1 ⲉϣⲱⲡ ⲁⲕϣⲁⲛⲟⲩⲱⲛ ⲛⲧⲫⲉ ⲟⲩⲥⲑⲉⲣⲧⲉⲣ ⲉϥⲉϭⲓ ⲛⲛⲓⲧⲱⲟⲩ ⲉⲃⲟⲗ ⲙⲙⲟⲕ ⲉⲩⲉⲃⲱⲗ ⲉⲃⲟⲗ .
If thou wouldest open the heaven, trembling will take hold upon the mountains from thee, and they shall melt,
2 ⲙⲫⲣⲏϯ ⲛⲟⲩⲙⲟⲩⲗϩ ⲉⲃⲟⲗϩⲁ ⲡϩⲟ ⲛⲟⲩⲭⲣⲱⲙ ⲟⲩⲟϩ ⲟⲩⲭⲣⲱⲙ ⲉϥⲉⲣⲱⲕϩ ⲛⲛⲏⲉⲧϯ ⲟⲩⲃⲏⲕ ⲟⲩⲟϩ ⲉϥⲉϣⲱⲡⲓ ⲛϫⲉⲫⲣⲁⲛ ⲙⲡϭⲟⲉⲓⲥ ⲉϥⲟⲓ ⲛϩⲟϯ ⲛⲛⲏⲉⲧϯ ⲟⲩⲃⲏϥ ⲟⲩⲟϩ ϩⲁⲛⲉⲑⲛⲟⲥ ⲉⲩⲉϣⲑⲟⲣⲧⲉⲣ ⲉⲃⲟⲗϩⲁ ⲡⲉϥϩⲟ .
as wax melts before the fire; and fire shall burn up the enemies, and thy name shall be manifest among the adversaries: at thy presence the nations shall be troubled,
3 ⲉϣⲱⲡ ⲁⲕϣⲁⲛⲓⲣⲓ ⲛⲛⲓϩⲃⲏⲟⲩⲓ ⲛⲧⲉⲡⲱⲟⲩ ⲉⲧⲧⲁⲓⲏⲟⲩⲧ ⲟⲩⲥⲑⲉⲣⲧⲉⲣ ⲉϥⲉϭⲓ ⲛⲛⲓⲧⲱⲟⲩ ⲉⲃⲟⲗϩⲁ ⲧⲉⲕϩⲏ .
whenever thou shalt work gloriously; trembling from thee shall take hold upon the mountains.
4 ⲓⲥϫⲉⲛ ⲡⲉⲛⲉϩ ⲙⲡⲉⲛⲥⲱⲧⲉⲙ ⲟⲩⲇⲉ ⲛⲉⲛⲃⲁⲗ ⲙⲡⲟⲩⲛⲁⲩ ⲉⲕⲉⲛⲟⲩϯ ⲉⲃⲏⲗ ⲉⲣⲟⲕ ⲛⲉⲙⲛⲉⲕϩⲃⲏⲟⲩⲓ ⲉⲧⲁⲕⲁⲓⲧⲟⲩ ⲛⲛⲏⲉⲧϫⲟⲩϣⲧ ⲉⲃⲟⲗ ϧⲁⲧϩⲏ ⲛⲟⲩⲛⲁⲓ .
From of old we have not heard, neither have our eyes seen a God beside thee, and thy works which thou wilt perform to them that wait for mercy.
5 ⲉϥⲉϯⲙⲁϯ ⲅⲁⲣ ⲛⲛⲏⲉⲑⲛⲁⲓⲣⲓ ⲛϯⲙⲉⲑⲙⲏⲓ ⲟⲩⲟϩ ⲉⲩⲉⲉⲣⲫⲙⲉⲩⲓ ⲛⲛⲉⲕⲙⲱⲓⲧ ϩⲏⲡⲡⲉ ⲛⲑⲟⲕ ⲁⲕϫⲱⲛⲧ ⲟⲩⲟϩ ⲁⲛⲟⲛ ⲁⲛⲉⲣⲛⲟⲃⲓ ⲉⲑⲃⲉⲫⲁⲓ ⲁⲛⲥⲱⲣⲉⲙ .
For these blessings shall happen to them that work righteousness, and they shall remember thy ways: behold, thou wast angry and we have sinned; therefore we have erred,
6 ⲟⲩⲟϩ ⲁⲛⲉⲣ ⲙⲫⲣⲏϯ ⲛϩⲁⲛⲟⲩⲟⲛ ⲉⲩϭⲁϧⲉⲙ ⲧⲏⲣⲟⲩ ⲟⲩⲟϩ ⲧⲉⲛⲙⲉⲑⲙⲏⲓ ⲧⲏⲣⲥ ⲙⲫⲣⲏϯ ⲛⲟⲩⲫⲉⲗϫⲓ ⲛⲧⲉⲟⲩⲓ ⲉⲥⲟⲓ ⲛⲕⲉⲙⲁ ⲟⲩⲟϩ ⲁⲛϥⲟⲣϥⲉⲣ ⲙⲫⲣⲏϯ ⲛϩⲁⲛϫⲱⲃⲓ ⲉⲑⲃⲉⲛⲉⲛⲁⲛⲟⲙⲓⲁ ⲡⲁⲓⲣⲏϯ ⲡⲑⲏⲟⲩ ⲉϥⲉⲟⲗⲉⲛ .
and we are all become as unclean, and all our righteousness as a filthy rag: and we have fallen as leaves because of our iniquities; thus the wind shall carry us away.
7 ⲟⲩⲟϩ ⲙⲙⲟⲛ ⲫⲏⲉⲧⲧⲱⲃϩ ⲙⲡⲉⲕⲣⲁⲛ : ⲟⲩⲟϩ ⲙⲙⲟⲛ ⲫⲏⲉⲑⲙⲉⲩⲓ ⲉⲁⲙⲟⲛⲓ ⲙⲙⲟⲕ ϫⲉⲁⲕⲫⲱⲛϩ ⲙⲡⲉⲕϩⲟ ⲥⲁⲃⲟⲗ ⲙⲙⲟⲛ ⲟⲩⲟϩ ⲁⲕⲧⲏⲓⲧⲉⲛ ⲉⲑⲃⲉⲛⲉⲛⲛⲟⲃⲓ .
And there is none that calls upon thy name, or that remembers to take hold on thee: for thou hast turned thy face away from us, and hast delivered us up because of our sins.
8 ϯⲛⲟⲩ ⲡϭⲥ ⲛⲑⲟⲕ ⲡⲉ ⲡⲉⲛⲓⲱⲧ ⲁⲛⲟⲛ ⲇⲉ ⲁⲛⲟⲛ ⲟⲩⲟⲙⲓ ⲡϩⲱⲃ ⲛⲧⲉⲛⲉⲕϫⲓϫ ⲧⲏⲣⲉⲛ .
And now, O Lord, thou art our Father, and we are clay, all of us the work of thine hands.
9 ⲙⲡⲉⲣϫⲱⲛⲧ ⲉⲣⲟⲛ ⲉⲙⲁϣⲱ ⲟⲩⲟϩ ϧⲉⲛⲡⲥⲏⲟⲩ ⲙⲡⲉⲣⲉⲣⲫⲙⲉⲩⲓ ⲛⲛⲉⲛⲛⲟⲃⲓ ⲟⲩⲟϩ ϯⲛⲟⲩ ⲕⲟⲧⲕ ⲡϭⲥ ϫⲉⲁⲛⲟⲛ ⲡⲉ ⲡⲉⲕⲗⲁⲟⲥ ⲧⲏⲣⲉⲛ .
Be not very wroth with us, and remember not our sins for ever; but now look on us, for we are all thy people.
10 ϯⲃⲁⲕⲓ ⲛⲧⲉⲡⲉⲑⲟⲩⲁⲃ ⲛⲧⲁⲕ ⲥⲓⲱⲛ ⲁⲥϣⲱⲡⲓ ⲉⲡϣⲁϥⲉ ⲁⲥⲉⲣ ⲙⲫⲣⲏϯ ⲛⲟⲩϣⲁϥⲉ ⲛϫⲉϩⲓⲉⲣⲟⲩⲥⲁⲗⲏⲙ .
The city of thy holiness has become desolate, Sion has become as a wilderness, Jerusalem a curse.
11 ⲁϥϣⲱⲡⲓ ⲉⲡⲥⲁϩⲟⲩⲓ ⲛϫⲉⲡⲓⲏⲓ ⲡⲉⲑⲟⲩⲁⲃ ⲛⲧⲁⲕ ⲟⲩⲟϩ ⲡⲓⲱⲟⲩ ⲉⲧⲁ ⲛⲉⲛⲓⲟϯ ⲥⲙⲟⲩ ⲉⲣⲟϥ ⲁϥⲣⲱⲕϩ ϧⲉⲛⲟⲩⲭⲣⲱⲙ ⲛⲏ ⲧⲏⲣⲟⲩ ⲉⲧⲧⲁⲓⲏⲟⲩⲧ ⲛⲧⲁⲛ ⲁⲩϩⲉⲓ .
The house, our sanctuary, and the glory which our fathers blessed, has been burnt with fire: and all our glorious things have gone to ruin.
12 ⲟⲩⲟϩ ⲉϩⲣⲏⲓ ⲉϫⲉⲛⲛⲁⲓ ⲧⲏⲣⲟⲩ ⲁⲕⲉⲣⲁⲛⲉⲭⲉⲥⲑⲉ ⲡϭⲟⲉⲓⲥ ⲁⲕⲭⲁⲣⲱⲕ ⲟⲩⲟϩ ⲁⲕⲑⲉⲃⲓⲟⲛ ⲉⲙⲁϣⲱ .
And for all these things thou, O Lord, has withholden, thyself, and been silent, and hast brought us very low.