1 ⲟⲩⲛⲟϥ ⲙⲙⲟⲕ ⲡϣⲁϥⲉ ⲫⲏⲉⲧⲟⲃⲓ ⲙⲁⲣⲉϥⲑⲉⲗⲏⲗ ⲛϫⲉⲡϣⲁϥⲉ ⲟⲩⲟϩ ⲙⲁⲣⲉϥⲫⲓⲣⲓ ⲉⲃⲟⲗ ⲙⲫⲣⲏϯ ⲛⲟⲩϣⲱϣⲉⲛ .

Be glad, thou thirsty desert: let the wilderness exult, and flower as the lily.

2 ⲟⲩⲟϩ ⲉⲩⲉⲫⲓⲣⲓ ⲉⲃⲟⲗ ⲟⲩⲟϩ ⲉⲩⲉⲑⲉⲗⲏⲗ ⲛϫⲉⲛⲓϣⲁϥⲉⲩ ⲛⲧⲉⲡⲓⲓⲟⲣⲇⲁⲛⲏⲥ ⲟⲩⲟϩ ⲡⲱⲟⲩ ⲛⲧⲉⲡⲓⲗⲓⲃⲁⲛⲟⲥ ⲁⲩⲧⲏⲓϥ ⲛⲁϥ ⲛⲉⲙⲡⲧⲁⲓⲟ ⲛⲧⲉⲡⲓⲕⲁⲣⲙⲏⲗⲟⲥ ⲟⲩⲟϩ ⲡⲁⲗⲁⲟⲥ ⲉϥⲉⲛⲁⲩ ⲉⲡⲱⲟⲩ ⲙⲡϭⲟⲉⲓⲥ ⲛⲉⲙⲡϭⲓⲥⲓ ⲙⲫⲛⲟⲩϯ .

And the desert places of Jordan shall blossom and rejoice; the glory of Libanus has been given to it, and the honour of Carmel; and my people shall see the glory of the Lord, and the majesty of God.

3 ϫⲉⲙⲛⲟⲙϯ ⲛⲓϫⲓϫ ⲉⲧⲁⲩϯⲟⲩⲱ ⲉⲃⲟⲗ ⲛⲉⲙⲛⲓⲕⲉⲗⲓ ⲉⲧϣⲏⲗ ⲉⲃⲟⲗ .

Be strong, ye relaxed hands and palsied knees.

4 ϫⲉⲙϫⲟⲙ ⲟⲩⲟϩ ⲙⲡⲉⲣⲉⲣϩⲟϯ ϩⲏⲡⲡⲉ ⲓⲥ ⲡⲉⲛⲛⲟⲩϯ ϥⲛⲁϯ ⲛⲟⲩϩⲁⲡ ⲛϣⲉⲃⲓⲱ ⲟⲩⲟϩ ⲉϥⲉϯϣⲉⲃⲓⲱ ⲛⲑⲟϥ ⲉϥⲉⲓ ⲟⲩⲟϩ ⲉϥⲉⲛⲁϩⲙⲉⲛ .

Comfort one another, ye fainthearted; be strong, fear not; behold, our God renders judgment, and he will render it; he will come and save us.

5 ⲧⲟⲧⲉ ⲉⲩⲉⲁⲟⲩⲱⲛ ⲛϫⲉⲛⲓⲃⲁⲗ ⲛⲧⲉⲛⲓⲃⲉⲗⲗⲉⲩ ⲟⲩⲟϩ ⲛⲓⲙⲁϣϫ ⲛⲧⲉⲛⲓⲕⲟⲩⲣ ⲉⲩⲉⲥⲱⲧⲉⲙ .

Then shall the eyes of the blind be opened, and the ears of the deaf shall hear.

6 ⲧⲟⲧⲉ ⲉϥⲉϭⲓⲫⲉⲓ ⲛϫⲉⲟⲩϭⲁⲗⲏ ⲙⲫⲣⲏϯ ⲛⲟⲩⲉⲓⲟⲩⲗ ⲟⲩⲟϩ ⲉϥⲉⲥⲟⲃϯ ⲛϫⲉⲫⲗⲁⲥ ⲛⲧⲉⲛⲓⲉⲃⲟ ϫⲉⲁϥⲫⲱϫⲓ ⲛϫⲉⲟⲩⲙⲱⲟⲩ ϩⲓⲡϣⲁϥⲉ ⲛⲉⲙⲟⲩϧⲉⲗⲗⲟⲧ ϧⲉⲛⲟⲩⲕⲁϩⲓ ⲉϥⲟⲃⲓ .

Then shall the lame man leap as an hart, and the tongue of the stammerers shall speak plainly; for water has burst forth in the desert, and a channel of water in a thirsty land.

7 ⲟⲩⲟϩ ⲡⲓⲙⲁⲛⲁⲑⲙⲱⲟⲩ ⲉϥⲉϣⲱⲡⲓ ⲛϩⲁⲛϩⲉⲗⲟⲥ ⲟⲩⲟϩ ⲡⲓⲕⲁϩⲓ ⲉⲧⲟⲃⲓ ⲉⲥⲉϣⲱⲡⲓ ⲛϧⲏⲧϥ ⲛϫⲉⲟⲩⲙⲟⲩⲙⲓ ⲙⲙⲱⲟⲩ ⲉϥⲉϣⲱⲡⲓ ⲙⲙⲁⲩ ⲛϫⲉⲡⲱⲟⲩ ⲛⲧⲉϩⲁⲛϩⲁⲗⲁϯ ⲛⲉⲙϩⲁⲛⲥⲏⲃⲓ ⲛⲧⲉϩⲁⲛⲉⲥⲱⲟⲩ ⲛⲉⲙϩⲁⲛⲕⲁϣ ⲛⲉⲙϩⲁⲛϩⲉⲗⲟⲥ .

And the dry land shall become pools, and a fountain of water shall be poured into the thirsty land; there shall there be a joy of birds, ready habitations and marshes.

8 ⲉϥⲉϣⲱⲡⲓ ⲙⲙⲁⲩ ⲛϫⲉⲟⲩⲙⲱⲓⲧ ⲉϥⲧⲟⲩⲃⲓⲏⲟⲩⲧ ⲟⲩⲟϩ ⲉⲩⲉⲙⲟⲩϯ ⲉⲣⲟϥ ϫⲉⲡⲓⲙⲱⲓⲧ ⲉⲑⲩ ⲟⲩⲟϩ ⲛⲛⲉϥⲥⲓⲛⲓ ⲙⲙⲁⲩ ⲛϫⲉⲟⲩⲁⲕⲁⲑⲁⲣⲧⲟⲛ ⲟⲩⲇⲉ ⲙⲱⲓⲧ ⲛⲁⲕⲁⲑⲁⲣⲧⲟⲛ ⲛⲛⲉϥϣⲱⲡⲓ ⲙⲙⲁⲩ ⲛⲏ ⲇⲉ ⲉⲧⲁⲩϫⲱⲣ ⲉⲃⲟⲗ ⲉⲩⲉⲙⲟϣⲓ ϩⲓⲱⲧϥ ⲟⲩⲟϩ ⲛⲛⲟⲩⲥⲱⲣⲉⲙ .

There shall be there a pure way, and it shall be called a holy way; and there shall not pass by there any unclean person, neither shall there be there an unclean way; but the dispersed shall walk on it, and they shall not go astray.

9 ⲟⲩⲟϩ ⲛⲛⲉϥϣⲱⲡⲓ ⲙⲙⲁⲩ ⲛϫⲉⲟⲩⲙⲟⲩⲓ ⲟⲩⲇⲉ ⲛⲛⲉ ϩⲗⲓ ⲛⲑⲏⲣⲓⲟⲛ ⲉⲧϩⲱⲟⲩ ⲛⲛⲟⲩⲓ ⲉϫⲱϥ ⲟⲩⲇⲉ ⲛⲛⲟⲩϫⲉⲙⲟⲩ ⲙⲙⲁⲩ ⲁⲗⲗⲁ ⲉⲩⲉⲙⲟϣⲓ ϩⲓⲱⲧϥ ⲛϫⲉⲛⲏⲉⲧⲁⲩⲥⲟⲧⲟⲩ .

And there shall be no lion there, neither shall any evil beast go up upon it, nor at all be found there; but the redeemed and gathered on the Lord's behalf, shall walk in it,

10 ⲟⲩⲟϩ ⲉⲧⲁⲩⲑⲱⲟⲩϯ ⲉⲑⲃⲉⲡϭⲥ ⲉⲩⲉⲕⲟⲧⲟⲩ ⲟⲩⲟϩ ⲉⲩⲉⲓ ⲉⲥⲓⲱⲛ ϧⲉⲛⲟⲩⲟⲩⲛⲟϥ ⲟⲩⲟϩ ⲟⲩⲟⲩⲛⲟϥ ⲛⲉⲛⲉϩ ⲉϥⲉϣⲱⲡⲓ ϩⲓϫⲉⲛⲧⲟⲩⲁⲫⲉ ϥⲭⲏ ⲅⲁⲣ ϩⲓϫⲉⲛⲧⲟⲩⲁⲫⲉ ⲛϫⲉⲟⲩⲥⲙⲟⲩ ⲟⲩⲟϩ ⲟⲩⲑⲉⲗⲏⲗ ⲛⲉⲙⲟⲩⲟⲩⲛⲟϥ ⲉϥⲉⲧⲁϩⲱⲟⲩ ⲁϥⲫⲱⲧ ⲛϫⲉⲡⲓⲙⲕⲁϩⲛϩⲏⲧ ⲛⲉⲙϯⲡⲩⲗⲏ ⲛⲉⲙⲡⲓϥⲓⲁϩⲟⲙ .

and shall return, and come to Sion with joy, and everlasting joy shall be over their head; for on their head shall be praise and exultation, and joy shall take possession of them: sorrow and pain, and groaning have fled away.