1 ϩⲏⲡⲡⲉ ⲅⲁⲣ ⲟⲩⲟⲩⲣⲟ ⲛⲧⲙⲏⲓ ⲉϥⲉⲉⲣⲟⲩⲣⲟ ⲟⲩⲟϩ ⲛⲓⲁⲣⲭⲱⲛ ⲉⲩⲉⲉⲣⲁⲣⲭⲱⲛ ϧⲉⲛⲟⲩϩⲁⲡ .
For, behold, a righteous king shall reign, and princes shall govern with judgment.
2 ⲟⲩⲟϩ ⲉϥⲉϣⲱⲡⲓ ⲛϫⲉⲡⲓⲣⲱⲙⲓ ⲉϥⲭⲱⲡ ⲛⲛⲉϥⲥⲁϫⲓ ⲟⲩⲟϩ ⲉϥⲉⲭⲱⲡ ⲙⲫⲣⲏϯ ⲛⲉ ⲉⲃⲟⲩⲙⲱⲟⲩ ⲉⲩⲉⲓⲛⲓ ⲙⲙⲟϥ ⲟⲩⲟϩ ⲉϥⲉⲟⲩⲱⲛϩϥ ϧⲉⲛⲥⲓⲱⲛ ⲙⲫⲣⲏϯ ⲛⲟⲩⲓⲁⲣⲟ ⲉϥϧⲁϯ ⲉϥⲧⲁⲓⲏⲟⲩⲧ ϧⲉⲛⲟⲩⲕⲁϩⲓ ⲉϥⲟⲃⲓ .
And a man shall hide his words, and be hidden, as from rushing water, and shall appear in Sion as a rushing river, glorious in a thirsty land.
3 ⲟⲩⲟϩ ⲙⲡⲟⲩϣⲱⲡⲓ ϫⲉⲉⲣⲉϩⲑⲏⲟⲩ ⲭⲏ ⲉϩⲁⲛⲣⲱⲙⲓ ⲟⲩⲟϩ ⲛⲛⲟⲩⲉⲣϩⲗⲟⲗ ⲛϫⲉⲛⲓⲃⲁⲗ ⲛⲧⲉⲛⲏⲉⲑⲛⲁⲩ ⲁⲗⲗⲁ ⲉⲩⲉϯ ⲛⲛⲟⲩⲙⲁϣϫ ⲉⲡⲥⲱⲧⲉⲙ .
And they shall no more trust in men, but they shall incline their ears to hear.
4 ⲟⲩⲟϩ ⲡϩⲏⲧ ⲛⲧⲉⲛⲏⲉⲧϣⲱⲛⲓ ⲉϥⲉϯϩⲑⲏϥ ⲉⲥⲱⲧⲉⲙ ⲟⲩⲟϩ ⲛⲓⲗⲁⲥ ⲉⲧϫⲟϫⲉⲃ ⲉⲩⲉⲥⲁⲃⲟ ⲛⲭⲱⲗⲉⲙ ⲉⲥⲁϫⲓ ⲛⲟⲩϩⲓⲣⲏⲛⲏ .
And the heart of the weak ones shall attend to hear, and the stammering tongues shall soon learn to speak peace.
5 ⲟⲩⲟϩ ⲛⲛⲟⲩϫⲟⲥ ⲙⲡⲓⲥⲟϫ ϫⲉⲁⲣⲓⲁⲣⲭⲱⲛ ⲟⲩⲟϩ ⲛⲉⲕϩⲩⲡⲏⲣⲉⲧⲏⲥ ⲛⲛⲟⲩϫⲟⲥ ϫⲉⲭⲁⲣⲱⲕ .
And they shall no more at all tell a fool to rule, and thy servants shall no more at all say, Be silent.
6 ⲡⲓⲥⲟϫ ⲅⲁⲣ ⲉϥⲉⲥⲁϫⲓ ⲛϩⲁⲛⲙⲉⲧⲥⲟϫ ⲟⲩⲟϩ ⲡⲉϥϩⲏⲧ ⲉϥⲉⲙⲉⲩⲓ ⲉϩⲁⲛⲙⲉⲧⲉⲫⲗⲏⲟⲩ ⲉⲡϫⲓⲛϫⲱⲕ ⲉⲃⲟⲗ ⲉϩⲁⲛⲁⲛⲟⲙⲓⲁ ⲟⲩⲟϩ ⲉⲥⲁϫⲓ ⲟⲩⲃⲉ ⲡϭⲟⲉⲓⲥ ⲛⲟⲩⲡⲗⲁⲛⲏ ⲉⲡϫⲓⲛϫⲱⲣ ⲉⲃⲟⲗ ⲛϩⲁⲛⲯⲩⲭⲏ ⲉⲩϩⲟⲕⲉⲣ ⲟⲩⲟϩ ⲛⲓⲯⲩⲭⲏ ⲉⲧⲟⲃⲓ ⲉⲑⲣⲟⲩϣⲱⲡⲓ ⲉⲩϣⲟⲩⲓⲧ .
For the fool shall speak foolish words, and his heart shall meditate vanities, and to perform lawless deeds and to speak error against the Lord, to scatter hungry souls, and he will cause the thirsty souls to be empty.
7 ⲡⲥⲟϭⲛⲓ ⲅⲁⲣ ⲛⲛⲓⲡⲟⲛⲏⲣⲟⲥ ϩⲁⲛⲙⲉⲧⲁⲛⲟⲙⲟⲥ ⲉⲧⲟⲩⲥⲟϭⲛⲓ ⲉⲣⲱⲟⲩ ⲉⲧⲁⲕⲟ ⲛⲛⲏⲉⲧⲑⲉⲃⲓⲏⲟⲩⲧ ϧⲉⲛϩⲁⲛⲥⲁϫⲓ ⲛϭⲓⲛϫⲟⲛⲥ ⲟⲩⲟϩ ⲉϫⲱⲣ ⲉⲃⲟⲗ ⲛⲛⲓⲥⲁϫⲓ ⲛⲧⲉⲛⲏⲉⲧⲑⲉⲃⲓⲏⲟⲩⲧ ϧⲉⲛⲟⲩϩⲁⲡ .
For the counsel of the wicked will devise iniquity, to destroy the poor with unjust words, and ruin the cause of the poor in judgment.
8 ⲛⲓⲉⲩⲥⲉⲃⲏⲥ ⲇⲉ ϩⲁⲛⲙⲉⲧⲥⲁⲃⲉ ⲁⲩⲥⲟϭⲛⲓ ⲉⲣⲱⲟⲩ ⲟⲩⲟϩ ⲡⲁⲓⲥⲟϭⲛⲓ ⲉϥⲉⲟϩⲓ .
But the godly have devised wise measures, and this counsel shall stand.
9 ⲛⲓϩⲓⲟⲙⲓ ⲛⲣⲁⲙⲁⲟ ⲧⲉⲛ ⲑⲏⲛⲟⲩ ⲟⲩⲟϩ ⲥⲱⲧⲉⲙ ⲉⲧⲁⲥⲙⲏ ⲛⲓϣⲉⲣⲓ ϧⲉⲛⲟⲩϩⲉⲗⲡⲓⲥ ⲥⲱⲧⲉⲙ ⲉⲛⲁⲥⲁϫⲓ .
Rise up, ye rich women, and hear my voice; ye confident daughters, hearken to my words.
10 ⲛⲓⲉϩⲟⲟⲩ ⲛⲧⲉⲛⲓⲣⲟⲙⲡⲓ ⲁⲣⲓⲡⲟⲩⲙⲉⲩⲓ ϧⲉⲛⲟⲩⲙⲕⲁϩⲛϩⲏⲧ ⲛⲉⲙⲟⲩϩⲉⲗⲡⲓⲥ ⲁϥⲙⲟⲩⲛⲕ ⲛϫⲉⲡⲓϭⲱⲗ ⲁϥⲟⲩⲱ ⲛϫⲉⲡⲓϭⲟ ⲟⲩⲟϩ ⲛⲛⲉϥⲓ ⲁⲛ ϫⲉ .
Remember for a full year in pain, yet with hope: the vintage has been cut off; it has ceased, it shall by no means come again.
11 ⲧⲱⲙⲧ ⲟⲩⲟϩ ⲁⲣⲓⲙⲕⲁϩⲛϩⲏⲧ ⲛⲏⲉⲧϩⲑⲏⲟⲩ ⲭⲏ ⲟⲩⲟϩ ϣⲱⲡⲓ ⲉⲣⲉⲧⲉⲛⲃⲏϣ ⲙⲏⲣ ⲑⲏⲛⲟⲩ ⲛϩⲁⲛⲥⲟⲕ ϩⲓϫⲉⲛⲛⲉⲧⲉⲛϯⲡⲓ .
Be amazed, be pained, ye confident ones: strip you, bare yourselves, gird your loins;
12 ⲟⲩⲟϩ ⲛⲉϩⲡⲓ ⲉϫⲉⲛⲛⲉⲧⲉⲛⲙⲛⲟϯ ⲉⲃⲟⲗϩⲁ ⲟⲩⲓⲟϩⲓ ⲛⲉⲡⲓⲑⲩⲙⲓⲁ ⲛⲉⲙⲉⲃⲟⲗϩⲁ ⲟⲩⲓⲁϩⲁⲗⲟⲗⲓ ⲉϥⲙⲉϩ ⲛⲟⲩⲧⲁϩ .
and beat your breasts, because of the pleasant field, and the fruit of the vine.
13 ⲡⲕⲁϩⲓ ⲙⲡⲁⲗⲁⲟⲥ ⲉϥⲉⲣⲱⲧ ⲛⲟⲩⲥⲟⲩⲣⲓ ⲛⲉⲙⲟⲩⲥⲱⲟⲩⲃⲉⲛ ⲟⲩⲟϩ ⲉⲩⲉⲱⲗⲓ ⲙⲡⲟⲩⲛⲟϥ ⲉⲃⲟⲗϧⲉⲛ ⲏⲓ ⲛⲓⲃⲉⲛ .
As for the land of my people, the thorn and grass shall come upon it, and joy shall be removed from every house.
14 ⲟⲩⲃⲁⲕⲓ ⲛⲣⲁⲙⲁⲟ ϩⲁⲛⲏⲓ ⲉⲩⲥⲟϫⲡ ⲟⲩⲙⲉⲧⲣⲁⲙⲁⲟ ⲛⲧⲉⲟⲩⲃⲁⲕⲓ ⲛⲉⲙϩⲁⲛⲏⲓ ⲛⲧⲉⲟⲩⲉⲡⲓⲑⲩⲙⲓⲁ ⲉⲩⲉⲭⲁⲧ ⲛⲥⲱⲟⲩ ⲟⲩⲟϩ ⲉⲩⲉϣⲱⲡⲓ ⲛϫⲉⲛⲓϯⲙⲓ ⲉⲧⲟⲓ ⲙⲃⲏⲃ ϣⲁⲉⲛⲉϩ ⲉⲩⲟⲩⲛⲟϥ ⲛⲧⲉϩⲁⲛⲓⲁⲛⲧⲱⲟⲩ ⲛⲉⲙⲟⲩⲙⲁⲙⲙⲟⲛⲓ ⲛⲧⲉϩⲁⲛⲙⲁⲛⲉⲥⲱⲟⲩ .
As for the rich city, the houses are deserted; they shall abandon the wealth of the city, and the pleasant houses: and the villages shall be caves for ever, the joy of wild asses, shepherds' pastures;
15 ϣⲁⲧⲉϥⲓ ⲉϫⲉⲛⲑⲏⲛⲟⲩ ⲛϫⲉⲟⲩⲡⲛⲁ ⲉⲃⲟⲗϧⲉⲛ ⲡϭⲓⲥⲓ ⲟⲩⲟϩ ⲉϥⲉϣⲱⲡⲓ ⲉϥϣⲏϥ ⲛϫⲉⲡⲓⲭⲉⲣⲙⲏⲗ ⲟⲩⲟϩ ⲡⲓⲭⲉⲣⲙⲏⲗ ⲉⲩⲉⲟⲡϥ ⲉⲟⲩⲓⲁϩϣϣⲏⲛ .
until the Spirit shall come upon you from on high, and Chermel shall be desert, and Chermel shall be counted for a forest.
16 ⲟⲩⲟϩ ⲉϥⲉⲙⲧⲟⲛ ⲙⲙⲟϥ ϩⲓⲡϣⲁϥⲉ ⲛϫⲉⲟⲩϩⲁⲡ ⲟⲩⲟϩ ⲟⲩⲇⲓⲕⲉⲟⲥⲩⲛⲏ ⲉⲥⲉϣⲱⲡⲓ ϧⲉⲛⲡⲓⲕⲁⲣⲙⲉⲗⲟⲥ .
Then judgment shall abide in the wilderness, and righteousness shall dwell in Carmel.
17 ⲟⲩⲟϩ ⲉⲩⲉϣⲱⲡⲓ ⲛϫⲉⲛⲓϩⲃⲏⲟⲩⲓ ⲛⲧⲉϯⲇⲓⲕⲉⲟⲥⲩⲛⲏ ⲉⲩϩⲓⲣⲏⲛⲏ ⲟⲩⲟϩ ϯⲇⲓⲕⲉⲟⲥⲩⲛⲏ ⲉⲥⲉⲁⲙⲁϩⲓ ⲛⲟⲩⲙⲧⲟⲛ ⲟⲩⲟϩ ⲉⲩⲉϣⲱⲡⲓ ⲉⲩⲑⲏⲧⲛϩⲏⲧ ϣⲁⲉⲛⲉϩ .
And the works of righteousness shall be peace; and righteousness shall ensure rest, and the righteous shall be confident for ever.
18 ⲟⲩⲟϩ ⲉϥⲉϣⲱⲡⲓ ⲛϫⲉⲡⲉϥⲗⲁⲟⲥ ϧⲉⲛⲟⲩⲃⲁⲕⲓ ⲛϩⲓⲣⲏⲛⲏ ⲟⲩⲟϩ ⲉϥⲉϣⲱⲡⲓ ⲉϥϫⲟⲣⲛϩⲏⲧ ⲟⲩⲟϩ ⲉⲩⲉⲙⲧⲟⲛ ⲙⲙⲱⲟⲩ ϧⲉⲛⲟⲩⲙⲉⲧⲣⲁⲙⲁⲟ .
And his people shall inhabit a city of peace, and dwell in it in confidence, and they shall rest with wealth.
19 ⲡⲓⲁⲗ ⲇⲉ ⲁϥϣⲁⲛⲓ ⲉⲡⲉⲥⲏⲧ ⲛⲛⲉϥⲓ ⲉϫⲉⲛⲑⲏⲛⲟⲩ ⲟⲩⲟϩ ⲉⲩⲉϣⲱⲡⲓ ⲛϫⲉⲛⲏⲉⲧϣⲟⲡ ϧⲉⲛⲡⲓⲇⲣⲩⲙⲟⲥ ⲉⲩϫⲱⲣⲛϩⲏⲧ ⲙⲫⲣⲏϯ ⲛⲛⲏⲉⲧϣⲟⲡ ϧⲉⲛⲛⲓⲙⲉϣϣⲟϯ .
And if the hail should come down, it shall not come upon you; and they that dwell in the forests shall be in confidence, as those in the plain country.
20 ⲟⲱⲩⲛⲓⲁⲧⲟⲩ ⲛⲛⲏⲉⲧⲥⲓϯ ⲉϫⲉⲛⲙⲱⲟⲩ ⲛⲓⲃⲉⲛ ⲡⲓⲙⲁ ⲉⲧⲉⲟⲩⲟⲛ ⲉϩⲉ ⲛⲉⲙⲓⲱ ϩⲱⲙⲓ ⲙⲙⲟϥ .
Blessed are they that sow by every water, where the ox and ass tread.