1 ⲟⲩⲛⲟϥ ⲙⲙⲟ ϯⲁϭⲣⲏⲛ ⲑⲏⲉⲧⲉ ⲙⲡⲁⲥⲙⲓⲥⲓ ⲫⲱϫⲓ ⲟⲩⲟϩ ⲱϣ ⲉⲃⲟⲗ ⲑⲏⲉⲧⲉ ⲙⲡⲁⲥϯⲛⲁⲕϩⲓ ϫⲉⲛⲁϣⲉ ⲛⲓϣⲏⲣⲓ ⲛⲧⲉϯϣⲁϥⲉ ⲙⲁⲗⲗⲟⲛ ⲑⲏⲉⲧⲉ ⲟⲩⲟⲛⲧⲁⲥ ⲙⲡⲓϩⲁⲓ ⲙⲙⲁⲩ ⲁϥϫⲟⲥ ⲅⲁⲣ ⲛϫⲉⲡϭⲥ .
Rejoice, thou barren that bearest not; break forth and cry, thou that dost not travail: for more are the children of the desolate than of her that has a husband: for the Lord has said,
2 ⲟⲩⲱϣⲥ ⲉⲃⲟⲗ ⲙⲫⲙⲁ ⲛⲧⲉⲧⲉⲥⲕⲩⲛⲏ ⲛⲉⲙⲛⲉⲁⲩⲗⲏⲟⲩ ⲙⲁⲧⲁϫⲣⲱⲟⲩ ⲙⲡⲉⲣϯⲁⲥⲟ ⲙⲁⲣⲟⲩϣⲓⲏ ⲛϫⲉⲛⲉϣⲉⲛⲛⲟϩ ⲟⲩⲟϩ ⲛⲉϣⲙⲟⲩ ⲙⲁⲧⲁϫⲣⲱⲟⲩ .
Enlarge the place of thy tent, and of thy curtains: fix the pins, spare not, lengthen thy cords, and strengthen thy pins;
3 ⲉⲧⲓ ⲫⲱⲣϣ ⲉⲃⲟⲗ ⲉⲟⲩⲓⲛⲁⲙ ⲛⲉⲙϫⲁϭⲏ ⲟⲩⲟϩ ⲡⲉϫⲣⲟϫ ⲉϥⲉⲉⲣⲕⲗⲏⲣⲟⲛⲟⲙⲓⲛ ⲛϩⲁⲛⲉⲑⲛⲟⲥ ⲟⲩⲟϩ ϩⲁⲛⲃⲁⲕⲓ ⲉⲩϣⲏϥ ⲉⲣⲉϣⲱⲡⲓ ⲛϧⲏⲧⲟⲩ .
spread forth thy tent yet to the right and the left: for thy seed shall inherit the Gentiles, and thou shalt make the desolate cities to be inhabited.
4 ⲙⲡⲉⲣⲉⲣϩⲟϯ ϫⲉⲁⲩϯϣⲓⲡⲓ ⲛⲉ ⲟⲩⲇⲉ ⲙⲡⲉⲣϣⲫⲓⲧ ϫⲉⲁⲩϯϣⲱϣ ⲛⲉ ϫⲉⲟⲩϣⲓⲡⲓ ⲛⲉⲛⲉϩ ⲧⲉⲣⲁⲉⲣⲡⲉϥⲱⲃϣ ⲟⲩⲟϩ ⲡϣⲱϣ ⲛⲧⲉⲧⲉⲙⲉⲧⲭⲏⲣⲁ ⲛⲛⲉⲉⲣⲡⲉϥⲙⲉⲩⲓ .
Fear not, because thou has been put to shame, neither be confounded, because thou was reproached: for thou shalt forget thy former shame, and shalt no more at all remember the reproach of thy widowhood.
5 ϫⲉⲡϭⲟⲉⲓⲥ ⲡⲉⲧⲑⲁⲙⲓⲟ ⲙⲙⲟ ⲡϭⲥ ⲥⲁⲃⲁⲱⲑ ⲡⲉ ⲡⲉϥⲣⲁⲛ ⲫⲏⲉⲧⲁϥⲛⲁϩⲙⲓ ⲛⲑⲟⲕ ⲉⲩⲉⲙⲟⲩϯ ⲉⲣⲟϥ ϫⲉⲫϯ ⲙⲡⲓⲥⲗ ⲙⲡⲕⲁϩⲓ ⲧⲏⲣϥ .
For it is the Lord that made thee; the Lord of hosts is his name: and he that delivered thee, he is the God of Israel, and shall be called so by the whole earth.
6 ⲙⲫⲣⲏϯ ⲁⲛ ⲛⲟⲩⲥϩⲓⲙⲓ ⲉⲁⲩϩⲟⲡⲥ ⲟⲩⲟϩ ⲉⲥⲟⲓ ⲛⲕⲟⲩϫⲓ ⲛϩⲏⲧ ⲉⲁϥⲑⲁϩⲙⲓ ⲛϫⲉⲫⲛⲟⲩϯ ⲟⲩⲇⲉ ⲙⲫⲣⲏϯ ⲁⲛ ⲟⲩⲥϩⲓⲙⲓ ⲉⲁⲩⲙⲉⲥⲧⲱⲥ ⲓⲥϫⲉⲛ ⲧⲉⲥⲙⲉⲧⲁⲗⲟⲩ ⲁϥϫⲟⲥ ⲛϫⲉⲡϭⲥ ⲡⲉⲛⲛⲟⲩϯ .
The Lord has not called thee as a deserted and faint-hearted woman, nor as a woman hated from her youth, saith thy God.
7 ϫⲉⲁⲓⲭⲁⲧ ⲛⲥⲱⲓ ⲛⲟⲩⲕⲟⲩϫⲓ ⲛⲭⲣⲟⲛⲟⲥ ⲟⲩⲟϩ ϧⲉⲛⲟⲩⲛⲓϣϯ ⲛⲛⲁⲓ ⲉⲓⲉⲛⲁⲓ ⲛⲉ .
For a little while I left thee: but with great mercy will I have compassion upon thee.
8 ϧⲉⲛⲟⲩⲕⲟⲩϫⲓ ⲛⲉⲙⲃⲟⲛ ⲁⲓⲧⲁⲥⲑⲟ ⲛⲛⲁⲃⲁⲗ ⲉⲃⲟⲗϩⲁⲣⲟ ⲟⲩⲟϩ ϧⲉⲛⲟⲩⲛⲁⲓ ⲛⲉⲛⲉϩ ⲁⲓⲛⲁⲓ ⲛⲉ ⲁϥϫⲟⲥ ⲛϫⲉⲫⲏⲉⲧⲁϥⲛⲁϩⲙⲓ ⲡϭⲥ .
In a little wrath I turned away my face from thee; but with everlasting mercy will I have compassion upon thee, saith the Lord that delivers thee.
9 ϫⲉⲫⲁⲓ ⲛⲏⲓ ⲡⲉ ⲓⲥϫⲉⲛ ⲡⲓⲙⲱⲟⲩ ⲉⲧⲁϥϣⲱⲡⲓ ⲛⲁϩⲣⲉⲛ ⲛⲱⲉ ⲫⲁⲓ ⲡⲉ ⲡⲁⲣⲁⲛ ϫⲉⲁⲓⲱⲣⲕ ⲛⲁϥ ϧⲉⲛⲡⲓⲥⲏⲟⲩ ⲉⲧⲉⲙⲙⲁⲩ ⲉϣⲧⲉⲙⲙⲃⲟⲛ ϫⲉⲉⲡⲓⲕⲁϩⲓ ⲉϩⲣⲏⲓ ⲉϫⲱ .
From the time of the water of Noe this is my purpose: as I sware to him at that time, saying of the earth, I will no more be wroth with thee, neither when thou art threatened,
10 ⲟⲩⲇⲉ ⲉϣⲧⲉⲙⲟⲩⲱⲧⲉⲃ ⲛⲛⲓⲧⲱⲟⲩ ϧⲉⲛⲟⲩⲙⲃⲟⲛ ⲟⲩⲇⲉ ⲛⲛⲟⲩⲕⲓⲙ ⲉⲛⲉⲕⲁⲗⲁⲙⲫⲟ ⲡⲁⲓⲣⲏϯ ⲟⲩⲇⲉ ⲡⲓⲛⲁⲓ ⲛⲧⲏⲓ ⲛⲛⲉϥⲙⲟⲩⲛⲕ ⲉⲃⲟⲗϩⲁⲣⲟ ⲟⲩⲇⲉ ϯⲇⲓⲁⲑⲏⲕⲏ ⲛⲧⲉⲧⲁϩⲓⲣⲏⲛⲏ ⲛⲛⲉⲥⲟⲩⲱⲧⲉⲃ ⲁϥϫⲟⲥ ⲅⲁⲣ ⲛϫⲉⲡϭⲟⲉⲓⲥ ϫⲉϯⲛⲁⲭⲱ ⲛⲉ ⲉⲃⲟⲗ .
shall the mountains depart, nor shall thy hills be removed: so neither shall my mercy fail thee, nor shall the covenant of thy peace be at all removed: for the Lord who is gracious to thee has spoken it.
11 ⲑⲏⲉⲧⲑⲉⲃⲓⲏⲟⲩⲧ ⲟⲩⲟϩ ⲉⲧⲉⲛⲉⲥⲙⲟⲛⲧ ⲁⲛ ⲛⲛⲉϥϣⲱⲡⲓ ⲛϫⲉⲫⲏⲉⲑⲛⲁϯⲛⲟⲙϯ ⲛⲁⲥ ϩⲏⲡⲡⲉ ⲁⲛⲟⲕ ϯⲛⲁⲥⲟⲃϯ ⲙⲡⲉⲱⲛⲓ ⲛⲉ ⲛⲟⲩϫⲉⲃⲥ ⲟⲩⲟϩ ⲛⲉⲥⲉⲛϯ ⲛⲟⲩⲥⲁⲡⲫⲓⲣⲟⲥ .
Afflicted and outcast thou has not been comforted: behold, I will prepare carbuncle for thy stones, and sapphire for thy foundations;
12 ⲟⲩⲟϩ ⲉⲓⲉⲭⲱ ⲛⲛⲉⲥⲥⲟⲃⲧ ⲉⲧϭⲟⲥⲓ ⲛⲟⲩⲁⲥⲡⲓⲥ ⲟⲩⲟϩ ⲛⲉⲡⲩⲗⲏ ⲛⲟⲩⲱⲛⲓ ⲛⲭⲣⲩⲥⲧⲁⲗⲗⲟⲥ ⲟⲩⲟϩ ⲡⲉⲡⲓⲣⲓⲃⲟⲗⲟⲥ ⲛϩⲁⲛⲱⲛⲓ ⲉⲩⲥⲟⲧⲡ .
and I will make thy buttresses jasper, and thy gates crystal, and thy border precious stones.
13 ⲟⲩⲟϩ ⲛⲉϣⲏⲣⲓ ⲧⲏⲣⲟⲩ ⲛⲣⲉϥϭⲓⲥⲃⲱ ⲛⲧⲉⲛⲫⲛⲟⲩϯ ⲟⲩⲟϩ ⲛⲉϧⲣⲟϯ ϧⲉⲛⲟⲩⲛⲓϣϯ ⲛϩⲓⲣⲏⲛⲏ .
And I will cause all thy sons to be taught of God, and thy children to be in great peace.
14 ⲟⲩⲟϩ ⲉⲩⲉⲕⲟⲧϯ ϧⲉⲛⲟⲩⲇⲓⲕⲉⲟⲥⲩⲛⲏ ⲛⲉⲙⲟⲩⲙⲉⲑⲙⲏⲓ ⲉⲃⲟⲗϩⲁ ⲛⲓⲣⲉϥϭⲓⲛϫⲟⲛⲥ ⲟⲩⲟϩ ⲛⲛⲉⲉⲣϩⲟϯ ⲟⲩⲟϩ ⲟⲩⲥⲑⲉⲣⲧⲉⲣ ⲛⲛⲉϥϧⲱⲛⲧ ⲉⲣⲟ .
And thou shalt be built in righteousness: abstain from injustice, and thou shalt not fear; and trembling shall not come nigh thee.
15 ϩⲏⲡⲡⲉ ϩⲁⲛϣⲉⲙⲙⲱⲟⲩ ⲉⲩⲉⲓ ϩⲁⲣⲟⲉⲃⲟⲗϩⲓⲧⲟⲧ ⲟⲩⲟϩ ⲉⲩⲉⲫⲱⲧ ⲉⲣⲟ .
Behold, strangers shall come to thee by me, and shall sojourn with thee, and shall run to thee for refuge.
16 ϩⲏⲡⲡⲉ ⲁⲛⲟⲕ ϯⲥⲱⲛⲧ ⲙⲙⲟ ⲙⲫⲣⲏϯ ⲛⲟⲩⲃⲉⲥⲛⲏⲧ ⲁⲛ ⲉϥⲛⲓϥⲓ ⲛⲥⲁϩⲁⲛϫⲉⲃⲥ ⲟⲩⲟϩ ⲉϥⲓⲛⲓ ⲛⲟⲩⲥⲕⲉⲩⲟⲥ ⲉⲃⲟⲗ ⲉⲩϩⲱⲃ ⲁⲛⲟⲕ ⲁⲓⲥⲱⲛⲧ ⲙⲙⲟ ⲉⲩⲧⲁⲕⲟ ⲉⲧⲁⲕⲟ .
Behold, I have created thee, not as the coppersmith blowing coals, and bringing out a vessel fit for work; but I have created thee, not for ruin, that I should destroy thee.
17 ⲛⲥⲕⲉⲩⲟⲥ ⲛⲓⲃⲉⲛ ⲉⲑⲙⲉϩ ⲛϩⲓⲕ ⲛⲛⲁⲥⲟⲩⲧⲱⲛ ⲡⲟⲩⲙⲱⲓⲧ ⲇⲉ ⲉϩⲣⲏⲓ ⲉϫⲱⲉⲡϩⲁⲡ ⲉⲣⲉϭⲣⲟ ⲉⲣⲱⲟⲩ ⲧⲏⲣⲟⲩ ⲉⲛⲟⲭⲟⲥ ⲇⲉ ⲉⲩⲉϣⲱⲡⲓ ⲛϧⲏⲧⲥ ⲟⲩⲟⲛ ⲟⲩⲕⲗⲏⲣⲟⲛⲟⲙⲓⲁ ϣⲟⲡ ⲛⲛⲏⲉⲧϣⲉⲙϣⲓ ⲙⲡϭⲟⲉⲓⲥ ⲟⲩⲟϩ ⲛⲑⲱⲧⲉⲛ ϣⲱⲡⲓ ⲉⲣⲉⲧⲉⲛⲟⲓ ⲛⲧⲙⲏⲓ ⲡⲉϫⲉ ⲡϭⲥ .
I will not suffer any weapon formed against thee to prosper; and every voice that shall rise up against thee for judgment, thou shalt vanquish them all; and thine adversaries shall be condemned thereby. There is an inheritance to them that serve the Lord, and ye shall be righteous before me, saith the Lord.