟ ⲛⲧⲉⲡⲉⲙϩⲓⲧ ⲉⲡϫⲓⲛⲑⲁⲙⲓⲟ ⲛϩⲁⲛⲥⲏⲛⲑⲏⲕⲏ ⲛⲉⲙⲁϥ ⲛⲛⲉϥⲁⲙⲁϩⲓ ⲙⲡⲓϫⲫⲟⲓ ⲛⲧⲉⲧⲉϥϫⲟⲙ ⲟⲩⲟϩ ⲛⲛⲉϥⲟϩⲓ ⲉⲣⲁⲧϥ ⲛϫⲉⲡⲉϥϫⲣⲟϫ ⲟⲩⲟϩ ⲉⲩⲉⲧⲏⲓⲥ ⲛⲉⲙⲡⲉⲉⲧⲓⲛⲓ ⲙⲙⲟⲥ ϯϧⲉⲗϣⲁⲓⲣⲓ ⲛⲉⲙⲫⲏⲉⲧϯϫⲟⲙ ⲛⲁⲥ ϧⲉⲛⲛⲓⲥⲏⲟⲩ .
…
7 ⲟⲩⲟϩ ⲉϥⲉⲧⲱⲛϥ ⲉⲃⲟⲗϧⲉⲛ ϯϩⲣⲏⲣⲓ ⲛⲧⲉⲧⲉϥⲛⲟⲩⲛⲓ ⲉϫⲉⲛⲡⲉϥⲥⲟⲃϯ ⲟⲩⲟϩ ⲉϥⲉⲓ ϣⲁϯϫⲟⲙ ⲉϥⲉϣⲉⲛⲁϥ ⲉϧⲟⲩⲛ ⲉⲛⲓⲧⲁϫⲣⲟ ⲛⲧⲉⲡⲟⲩⲣⲟ ⲛⲧⲉⲡⲉⲙϩⲓⲧ ⲟⲩⲟϩ ⲉϥⲉⲓⲣⲓ ⲛϧⲣⲏⲓ ⲛϧⲏⲧⲟⲩ ⲉϥⲉϫⲉⲙϫⲟⲙ .
…
8 ⲕⲉ ⲅⲉ ⲛⲟⲩⲛⲟⲩϯ ⲛⲉⲙⲛⲟⲩⲫⲱⲧϩ ⲛⲉⲙⲥⲕⲉⲩⲟⲥ ⲛⲓⲃⲉⲛ ⲛϣⲟⲩⲉⲣⲉⲡⲓⲟⲩⲙⲓⲛ ⲉⲣⲟϥ ⲛⲧⲱⲟⲩ ⲛⲓϩⲁⲧ ⲛⲉⲙⲛⲓⲛⲟⲩⲃ ⲉϥⲉⲟⲗⲟⲩ ϧⲉⲛⲟⲩⲉⲭⲙⲁⲗⲱⲥⲓⲁ ⲉⲭⲏⲙⲓ ⲟⲩⲟϩ ⲛⲑⲟϥ ⲉϥⲉⲟϩⲓ ⲉⲣⲁⲧϥ ⲉϩⲟⲧⲉ ⲡⲟⲩⲣⲟ ⲛⲧⲉⲡⲉⲙϩⲓⲧ .
…
9 ⲟⲩⲟϩ ⲉϥⲉϣⲉⲛⲁϥ ⲉϧⲟⲩⲛ ⲉϯⲙⲉⲧⲟⲩⲣⲟ ⲛⲧⲉⲫⲣⲏⲥ ⲉϥⲉⲕⲟⲧϥ ⲉⲡⲉϥⲕⲁϩⲓ .
…
10 ⲟⲩⲟϩ ⲛⲉϥϣⲏⲣⲓ ⲉⲩⲉⲑⲟⲩⲉⲧ ⲟⲩⲙⲏϣ ⲛⲧⲉϩⲁⲛϫⲟⲙ ⲉⲩⲟϣ ⲉϥⲉⲓ ⲉϧⲟⲩⲛ ⲉϥⲛⲏⲟⲩ ⲉϥⲉⲉⲣⲕⲁⲧⲁⲕⲗⲩⲍⲓⲛ ⲉϥⲉⲥⲓⲛⲓ ⲉϥⲉϩⲉⲙⲥⲓ ⲟⲩⲟϩ ⲉϥⲉⲉⲣϣⲟⲣⲡ ⲉⲛⲉⲣⲥⲩⲛⲡⲗⲉⲅⲓⲛ ϣⲁⲉϧⲣⲏⲓ ⲉⲧⲉϥϫⲟⲙ .
…
11 ⲉϥⲉϫⲱⲛⲧ ⲛϫⲉⲡⲟⲩⲣⲟ ⲛⲧⲉⲫⲣⲏⲥ ⲉϥⲉⲓ ⲉⲃⲟⲗ ⲉϥⲉϯ ⲛⲉⲙⲡⲟⲩⲣⲟ ⲛⲧⲉⲡⲉⲙϩⲓⲧ ⲉϥⲉⲥⲉⲙⲛⲓ ⲛⲟⲩⲙⲏϣ ⲉϥⲟϣ ⲉⲩⲉϯ ⲙⲡⲓⲙⲏϣ ⲉϧⲣⲏⲓ ⲉⲛⲉϥϫⲓϫ .
…
12 ⲉϥⲉϭⲓ ⲙⲡⲓⲙⲏϣ ⲟⲩⲟϩ ⲉϥⲉϭⲓⲥⲓ ⲛϫⲉⲡⲉϥϩⲏⲧ ⲉϥⲉⲣⲱϧⲧ ⲛϩⲁⲛⲑⲃⲁ ⲟⲩⲟϩ ⲛⲛⲉϥϫⲉⲙϫⲟⲙ .
…
13 ⲉϥⲉⲕⲟⲧϥ ⲛϫⲉⲡⲟⲩⲣⲟ ⲛⲧⲉⲡⲉⲙϩⲓⲧ ⲁϥϣⲁⲛϫⲱⲕ ⲙⲡⲓⲥⲏⲟⲩ ⲉϥⲉⲓ ⲉϧⲟⲩⲛ ⲉⲟⲩⲙⲱⲓⲧ ⲉϧⲟⲩⲛ ϧⲉⲛⲟⲩⲛⲓϣϯ ⲛϫⲟⲙ ⲛⲉⲙⲟⲩⲙⲉⲧⲣⲁⲙⲁⲟ ⲉⲥⲟϣ ⲉⲙⲁϣⲱ .
…
14 ⲟⲩⲟϩ ϧⲉⲛⲡⲓⲥⲏⲟⲩ ⲉⲧⲉⲙⲙⲁⲩ ⲉⲩⲉⲧⲱⲟⲩⲛⲟⲩ ⲛϫⲉⲛⲓⲙⲏϣ ⲉϫⲉⲛⲡⲟⲩⲣⲟ ⲛⲧⲉⲫⲣⲏⲥ ⲟⲩⲟϩ ⲛⲓϣⲏⲣⲓ ⲛⲧⲉⲛⲓⲗⲟⲓⲙⲟⲥ ⲉⲩⲉϭⲓⲥⲓ ⲉⲡϫⲓⲛⲥⲉⲙⲛⲓ ⲛⲟⲩϩⲟⲣⲁⲥⲓⲥ ⲟⲩⲟϩ ⲉⲩⲉϣⲱⲛⲓ .
…
15 ⲉϥⲉⲓ ⲉϧⲟⲩⲛ ⲛϫⲉⲡⲟⲩⲣⲟ ⲛⲧⲉⲡⲉⲙϩⲓⲧ ⲉϥⲉϫⲱϣ ⲛⲟⲩⲕⲁϩⲓ ⲟⲩⲟϩ ϥⲉϭⲓ ⲛϩⲁⲛⲃⲁⲕⲓ ⲉⲩϫⲟⲣ ⲟⲩⲟϩ ⲛⲓϣⲱⲃϣ ⲛⲧⲉⲡⲟⲩⲣⲟ ⲛⲧⲉⲫⲣⲏⲥ ⲛⲛⲟⲩⲥⲉⲙⲛⲓ ⲉⲩⲉⲧⲱⲟⲩⲛϫⲉ ⲛⲉϥⲥⲱⲧⲡ ⲛⲛⲟⲩϣϫⲉⲙϫⲟⲙ ⲛⲟϩⲓ ⲉⲣⲁⲧⲟⲩ .
…
16 ⲟⲩⲟϩ ⲉϥⲉⲓⲣⲓ ⲛϫⲉⲫⲏⲉⲑⲛⲁϣⲉ ⲉϧⲟⲩⲛ ϣⲁⲣⲟϥ ⲕⲁⲧⲁⲡⲉϥⲟⲩⲱϣ ⲟⲩⲟϩ ⲛⲛⲉϩⲗⲓ ϣⲟϩⲓ ⲉⲣⲁⲧϥ ⲙⲡⲉϥⲙⲑⲟ ⲉϥⲉⲟϩⲓ ⲉⲣⲁⲧϥ ϧⲉⲛⲡⲕⲁϩⲓ ⲥⲁⲃⲓⲣ ⲉϥⲉϫⲱⲕ ⲉⲃⲟⲗϧⲉⲛ ⲧⲉϥϫⲓϫ .
…
17 ⲉϥⲉⲥⲉⲙⲛⲓ ⲙⲡⲉϥϩⲟ ⲉⲑⲣⲉϥⲓ ⲉϧⲟⲩⲛ ϧⲉⲛⲧϫⲟⲙ ⲛⲧⲉⲧⲉϥⲙⲉⲧⲟⲩⲣⲟ ⲧⲏⲣⲥ ⲟⲩⲟϩ ϥⲛⲁⲑⲣⲉ ϩⲱⲃ ⲛⲓⲃⲉⲛ ⲥⲱⲟⲩⲧⲉⲛ ⲛⲉⲙⲁϥ ⲟⲩϣⲉⲣⲓ ⲛⲧⲉⲛⲓϩⲓⲟⲙⲓ ⲉϥⲉⲧⲏⲓⲥ ⲉⲑⲣⲉϥⲧⲁⲕⲟⲥ ⲛⲛⲉⲥⲟϩⲓ ⲟⲩⲇⲉ ⲛⲛⲉⲥϣⲱⲡⲓ .
…
18 ⲉϥⲉⲧⲁⲥⲑⲟ ⲙⲡⲉϥϩⲟ ⲉⲛⲓⲛⲏⲥⲟⲥ ⲉϥⲉϭⲓ ⲛϩⲁⲛⲙⲏϣ ⲟⲩⲟϩ ⲛⲓⲁⲣⲭⲱⲛ ⲛⲧⲉⲡⲟⲩϣⲱϣ ⲉϥⲉⲣⲟⲕϩⲟⲩ ⲡⲗⲏⲛ ⲡⲉϥϣⲱϣ ⲉϥⲉⲧⲁⲥⲑⲟ ϩⲁⲣⲟϥ .
…
19 ⲟⲩⲟϩ ⲉϥⲉⲧⲁⲥⲑⲟ ⲙⲡⲉϥϩⲟ ⲉϯϫⲟⲙ ⲛⲧⲉⲡⲉϥⲕⲁϩⲓ ⲉϥⲉϣⲱⲛⲓ ⲉϥⲉϩⲉⲓ ⲛⲛⲟⲩϫⲉⲙϥ ⲉⲡⲧⲏⲣϥ .
…
20 ⲉϥⲉⲧⲱⲛϥ ⲉⲃⲟⲗϧⲉⲛ ⲧⲉϥⲛⲟⲩⲛⲓ ⲛϫⲉⲟⲩϣϣⲏⲛ ⲙⲙⲉⲧⲟⲩⲣⲟ ⲉϫⲉⲛⲡⲉϥⲥⲟⲃϯ ⲉϥⲉϭⲓⲛϫⲟⲛⲥ ⲉϥⲉⲉⲣϩⲱⲃ ⲛⲟⲩⲱⲟⲩ ⲙⲙⲉⲧⲟⲩⲣⲟ ⲟⲩⲟϩ ϧⲉⲛⲡⲓⲉϩⲟⲟⲩ ⲉⲧⲉⲙⲙⲁⲩ ⲉϥⲉϧⲟⲙϧⲉⲙ ϧⲉⲛϩⲁⲛϩⲟⲡⲗⲟⲛ ⲁⲛ ⲟⲩⲇⲉ ϧⲉⲛⲟⲩⲡⲟⲗⲉⲙⲟⲥ ⲁⲛ .
…
21 ϥⲛⲁⲟϩⲓ ⲉⲣⲁⲧϥ ⲉϫⲉⲛⲡⲉϥⲥⲟⲃϯ ⲁϥϣⲱϣ ⲟⲩⲟϩ ⲛⲛⲟⲩϯ ⲉϫⲱϥ ⲛⲟⲩⲱⲟⲩ ⲙⲙⲉⲧⲟⲩⲣⲟ ⲉϥⲉϩⲉⲓ ϧⲉⲛⲟⲩϩⲉⲛⲟⲩϥⲓ ⲟⲩⲟϩ ⲉϥⲉϫⲉⲙϫⲟⲙ ⲉϫⲉⲛⲟⲩⲙⲉⲧⲟⲩⲣⲟ ϧⲉⲛϩⲁⲛⲥⲗⲁⲧⲗⲉⲧ .
…
22 ⲟⲩⲟϩ ⲛⲓϣⲱⲃϣ ⲛⲧⲉⲛⲏⲉⲧⲉⲣⲕⲁⲧⲁⲕⲗⲓⲍⲓⲛ ⲙⲙⲱⲟⲩ ⲉⲃⲟⲗϩⲁ ⲡⲉϥϩⲟ ⲉⲩⲉϧⲟⲙϧⲉⲙ ⲟⲩⲟϩ ⲟⲩϩⲩⲅⲟⲩⲙⲉⲛⲟⲥ ⲛⲧⲉⲟⲩⲇⲓⲁⲑⲏⲕⲏ .
…
23 ⲟⲩⲟϩ ⲉⲃⲟⲗϧⲉⲛ ⲛⲏⲉⲑⲙⲟⲩϫⲧ ⲉⲣⲟϥ ⲉϥⲉⲓⲣⲓ ⲛⲟⲩⲭⲣⲟϥ ⲟⲩⲟϩ ⲉϥⲉⲓ ⲉⲡϣⲱⲓ ⲉϥⲉϫⲉⲙϫⲟⲙ ⲉϩⲣⲏⲓ ⲉϫⲱⲟⲩ ϧⲉⲛⲟⲩϫⲟⲙ ϧⲉⲛⲟⲩⲕⲟⲩϫⲓ ⲛⲉⲑⲛⲟⲥ .
…
24 ϧⲉⲛⲟⲩϩⲉⲛⲟⲩϥⲓ ⲉϥⲉⲓ ϧⲉⲛϩⲁⲛⲙⲏϣ ⲛⲭⲱⲣⲁ ⲟⲩⲟϩ ⲉϥⲉⲓⲣⲓ ⲛⲛⲏⲉⲧⲉ ⲙⲡⲟⲩⲁⲓⲧⲟⲩ ⲛϫⲉⲛⲉϥⲓⲟϯ ⲛⲉⲙⲛⲓⲓⲟϯ ⲛⲧⲉⲛⲉϥⲓⲟϯ ⲛⲟⲩϣⲱⲗ ⲛⲉⲙⲃⲃⲃⲃⲃ ⲛⲟⲩϩⲱⲗⲉⲙ ⲟⲩⲙⲉⲧⲣⲁⲙⲁⲟ ⲉϥⲉϫⲟⲣⲥ ⲛⲱⲟⲩ ⲉⲃⲟⲗ ⲉϥⲉⲥⲟϭⲛⲓ ⲛⲛⲉϥⲥⲟϭⲛⲓ ⲉϫⲉⲛⲭⲏⲙⲓ ϣⲁⲟⲩⲥⲏⲟⲩ .
…
25 ⲟⲩⲟϩ ⲉⲥⲉⲧⲱⲛⲥ ⲛϫⲉⲧⲉϥϫⲟⲙ ⲛⲉⲙⲡⲉϥϩⲏⲧ ⲉϫⲉⲛⲡⲟⲩⲣⲟ ⲛⲧⲉⲫⲣⲏⲥ ϧⲉⲛⲟⲩⲛⲓϣϯ ⲛϫⲟⲙ ⲟⲩⲟϩ ⲡⲟⲩⲣⲟ ⲛⲧⲉⲫⲣⲏⲥ ⲉϥⲉⲓⲣⲓ ⲛⲟⲩⲡⲟⲗⲉⲙⲟⲥ ϧⲉⲛⲟⲩⲛⲓϣϯ ⲛϫⲟⲙ ⲉⲥϫⲟⲣ ⲉⲙⲁϣⲱ ⲟⲩⲟϩ ⲛⲛⲟⲩⲟϩⲓ ⲉⲣⲁⲧⲟⲩϫⲉⲥⲉⲛⲁⲥⲟϭⲛⲓ ⲉϩⲣⲏⲓ ⲉϫⲱϥ .
…
26 ⲉⲩⲉⲟⲩⲱⲙ ⲛⲛⲓⲥⲱⲧⲡ ⲛⲧⲁϥ ⲉⲩⲉϧⲉⲙϧⲱⲙϥ ⲟⲩⲟϩ ⲉϥⲉϫⲱⲗⲕ ⲛϩⲁⲛϫⲟⲙ ⲉⲩⲉϩⲉⲓ ⲛϫⲉϩⲁⲛⲙⲏϣ ⲛϧⲱⲧⲉⲃ .
…
27 ⲉⲩⲉϣⲱⲡⲓ ⲛϫⲉⲡϩⲏⲧ ⲙⲡⲓⲟⲩⲣⲟ ⲃ ⲉⲟⲩⲡⲉⲧϩⲱⲟⲩ ⲟⲩⲟϩ ϩⲓϫⲉⲛⲟⲩⲧⲣⲁⲡⲉⲍⲁ ⲛⲟⲩⲱⲧ ⲉⲩⲉⲥⲁϫⲓ ⲛϩⲁⲛⲙⲉⲑⲛⲟⲩϫ ⲟⲩⲟϩ ⲛⲛⲉϥⲥⲱⲟⲩⲧⲉⲛ ϫⲉⲉⲧⲓ ⲟⲩϫⲱⲕ ⲡⲉ ⲛⲧⲉⲟⲩⲥⲏⲟⲩ .
…
28 ϥⲛⲁⲧⲁⲥⲑⲟ ⲉⲡⲉϥⲕⲁϩⲓ ϧⲉⲛⲟⲩⲙⲉⲧⲣⲁⲙⲁⲟ ⲉⲥⲟϣ ⲟⲩⲟϩ ⲡⲉϥϩⲏⲧ ⲉϫⲉⲛⲟⲩⲇⲓⲁⲑⲏⲕⲏ ⲉⲥⲟⲩⲁⲃ ⲟⲩⲟϩ ⲉϥⲉⲓⲣⲓ ⲉϥⲉⲧⲁⲥⲑⲟ ⲉⲡⲉϥⲕⲁϩⲓ .
…
29 ϧⲉⲛⲡⲓⲥⲏⲟⲩ ⲉϥⲉⲧⲁⲥⲑⲟ ⲉϥⲉⲓ ϧⲉⲛⲡⲓⲥⲁ ⲛⲧⲉⲫⲣⲏⲥ ⲟⲩⲟϩ ⲉϥⲉϣⲱⲡⲓ ⲙⲫⲣⲏϯ ⲛϣⲟⲣⲡ .
…
30 ⲟⲩⲟϩ ⲉⲩⲉⲓ ⲉϧⲟⲩⲛ ⲛϫⲉⲛⲏⲉⲧⲉ ⲛϧⲏⲧϥ ⲛⲉⲙⲛⲓⲕⲣⲓⲧⲏⲥ ⲉⲑⲛⲏⲟⲩ ⲉⲃⲟⲗ ⲉⲩⲉⲑⲉⲃⲓⲟϥ ⲉϥⲉⲧⲁⲥⲑⲟ ⲉϥⲉⲙⲃⲟⲛ ⲉϫⲉⲛⲟⲩⲇⲓⲁⲑⲏⲕⲏ ⲉⲥⲟⲩⲁⲃ ⲟⲩⲟϩ ⲉϥⲉⲓⲣⲓ ⲉϥⲉⲧⲁⲥⲑⲟ ⲉϥⲉⲕⲁϯ ⲉϫⲉⲛⲛⲏⲉⲧⲭⲱ ⲛⲥⲱⲟⲩ ⲛⲟⲩⲇⲓⲁⲑⲏⲕⲏ ⲉⲥⲟⲩⲁⲃ .
…
31 ⲟⲩⲟϩ ϩⲁⲛϣⲱⲃϣ ⲛⲧⲉϩⲁⲛϫⲣⲟϫ ⲉⲩⲉⲧⲱⲟⲩⲛⲟⲩ ⲉⲃⲟⲗ ⲙⲙⲟϥ ⲉⲩⲉⲥⲱϥ ⲙⲡⲓⲙⲁⲛⲧⲟⲩⲃⲟ ⲛⲧⲉϯϫⲟⲙ ⲟⲩⲟϩ ⲉⲩⲉⲟⲩⲱⲧⲉⲃ ⲉⲃⲟⲗ ⲙⲡⲓⲉⲛⲧⲉⲗⲉⲭⲓⲥⲙⲟⲥ ⲉⲩⲉϯ ⲛⲟⲩⲥⲱϥ ⲉϥⲧⲁⲕⲏⲟⲩⲧ ⲉⲙⲁϣⲱ .
…
32 ⲟⲩⲟϩ ⲛⲏⲉⲧⲟⲓ ⲛⲁⲛⲟⲙⲟⲥ ⲉⲩⲇⲓⲁⲑⲏⲕⲏ ⲉⲩⲉⲉⲛⲟⲩ ϧⲉⲛϩⲁⲛⲥⲗⲁⲧⲗⲉⲧ ⲟⲩⲟϩ ⲡⲓⲗⲁⲟⲥ ⲉⲧⲥⲱⲟⲩⲛ ⲙⲡⲉϥⲛⲟⲩϯ ⲉⲩⲉϫⲉⲙϫⲟⲙ ⲉⲩⲉⲓⲣⲓ .
…
33 ⲟⲩⲟϩ ⲛⲓⲕⲁⲧϩⲏⲧ ⲛⲧⲉⲡⲓⲗⲁⲟⲥ ⲉⲩⲉϯⲕⲁϯ ⲛϩⲁⲛⲙⲏϣ ⲟⲩⲟϩ ⲉⲩⲉϣⲱⲛⲓ ϧⲉⲛⲟⲩⲥⲏϥⲓ ⲛⲉⲙⲟⲩϣⲁϩ ⲛⲉⲙⲟⲩⲉⲭⲙⲁⲗⲱⲥⲓⲁ ⲛⲉⲙϧⲉⲛⲡϩⲱⲗⲉⲙ ⲛⲧⲉϩⲁⲛⲉϩⲟⲟⲩ .
…
34 ⲟⲩⲟϩ ϧⲉⲛⲡϫⲓⲛⲑⲣⲟⲩϣⲱⲛⲓ ⲉⲩⲉⲉⲣⲃⲟⲏⲑⲓⲛ ⲉⲣⲱⲟⲩ ⲛⲟⲩⲕⲟⲩϫⲓ ⲛⲃⲟⲏⲑⲓⲁ ⲟⲩⲟϩ ⲉⲩⲉⲧⲟⲩϩⲟ ⲉϩⲣⲏⲓ ⲉϫⲱⲟⲩ ϧⲉⲛⲟⲩⲥⲗⲁⲧⲗⲉⲧ ⲛϫⲉϩⲁⲛⲙⲏϣ .
…
35 ⲉⲃⲟⲗϧⲉⲛ ⲛⲏⲉⲧⲕⲁϯ ⲉⲩⲉϣⲱⲛⲓ ⲉⲡϫⲓⲛⲫⲁⲥⲟⲩ ⲉⲡϫⲓⲛⲥⲱⲧⲡ ⲟⲩⲟϩ ⲉⲡϫⲓⲛϭⲱⲣⲡ ⲉⲃⲟⲗ ϣⲁⲡϫⲱⲕ ⲛⲟⲩⲥⲏⲟⲩ ϫⲉⲉⲧⲓ ϣⲁⲟⲩⲥⲏⲟⲩ ⲡⲉ .
…
36 ⲉϥⲉⲓⲣⲓ ⲕⲁⲧⲁⲡⲉϥⲟⲩⲱϣ ⲟⲩⲟϩ ⲉϥⲉϭⲓⲥⲓ ⲛϫⲉⲡⲟⲩⲣⲟ ⲉϥⲉⲉⲣⲛⲓϣϯ ⲉϩⲣⲏⲓ ⲉϫⲉⲛⲛⲓⲛⲟⲩϯ ⲧⲏⲣⲟⲩ ⲛⲉⲙⲉϫⲉⲛⲫⲛⲟⲩϯ ⲛⲧⲉⲛⲓⲛⲟⲩϯ ⲟⲩⲟϩ ⲉϥⲉⲉϫⲉ ϩⲁⲛⲥⲁϫⲓ ⲉⲩϩⲟⲣϣ ⲉϥⲉⲥⲱⲟⲩⲧⲉⲛ ϣⲁⲛⲧⲉϥϫⲱⲕ ⲛϫⲉⲡⲓϫⲱⲛⲧ ϥⲛⲁϣⲱⲡⲓ ⲅⲁⲣ ⲉⲩⲥⲩⲛⲧⲉⲗⲓⲁ .
…
37 ⲟⲩⲟϩ ⲛⲛⲉϥⲕⲁϯ ⲉϫⲉⲛⲛⲓⲛⲟⲩϯ ⲧⲏⲣⲟⲩ ⲛⲧⲉⲛⲉϥⲓⲟϯ ⲟⲩⲟϩ ⲉϫⲉⲛⲧⲉⲡⲓⲑⲩⲙⲓⲁ ⲛϩⲁⲛϩⲓⲟⲙⲓ ⲛⲉⲙⲉϫⲉⲛⲛⲟⲩϯ ⲛⲓⲃⲉⲛ ⲛⲛⲉϥⲕⲁϯ ϫⲉϥⲛⲁϭⲓⲥⲓ ⲉϫⲉⲛⲟⲩⲟⲛ ⲛⲓⲃⲉⲛ .
…
38 ⲟⲩⲟϩ ⲛⲓⲛⲟⲩϯ ⲛⲧⲉⲙⲱⲁⲇⲓⲛ ⲉϥⲉϯⲱⲟⲩ ⲛⲁϥ ϩⲓϫⲉⲛⲡⲉϥⲙⲁ ⲟⲩⲟϩ ⲛⲓⲛⲟⲩϯ ⲉⲧⲉⲙⲡⲉ ⲛⲉϥⲓⲟϯ ⲥⲟⲩⲱⲛϥ ⲉϥⲉϯⲱⲟⲩ ⲛⲁϥ ϩⲓϫⲉⲛⲟⲩⲛⲟⲩⲃ ⲛⲉⲙⲟⲩϩⲁⲧ ⲛⲉⲙⲟⲩⲱⲛⲓ ⲉϥⲧⲁⲓⲏⲟⲩⲧⲛⲉⲙ ϩⲁⲛⲉⲡⲓⲑⲩⲙⲓⲁ .
…
39 ⲟⲩⲟϩ ⲉϥⲉⲑⲁⲙⲓⲟ ⲛⲛⲓⲧⲁϫⲣⲟ ⲛⲧⲉⲡⲓⲙⲁⲛⲫⲱⲧ ⲛⲉⲙⲟⲩⲛⲟⲩϯ ⲛϣⲉⲙⲙⲟ ⲫⲏⲉⲧⲉϥⲛⲁⲥⲟⲩⲱⲛϥ ϥⲛⲁⲧⲁϫⲣⲟ ⲛⲟⲩⲱⲟⲩ ⲟⲩⲟϩ ϥⲛⲁⲑⲣⲉ ⲟⲩⲙⲏϣ ϭⲛⲉϫⲱⲟⲩ ⲛⲱⲟⲩ ϥⲛⲁⲫⲱϣ ⲛⲟⲩⲕⲁϩⲓ ϧⲉⲛϩⲁⲛⲇⲱⲣⲟⲛ .
…
40 ⲟⲩⲟϩ ϧⲉⲛⲡϫⲱⲕ ⲛⲟⲩⲥⲏⲟⲩ ⲉϥⲉϯⲛⲉⲙⲁϥ ⲛϫⲉⲡⲟⲩⲣⲟ ⲛⲧⲉⲫⲣⲏⲥ ⲟⲩⲟϩ ⲉϥⲉⲑⲱⲟⲩϯ ⲉϩⲣⲏⲓ ⲉϫⲱϥ ⲛϫⲉⲡⲟⲩⲣⲟ ⲛⲧⲉⲡⲉⲙϩⲓⲧ ϧⲉⲛϩⲁⲛϩⲁⲣⲙⲁ ⲛⲉⲙϩⲁⲛϩⲩⲡⲉⲩⲥ ⲛⲉⲙϩⲁⲛⲙⲏϣ ⲛⲉϫⲏⲟⲩ ⲉϥⲉⲓ ⲉϧⲟⲩⲛ ⲉⲡⲕⲁϩⲓ ⲉϥⲉϧⲟⲙϧⲉⲙ ⲉϥⲉⲥⲓⲛⲓ .
…
41 ⲉϥⲉⲓ ⲉϧⲟⲩⲛ ⲉⲡⲕⲁϩⲓ ⲛⲥⲁⲃⲁⲓⲙ ⲟⲩⲟϩ ϩⲁⲛⲙⲏϣ ⲉⲩⲉϣⲱⲛⲓ ⲛⲁⲓ ⲛⲉ ⲛⲏⲉⲑⲛⲁⲛⲟϩⲉⲙ ⲉⲃⲟⲗϧⲉⲛ ⲛⲉϥϫⲓϫ ⲉⲇⲱⲙ ⲛⲉⲙⲙⲱⲁⲃ ⲛⲉⲙⲧⲁⲣⲭⲏ ⲛⲛⲉⲛϣⲏⲣⲓ ⲛⲁⲙⲙⲟⲛ .
…
42 ⲉϥⲉⲥⲱⲟⲩⲧⲉⲛ ⲛⲉϥϫⲓϫ ⲉϩⲣⲏⲓ ⲉϫⲉⲛⲡⲕⲁϩⲓ ⲟⲩⲟϩ ⲡⲕⲁϩⲓ ⲛⲭⲏⲙⲓ ⲛⲛⲉϥϣⲱⲡⲓ ⲉⲡⲓⲟⲩϫⲁⲓ .
…
43 ⲉϥⲉⲉⲣϭⲥ ϧⲉⲛⲛⲏⲉⲧϧⲉⲛ ⲛⲏⲉⲧϩⲏⲡ ⲛⲧⲉⲡⲓⲛⲟⲩⲃ ⲛⲉⲙⲡⲓϩⲁⲧ ⲛⲉⲙⲛⲭⲁⲓ ⲛⲓⲃⲉⲛ ⲉⲧⲉϣⲁⲩⲉⲣⲉⲡⲓⲑⲩⲙⲓⲛ ⲉⲣⲱⲟⲩ ⲛⲧⲉⲭⲏⲙⲓ ⲛⲉⲙϯⲗⲩⲃⲏ ⲛⲉⲙⲛⲓⲉⲑⲁⲩϣ ⲛⲉⲙϩⲁⲛⲙⲁ ⲉⲧϫⲟⲣ ⲉⲙⲁϣⲱ ⲛⲉⲙⲛⲓⲙⲁ ⲉⲧϫⲟⲣ .
…
44 ⲛⲉⲙϩⲁⲛⲥⲙⲏ ⲉⲩⲓⲏⲥⲟⲩⲥ ⲉⲩϣⲧⲉⲣⲑⲱⲣ ⲉⲃⲟⲗϧⲉⲛ ⲛⲓⲙⲁⲛϣⲁⲓ ⲛⲉⲙⲉⲃⲟⲗ ⲥⲁⲡⲉⲙϩⲓⲧ ⲉϥⲉⲓ ⲉϧⲟⲩⲛ ϧⲉⲛⲟⲩⲙⲃⲟⲛ ⲉϥⲟϣ ⲉⲡϫⲓⲛⲧⲁⲕⲟ ⲟⲩⲟϩ ⲉⲡϫⲓⲛⲓⲣⲓ ⲛϩⲁⲛⲙⲏϣ ⲛⲁⲛⲁⲑⲉⲙⲁ .
…
45 ⲉϥⲉⲧⲁϫⲣⲟ ⲛⲧⲉϥⲥⲕⲩⲛⲏ ϧⲉⲛⲫⲁⲇⲁⲛⲱ ⲟⲩⲧⲉ ⲧⲙⲏϯ ⲛⲛⲓⲁⲙⲁⲓⲟⲩ ⲉⲡⲓⲧⲱⲟⲩ ⲉⲑⲟⲩⲁⲃ ⲛⲧⲉⲙⲁⲃⲁⲓⲙ ⲉϥⲉⲓ ϣⲁⲟⲩⲙⲉⲣⲟⲥ ⲛⲧⲁϥ ⲟⲩⲟϩ ϥϣⲟⲡ ⲁⲛ ⲛϫⲉⲫⲏⲉⲑⲛⲁⲛⲟϩⲉⲙ .
…