1 ⲛⲁⲓ ⲛⲉ ⲛⲏⲉⲧⲉϥϫⲱ ⲙⲙⲱⲟⲩ ⲛϫⲉⲡϭⲟⲉⲓⲥ ⲁⲣⲉϩ ⲉⲡϩⲁⲡ ⲁⲣⲓⲟⲩⲓ ⲛⲟⲩⲙⲉⲑⲙⲏⲓ ϫⲉϥϧⲉⲛⲧ ⲛϫⲉⲡⲁⲥⲱⲧⲏⲣ ⲉⲑⲣⲉϥⲓ ⲛⲉⲙⲡⲁⲛⲁⲓ ⲉϭⲱⲣⲡ ⲉⲃⲟⲗ .
Thus saith the Lord, Keep ye judgment, and do justice: for my salvation is near to come, and my mercy to be revealed.
2 ⲟⲱⲩⲛⲓⲁⲧϥ ⲙⲡⲓⲣⲱⲙⲓ ⲉⲧⲓⲣⲓ ⲛⲛⲁⲓ ⲛⲉⲙⲡⲓⲣⲱⲙⲓ ⲉⲧⲁⲙⲟⲛⲓ ⲙⲙⲱⲟⲩ ⲟⲩⲟϩ ⲉⲧⲁⲣⲉϩ ⲉⲛⲓⲥⲁⲃⲃⲁⲧⲟⲛ ⲉϣⲧⲉⲙⲥⲟϥⲟⲩ ⲟⲩⲟϩ ⲉⲧⲁⲣⲉϩ ⲉⲛⲉϥϫⲓϫ ⲉϣⲧⲉⲙⲓⲣⲓ ⲛϩⲁⲛϭⲓⲛϫⲟⲛⲥ .
Blessed is the man that does these things, and the man that holds by them, and keeps the sabbaths from profaning them, and keeps his hands from doing unrighteousness.
3 ⲙⲡⲉϥⲑⲣⲉϥϫⲟⲥ ⲛϫⲉⲡⲓⲁⲗⲗⲟⲅⲉⲛⲏⲥ ⲉⲑⲟⲩⲉϩ ⲛⲥⲁⲡϭⲟⲉⲓⲥ ϫⲉϩⲁⲣⲁ ⲡϭⲟⲉⲓⲥ ⲛⲁⲫⲟⲣϫⲧ ⲉⲃⲟⲗϩⲁ ⲡⲉϥⲗⲁⲟⲥ ⲟⲩⲟϩ ⲙⲡⲉⲛⲑⲣⲉϥϫⲟⲥ ⲛϫⲉⲡⲓⲥⲓⲟⲩⲣ ϫⲉⲁⲛⲟⲕ ⲟⲩϣϣⲏⲛ ⲉϥϣⲟⲩⲱⲟⲩ .
Let not the stranger who attaches himself to the Lord, say, Surely the Lord will separate me from his people: and let not the eunuch say, I am a dry tree.
4 ⲛⲁⲓ ⲛⲉ ⲛⲏⲉⲧⲉϥϫⲱ ⲙⲙⲱⲟⲩ ⲛϫⲉⲡϭⲟⲉⲓⲥ ⲛⲛⲓⲥⲓⲟⲩⲣ ⲛⲏⲉⲑⲛⲁⲁⲣⲉϩ ⲉⲛⲓⲟⲩⲁϩⲥⲁϩⲛⲓ ⲟⲩⲟϩ ⲉⲑⲛⲁⲥⲱⲧⲡ ⲛⲛⲏⲉϯⲟⲩⲁϣⲟⲩ ⲁⲛⲟⲕ ⲟⲩⲟϩ ⲉⲑⲛⲁⲁⲙⲟⲛⲓ ⲛⲧⲁⲇⲓⲁⲑⲏⲕⲏ .
Thus saith the Lord to the eunuchs, as many as shall keep my sabbaths, and choose the things which I take pleasure in, and take hold of my covenant;
5 ⲉⲓⲉⲟⲗⲟⲩ ⲉϧⲟⲩⲛ ⲉⲡⲁⲧⲱⲟⲩ ⲉⲑⲩ ⲟⲩⲟϩ ⲉⲓⲉϯ ⲛⲱⲟⲩ ϧⲉⲛⲡⲁⲏⲓ ⲛⲉⲙϧⲉⲛⲡⲁⲥⲟⲃⲧ ⲛⲟⲩⲛⲟⲛⲟⲙⲁⲥⲧⲟⲥ ⲉϥⲥⲟⲧⲡ ⲉϩⲁⲛϣⲏⲣⲓ ⲛⲉⲙϩⲁⲛϣⲉⲣⲓ ⲟⲩⲣⲁⲛ ⲛⲉⲛⲉϩ ϯⲛⲁⲧⲏⲓϥ ⲛⲱⲟⲩ ⲟⲩⲟϩ ⲛⲛⲉϥⲙⲟⲩⲛⲕ .
I will give to them in my house and within my walls an honourable place, better than sons and daughters: I will give them an everlasting name, and it shall not fail.
6 ⲟⲩⲟϩ ⲛⲓⲁⲗⲗⲟⲅⲉⲛⲏⲥ ⲉⲑⲟⲩⲉϩ ⲉⲡϭⲥ ⲉⲉⲣⲃⲱⲕ ⲛⲁϥ ⲟⲩⲟϩ ⲉⲉⲣⲁⲅⲁⲡⲁⲛ ⲙⲫⲣⲁⲛ ⲙⲡϭⲟⲉⲓⲥ ⲉⲑⲣⲟⲩϣⲱⲡⲓ ⲛⲁϥ ⲛϩⲁⲛⲃⲱⲕ ⲛⲉⲙϩⲁⲛⲃⲱⲕⲓ ⲛⲉⲙⲟⲩⲟⲛ ⲛⲓⲃⲉⲛ ⲉⲧⲁⲣⲉϩ ⲉⲛⲓⲥⲁⲃⲃⲁⲧⲟⲛ ⲉϣⲧⲉⲙⲥⲟϥⲟⲩ ⲟⲩⲟϩ ⲉⲧⲁⲙⲟⲛⲓ ⲛⲧⲁⲇⲓⲁⲑⲏⲕⲏ .
And I will give it to the strangers that attach themselves to the Lord, to serve him, and to love the name of the Lord, to be to him servants and handmaids; and as for all that keep my sabbaths from profaning them, and that take hold of my covenant;
7 ⲉⲓⲉⲟⲗⲟⲩ ⲉϧⲟⲩⲛ ⲉⲡⲁⲧⲱⲟⲩ ⲉⲑⲩ ⲟⲩⲟϩ ⲉⲓⲉⲑⲣⲟⲩⲟⲩⲛⲟϥ ϧⲉⲛⲡⲏⲓ ⲛⲧⲉⲧⲁⲡⲣⲟⲥⲉⲩⲭⲏ ⲛⲟⲩϭⲗⲓⲗ ⲛⲉⲙⲛⲟⲩϣⲟⲩϣⲱⲟⲩϣⲓ ⲉⲩⲉϣⲱⲡⲓ ⲉⲩϣⲏⲡ ⲉϫⲉⲛⲡⲁⲙⲁⲛⲉⲣϣⲱⲟⲩϣⲓ ⲡⲁⲏⲓ ⲅⲁⲣ ⲉⲩⲉⲙⲟⲩϯ ⲉⲣⲟϥ ϫⲉⲟⲩⲏⲓ ⲙⲡⲣⲟⲥⲉⲩⲭⲏ ⲛⲛⲓⲉⲑⲛⲟⲥ ⲧⲏⲣⲟⲩ .
I will bring them to my holy mountain, and gladden them in my house of prayer: their whole-burnt-offerings and their sacrifices shall be acceptable upon mine altar; for my house shall be called a house of prayer for all nations,
8 ⲡⲉϫⲁϥ ⲛϫⲉⲡϭⲥ ⲫⲏⲉⲧⲑⲱⲟⲩϯ ⲛⲛⲏⲉⲧⲁⲩϫⲱⲣ ⲉⲃⲟⲗ ⲛⲧⲉⲡⲓⲥⲗ ϫⲉϯⲛⲁⲑⲱⲟⲩϯ ⲉϫⲱϥ ⲛⲟⲩⲥⲩⲛⲁⲅⲱⲅⲏ .
saith the Lord that gathers the dispersed of Israel; for I will gather to him a congregation.
9 ⲛⲓⲑⲏⲣⲓⲟⲛ ⲧⲏⲣⲟⲩ ⲛⲁⲅⲣⲓⲟⲛ ⲁⲙⲱⲓⲛⲓ ⲟⲩⲱⲙ ⲛⲓⲑⲏⲣⲓⲟⲛ ⲧⲏⲣⲟⲩ ⲛⲧⲉⲡⲓⲇⲣⲩⲙⲟⲥ .
All ye beasts of the field, come, devour, all ye beasts of the forest.
10 ⲁⲛⲁⲩ ϫⲉⲁ ⲟⲩⲟⲛ ⲛⲓⲃⲉⲛ ⲉⲣⲃⲉⲗⲗⲉ ⲙⲡⲟⲩⲉⲙⲓ ⲉⲕⲁϯ ϩⲁⲛⲟⲩϩⲱⲣ ⲧⲏⲣⲟⲩ ⲛⲉ ⲉⲩⲟⲛϣ ⲙⲙⲟⲛϣϫⲟⲙ ⲙⲙⲱⲟⲩ ⲉⲟⲩⲁϩⲃⲉϥ ⲉⲩⲫⲉⲣⲣⲁⲥⲟⲩⲓ ϩⲓⲡⲓⲙⲁⲛⲉⲛⲕⲟⲧ ⲉⲩⲙⲉⲩⲓ ⲛϩⲓⲛⲓⲙ .
See how they are all blinded: they have not known; they are dumb dogs that will not bark; dreaming of rest, loving to slumber.
11 ⲟⲩⲟϩ ⲛⲓⲟⲩϩⲱⲣ ϩⲁⲛⲁⲧϣⲓⲡⲓ ⲛⲉ ϧⲉⲛⲧⲟⲩⲯⲩⲭⲏ ⲛⲥⲉⲥⲱⲟⲩⲛ ⲛⲥⲓ ⲁⲛ ⲟⲩⲟϩ ⲥⲉϩⲱⲟⲩ ⲛⲥⲉⲥⲱⲟⲩⲛ ⲛⲕⲁϯ ⲁⲛ ⲁⲩⲙⲟϣⲓ ⲧⲏⲣⲟⲩ ⲛⲥⲁⲛⲟⲩⲙⲱⲟⲩⲧ ⲡⲓⲟⲩⲁⲓ ⲕⲁⲧⲁⲡⲉϥⲥⲙⲟⲧ .
Yea, they are insatiable dogs, that know not what it is to be filled, and they are wicked, having no understanding: all have followed their own ways, each according to his will.