1 ⲧⲁⲓϩⲟⲣⲁⲥⲓⲥ ⲟⲩⲓⲛⲓ ⲧⲉ ⲛⲧⲉⲡⲱⲟⲩ ⲙⲡϭⲟⲉⲓⲥ ⲟⲩⲟϩ ⲁⲓⲛⲁⲩ ⲟⲩⲟϩ ⲁⲓϩⲓⲧⲧ ⲉϫⲉⲛⲡⲁϩⲟ ⲟⲩⲟϩ ⲁⲓⲥⲱⲧⲉⲙ ⲉⲟⲩⲥⲙⲏ ⲛⲧⲉⲡⲉⲧⲥⲁϫⲓ ⲟⲩⲟϩ ⲡⲉϫⲁϥ ⲛⲏⲓ ϫⲉⲡϣⲏⲣⲓ ⲙⲫⲣⲱⲙⲓ ⲟϩⲓ ⲉⲣⲁⲧⲕ ⲉϫⲉⲛⲛⲉⲕϭⲁⲗⲁⲩϫ ⲟⲩⲟϩ ⲛⲧⲁⲥⲁϫⲓ ⲛⲉⲙⲁⲕ .
This was the appearance of the likeness of the glory of the Lord. And I saw and fell upon my face, and heard the voice of one speaking: and he said to me, Son of man, stand upon thy feet, and I will speak to thee.
2 ⲟⲩⲟϩ ⲁϥⲓ ⲉϫⲱⲓ ⲛϫⲉⲟⲩⲡⲛⲁ ⲁϥⲟⲗⲧ ⲁϥϥⲓⲧⲧ ⲟⲩⲟϩ ⲁϥⲧⲁϩⲟⲓ ⲉⲣⲁⲧⲉϫⲉⲛⲛⲁϭⲁⲗⲁⲩϫ ⲟⲩⲟϩ ⲁⲓⲥⲱⲧⲉⲙ ⲉⲣⲟϥ ⲉϥⲥⲁϫⲓ ⲛⲉⲙⲏⲓ .
And the Spirit came upon me, and took me up, and raised me, and set me on my feet: and I heard him speaking to me.
3 ⲟⲩⲟϩ ⲡⲉϫⲁϥ ⲛⲏⲓ ϫⲉⲡϣⲏⲣⲓ ⲙⲫⲣⲱⲙⲓ ⲁⲛⲟⲕ ϯⲟⲩⲱⲣⲡ ⲙⲙⲟⲕ ϣⲁⲡⲏⲓ ⲙⲡⲓⲥⲗ ⲛⲏⲉⲧϯϫⲱⲛⲧ ⲛⲏⲓ ⲛⲁⲓ ⲉⲧⲁⲩϯϫⲱⲛⲧ ⲛⲏⲓ ⲛⲑⲱⲟⲩ ⲛⲉⲙⲛⲟⲩⲓⲟϯ ⲁⲩⲉⲣⲁⲧⲥⲱⲧⲉⲙ ⲛϧⲣⲏⲓ ⲛϧⲏⲧ ϣⲁⲉϧⲟⲩⲛ ⲉⲫⲟⲟⲩ ⲛⲉϩⲟⲟⲩ .
And he said to me, Son of Man, I send thee forth to the house of Israel, them that provoke me; who have provoked me, they and their fathers to this day.
4 ϩⲁⲛϣⲏⲣⲓ ⲛⲉ ⲉⲣⲉⲡⲟⲩϩⲟ ϫⲟⲣ ⲉⲣⲉⲡⲟⲩϩⲏⲧ ⲛⲁϣⲧ ⲛⲁⲓ ⲁⲛⲟⲕ ⲉϯⲛⲁⲟⲩⲟⲣⲡⲕ ϩⲁⲣⲱⲟⲩ ⲟⲩⲟϩ ⲉⲕⲉϫⲟⲥ ⲛⲱⲟⲩ ϫⲉⲛⲁⲓ ⲛⲉ ⲛⲏⲉⲧⲉϥϫⲱ ⲙⲙⲱⲟⲩ ⲛϫⲉⲡϭⲥ .
And thou shalt say to them, Thus saith the Lord.
5 ⲁⲣⲏⲟⲩ ⲛⲥⲉⲥⲱⲧⲉⲙ ⲓⲉ ⲛⲥⲉⲛⲟⲩϣⲡ ϫⲉⲟⲩⲏⲓ ⲟⲩⲏⲓ ⲛⲣⲉϥϯϫⲱⲛⲧ ⲛⲉ ⲟⲩⲟϩ ⲉⲩⲉⲉⲙⲓ ϫⲉⲛⲑⲟⲕ ⲟⲩⲡⲣⲟⲫⲏⲧⲏⲥ ⲛⲑⲟⲕ ϧⲉⲛⲧⲟⲩϩⲙⲏϯ .
Whether then indeed they shall hear or fear, (for it is a provoking house,) yet they shall know that thou art a prophet in the midst of them.
6 ⲟⲩⲟϩ ⲛⲑⲟⲕ ⲡϣⲏⲣⲓ ⲙⲫⲣⲱⲙⲓ ⲙⲡⲉⲣⲉⲣϩⲟϯ ϧⲁⲧⲟⲩϩⲏ ⲟⲩⲇⲉ ⲙⲡⲉⲣⲧⲱⲙⲧ ⲙⲡⲉⲙⲑⲟ ⲙⲡⲟⲩϩⲟ ϫⲉⲥⲉⲛⲁⲑⲱⲟⲩϯ ⲟⲩⲟϩ ⲥⲉⲓ ⲉϩⲣⲏⲓ ⲉϫⲱⲕ ⲙⲡⲉⲕⲕⲱϯ ⲟⲩⲟϩ ⲁⲕϣⲟⲡ ⲛⲑⲟⲕ ϧⲉⲛⲧⲙⲏϯ ⲛϩⲁⲛϭⲗⲏ ⲙⲡⲉⲣⲉⲣϩⲟϯ ⲛⲑⲟⲕ ϧⲁⲧϩⲏ ⲛⲛⲟⲩⲥⲁϫⲓ ⲟⲩⲇⲉ ⲙⲡⲉⲣⲧⲱⲙⲧ ϧⲁⲧϩⲏ ⲙⲡⲟⲩϩⲟ ϫⲉⲟⲩⲏⲓ ⲟⲩⲏⲓ ⲛⲣⲉϥϯϫⲱⲛⲧ ⲛⲉ .
And thou, son of man, fear them not, nor be dismayed at their face; (for they will madden and will rise up against thee round about, and thou dwellest in the midst of scorpions): be not afraid of their words, nor be dismayed at their countenance, for it is a provoking house.
7 ⲟⲩⲟϩ ⲛⲁⲥⲁϫⲓ ϫⲟⲧⲟⲩ ⲉⲣⲱⲟⲩ ⲉϣⲱⲡ ⲉⲩⲛⲁⲥⲱⲧⲉⲙ ⲛⲥⲉⲉⲣϩⲟϯ ⲉⲑⲃⲉϫⲉⲟⲩⲏⲓ ⲛⲣⲉϥϯⲙⲃⲟⲛ .
And thou shalt speak my words to them, whether they will hear or fear: for it is a provoking house.
8 ϫⲉⲁⲣⲓⲉⲙⲓ ⲛⲑⲟⲕ ϩⲱⲕ ⲡϣⲏⲣⲓ ⲙⲫⲣⲱⲙⲓ ⲟⲩⲟϩ ⲥⲱⲧⲉⲙ ⲉⲫⲏⲉⲧⲥⲁϫⲓ ⲛⲉⲙⲁⲕ ⲙⲡⲉⲣϣⲱⲡⲓ ⲛⲣⲉϥϯϫⲱⲛⲧ ⲙⲫⲣⲏϯ ⲙⲡⲓⲏⲓ ⲉⲧϯⲙⲃⲟⲛ ⲁⲟⲩⲱⲛ ⲛⲣⲱⲕ ⲟⲩⲱⲙ ⲛⲛⲏⲉϯⲛⲁⲧⲏⲓⲧⲟⲩ ⲛⲁⲕ .
And thou, son of man, hear him that speaks to thee; be not thou provoking, as the provoking house: open thy mouth, and eat what I give thee.
9 ⲁⲓⲛⲁⲩ ⲟⲩⲟϩ ϩⲏⲡⲡⲉ ⲓⲥ ⲟⲩϫⲓϫ ⲉⲥⲥⲱⲟⲩⲧⲉⲛ ⲉⲃⲟⲗ ⲛⲁϩⲣⲁⲓ ⲉⲣⲉⲟⲩⲕⲉⲫⲁⲗⲓⲥ ⲛϫⲱⲙ ⲛϧⲏⲧⲥ .
And I looked, and behold, a hand stretched out to me, and in it a volume of a book.
10 ⲟⲩⲟϩ ⲁϥⲕⲟⲩⲗⲟⲗⲥ ⲙⲡⲁⲙⲑⲟ ⲉⲃⲟⲗ ⲥⲉⲥϧⲏⲟⲩⲧ ⲥⲁϧⲟⲩⲛ ⲛⲉⲙⲥⲁⲃⲟⲗ ⲟⲩⲟϩ ⲉⲟⲩⲟⲛ ⲟⲩⲛⲉϩⲡⲓ ⲛⲉⲙⲟⲩϩⲱⲇⲏ ⲛⲉⲙⲟⲩⲟⲩⲟⲓ ⲥϧⲏⲟⲩⲧ ⲉⲣⲟⲥ .
And he unrolled it before me: and in it the front and the back were written upon: and there was written in it Lamentation, and mournful song, and woe.