1 ⲟⲩⲡⲛⲁ ⲛⲧⲉⲡϭⲥ ⲡⲉⲧⲭⲏ ϩⲓϫⲱⲓ : ⲉⲑⲃⲉⲫⲁⲓ ⲁϥⲑⲁϩⲥⲧ ⲁϥⲟⲩⲱⲣⲡⲧ ⲉϩⲓϣⲉⲛⲛⲟⲩϥⲓ ⲛⲛⲓϩⲏⲕⲓ ⲉⲧⲁⲗϭⲟ ⲛⲛⲏⲉⲧϧⲉⲙϧⲱⲙ ϧⲉⲛⲡⲟⲩϩⲏⲧ ⲉϩⲓⲱⲓϣ ⲛⲛⲓⲉⲭⲙⲁⲗⲱⲧⲟⲥ ⲛⲟⲩⲭⲱ ⲉⲃⲟⲗ ⲛⲉⲙⲛⲓⲃⲉⲗⲗⲉⲩ ⲛⲟⲩⲛⲁⲩ ⲙⲃⲟⲗ .
The Spirit of the Lord is upon me, because he has anointed me; he has sent me to preach glad tidings to the poor, to heal the broken in heart, to proclaim liberty to the captives, and recovery of sight to the blind;
2 ⲉⲙⲟⲩϯ ⲛⲟⲩⲣⲟⲙⲡⲓ ⲉⲥϣⲏⲡ ⲙⲡϭⲟⲉⲓⲥ ⲛⲉⲙⲟⲩⲉϩⲟⲟⲩ ⲛϯϣⲉⲃⲓⲱ ⲉϯⲛⲟⲙϯ ⲛⲟⲩⲟⲛ ⲛⲓⲃⲉⲛ ⲉⲧⲉⲣϩⲏⲃⲓ .
to declare the acceptable year of the Lord, and the day of recompence; to comfort all that mourn;
3 ⲟⲩⲟϩ ⲉⲓⲉϯ ⲛⲟⲩⲱⲟⲩ ⲛⲛⲏⲉⲧⲉⲣϩⲏⲃⲓ ⲛⲥⲓⲱⲛ ⲛⲧϣⲉⲃⲓⲱ ⲛⲟⲩⲕⲉⲣⲙⲓ ⲟⲩⲑⲱϩⲥ ⲛⲧⲉⲟⲩⲟⲩⲛⲟϥ ⲛⲛⲏⲉⲧⲉⲣϩⲏⲃⲓ ⲛⲉⲙⲟⲩⲥⲧⲟⲗⲏ ⲛⲧⲉⲟⲩⲱⲟⲩ ⲛⲧϣⲉⲃⲓⲱ ⲛⲟⲩⲡⲛⲁ ⲛⲉⲙⲕⲁϩⲛϩⲏⲧ ⲉⲩⲉⲙⲟⲩϯ ⲉⲣⲱⲟⲩ ϫⲉⲟⲩⲅⲉⲛⲉⲁ ⲛⲧⲉϯⲙⲉⲑⲙⲏⲓ ⲟⲩϭⲟ ⲛⲧⲉⲡϭⲥ ⲉⲩⲱⲟⲩ .
that there should be given to them that mourn in Sion glory instead of ashes, the oil of joy to the mourners, the garment of glory for the spirit of heaviness: and they shall be called generations of righteousness, the planting of the Lord for glory.
4 ⲟⲩⲟϩ ⲉⲩⲉⲕⲱⲧ ⲛϩⲁⲛϣⲁϥⲉⲩ ⲛⲉⲛⲉϩ ⲛⲏⲉⲧⲁⲩϣⲱϥ ⲛϣⲟⲣⲡ ⲉⲩⲉⲧⲟⲩⲛⲟⲥⲟⲩ ϩⲁⲛⲃⲁⲕⲓ ⲛϣⲁϥⲉ ⲉⲩⲉⲁⲓⲧⲟⲩ ⲙⲃⲉⲣⲓ ⲉⲁⲩϣⲱϥ ⲓⲥϫⲉⲛ ⲛⲓⲅⲉⲛⲉⲁ .
And they shall build the old waste places, they shall raise up those that were before made desolate, and shall renew the desert cities, even those that had been desolate for many generations.
5 ⲟⲩⲟϩ ⲉⲩⲉⲓ ⲛϫⲉⲛⲓⲁⲗⲗⲟⲅⲉⲛⲏⲥ ⲉⲩⲉⲙⲟⲛⲓ ⲛⲛⲉⲉⲥⲱⲟⲩ ⲟⲩⲟϩ ⲛⲓⲁⲗⲗⲟⲫⲩⲗⲟⲥ ⲉⲩⲉϣⲱⲡⲓ ⲛⲣⲉϥⲥⲭⲁⲓ ⲛⲉⲙⲟⲩⲱⲓⲛⲁⲗⲟⲗⲓ .
And strangers shall come and feed thy flocks, and aliens shall be thy ploughmen and vine-dressers.
6 ⲛⲑⲱⲧⲉⲛ ⲇⲉ ⲉⲩⲉⲙⲟⲩϯ ⲉⲣⲱⲧⲉⲛ ϫⲉⲛⲓⲟⲩⲏⲃ ⲛⲧⲉⲡϭⲥ ⲛⲉⲙⲛⲓⲣⲉϥϣⲉⲙϣⲓ ⲛⲧⲉⲫⲛⲟⲩϯ ⲧϫⲟⲙ ⲛⲧⲉⲛⲓⲉⲑⲛⲟⲥ ⲉⲣⲉⲧⲉⲛⲟⲩⲟⲙⲥ ⲟⲩⲟϩ ϧⲉⲛⲧⲟⲩⲙⲉⲧⲣⲁⲙⲁⲟ ⲉⲩⲉⲣϣⲫⲏⲣⲓ ⲛⲱⲧⲉⲛ .
But ye shall be called priests of the Lord, the ministers of God: ye shall eat the strength of nations, and shall be admired because of their wealth.
7 ⲡⲁⲓⲣⲏϯ ⲙⲫⲙⲁϩ ⲥⲟⲛⲃ ⲉⲩⲉⲉⲣⲕⲗⲏⲣⲟⲛⲟⲙⲓⲛ ⲙⲡⲓⲕⲁϩⲓ ⲟⲩⲟⲩⲛⲟϥ ⲛⲉⲛⲉϩ ⲉϥⲉϣⲱⲡⲓ ϩⲓϫⲉⲛⲧⲟⲩⲁⲫⲉ .
Thus shall they inherit the land a second time, and everlasting joy shall be upon their head.
8 ⲁⲛⲟⲕ ⲅⲁⲣ ⲡⲉ ⲡϭⲟⲉⲓⲥ ⲫⲏⲉⲧⲉⲣⲁⲅⲁⲡⲁⲛ ⲛϯⲙⲉⲑⲙⲏⲓ : ⲟⲩⲟϩ ⲉⲑⲙⲟⲥϯ ⲛϩⲁⲛϩⲱⲗⲉⲙ ϧⲉⲛⲟⲩϭⲓⲛϫⲟⲛⲥ ⲟⲩⲟϩ ⲉⲓⲉϯ ⲙⲡⲟⲩϧⲓⲥⲓ ⲛϩⲁⲛⲑⲙⲏⲓ ⲟⲩⲇⲓⲁⲑⲏⲕⲏ ⲛⲉⲛⲉϩ ⲉⲓⲉⲥⲉⲙⲛⲏⲧⲥ ⲛⲉⲙⲱⲟⲩ .
For I am the Lord who love righteousness, and hate robberies of injustice; and I will give their labour to the just, and will make an everlasting covenant with them.
9 ⲟⲩⲟϩ ⲉⲓⲉⲥⲟⲩⲱⲛ ⲡⲟⲩϫⲣⲟϫ ϧⲉⲛⲛⲓⲉⲑⲛⲟⲥ ⲛⲉⲙⲛⲟⲩϫⲫⲟ ϧⲉⲛⲧⲙⲏϯ ⲛⲛⲓⲗⲁⲟⲥ ⲟⲩⲟⲛ ⲛⲓⲃⲉⲛ ⲉⲑⲛⲁⲩ ⲉⲣⲱⲟⲩ ⲉⲩⲉⲥⲟⲩⲱⲛⲟⲩ ϫⲉⲛⲁⲓ ⲟⲩϫⲣⲟϫ ⲛⲉ ⲉϥⲥⲙⲁⲣⲱⲟⲩⲧ ⲛⲧⲉⲫⲛⲟⲩϯ ⲟⲩⲟϩ ϧⲉⲛⲟⲩⲟⲩⲛⲟϥ ⲉⲩⲉⲟⲩⲛⲟϥ ⲉϫⲉⲛⲡϭⲥ .
And their seed shall be known among the Gentiles, and their offspring in the midst of peoples: every one that sees them shall take notice of them, that they are a seed blessed of God;
10 ⲙⲁⲣⲉⲥⲑⲉⲗⲏⲗ ⲛϫⲉⲧⲁⲯⲩⲭⲏ ⲉϩⲣⲏⲓ ⲉϫⲉⲛⲡϭⲥ ⲁϥϯ ⲅⲁⲣ ϩⲓⲱⲧ ⲛⲟⲩϩⲃⲱⲥ ⲛⲟⲩϫⲁⲓ ⲛⲉⲙⲟⲩϣⲑⲏⲛ ⲛⲟⲩⲛⲟϥ ⲁϥϯ ⲛⲟⲩⲙⲓⲧⲣⲁ ⲉϫⲱⲓ ⲙⲫⲣⲏϯ ⲛⲟⲩⲡⲁⲧϣⲉⲗⲉⲧ ⲟⲩⲟϩ ⲙⲫⲣⲏϯ ⲛⲟⲩϣⲉⲗⲉⲧ ⲁϥⲥⲉⲗⲥⲱⲗⲧ ϧⲉⲛⲟⲩⲥⲟⲗⲥⲉⲗ .
and they shall greatly rejoice in the Lord. Let my soul rejoice in the Lord; for he has clothed me with the robe of salvation, and the garment of joy: he has put a mitre on me as on a bridegroom, and adorned me with ornaments as a bride.
11 ⲙⲫⲣⲏϯ ⲛⲟⲩⲕⲁϩⲓ ⲉϥⲑⲣⲟ ⲙⲡⲉϥⲣⲱⲧ ⲉϣⲓⲁⲓ ⲛⲉⲙⲟⲩϭⲱⲙ ⲙⲡⲉϥⲟⲩⲧⲁϩ ⲡⲁⲓⲣⲏϯ ⲡϭⲥ ⲉϥⲉⲧⲣⲉ ⲛⲟⲩⲙⲉⲑⲙⲏⲓ ⲫⲓⲣⲓ ⲛⲉⲙⲟⲩⲑⲉⲗⲏⲗ ⲙⲡⲉⲙⲑⲟ ⲛⲛⲓⲉⲑⲛⲟⲥ ⲧⲏⲣⲟⲩ .
And as the earth putting forth her flowers, and as a garden its seed; so shall the Lord, even the Lord, cause righteousness to spring forth, and exultation before all nations.