1 ⲉϣⲗⲏⲗⲟⲩⲓ ⲉⲃⲟⲗ ⲛⲓⲉϫⲏⲟⲩ ⲛⲧⲉⲭⲁⲗⲕⲏⲇⲱⲛ ϫⲉⲁⲥⲧⲁⲕⲟ ⲟⲩⲟϩ ⲥⲉⲛⲏⲟⲩ ⲉⲃⲟⲗ ⲁⲛ ϫⲉϧⲉⲛⲡⲕⲁϩⲓ ⲛⲛⲓⲕⲓⲧⲓⲟⲥ ⲁⲩⲟⲗⲥ ⲛⲉⲭⲙⲁⲗⲱⲧⲟⲥ .
THE WORD CONCERNING TYRE. Howl, ye ships of Carthage; for she has perished, and men no longer arrive from the land of the Citians: she is led captive.
2 ⲉⲧⲁⲩϣⲱⲡⲓ ⲉⲩⲟⲛⲓ ⲛⲛⲓⲙ ⲛϫⲉⲛⲏⲉⲧϣⲟⲡ ϧⲉⲛⲧⲁⲓⲛⲏⲥⲟⲥ ⲛⲓⲙⲉⲧⲁⲃⲟⲗⲟⲥ ⲛⲧⲉϯⲫⲟⲓⲛⲓⲕⲏ ⲛⲏⲉⲧⲉⲣϫⲓⲛⲓⲟⲣ ⲉⲫⲓⲟⲙ .
To whom are the dwellers in the island become like, the merchants of Phoenice, passing over the sea
3 ϧⲉⲛⲟⲩⲙⲏϣ ⲙⲙⲱⲟⲩ ⲡϫⲣⲟϫ ⲛⲛⲓⲙⲉⲧⲁⲃⲟⲗⲟⲥ ⲛⲧⲉⲛⲓⲉⲑⲛⲟⲥ ⲁϥ ⲙⲫⲣⲏϯ ⲛⲟⲩⲱⲥϧ ⲉⲩⲑⲱⲟⲩϯ ⲙⲙⲟϥ ⲉϧⲟⲩⲛ ⲉⲛⲓⲙⲉⲧⲁⲃⲟⲗⲟⲥ ⲛⲧⲉⲛⲓⲉⲑⲛⲟⲥ .
in great waters, a generation of merchants? as when the harvest is gathered in, so are these traders with the nations.
4 ϭⲓϣⲓⲡⲓ ⲥⲓⲇⲱⲛ ϫⲉⲙⲡⲓϯⲛⲁⲕϩⲓ ⲟⲩⲇⲉ ⲙⲡⲓⲙⲓⲥⲓ ⲟⲩⲇⲉ ⲙⲡⲓϣⲁⲛⲉϣ ϩⲁⲛϣⲏⲣⲓ ⲟⲩⲇⲉ ⲙⲡⲓϭⲓⲥⲓ ⲛϩⲁⲛⲡⲁⲣⲑⲉⲛⲟⲥ .
Be ashamed, O Sidon: the sea has said, yea, the strength of the sea has said, I have not travailed, nor brought forth, nor have I brought up young men, nor reared virgins.
5 ⲉϣⲱⲡ ⲁⲣⲉϣⲁⲛ ⲭⲏⲙⲓ ⲥⲱⲧⲉⲙ ⲉϥⲉϭⲓⲧⲟⲩ ⲛϫⲉⲟⲩⲙⲕⲁϩⲛϩⲏⲧ ⲉⲑⲃⲉⲧⲩⲣⲟⲥ .
Moreover when it shall be heard in Egypt, sorrow shall seize them for Tyre.
6 ⲙⲁϣⲉⲛⲱⲧⲉⲛ ⲉⲭⲁⲗⲕⲏⲇⲱⲛ ⲉϣⲗⲏⲗⲟⲩⲓ ⲉⲃⲟⲗ ⲛⲏⲉⲧϣⲟⲡ ϧⲉⲛⲧⲁⲓⲛⲏⲥⲟⲥ .
Depart ye to Carthage; howl, ye that dwell in this island.
7 ⲙⲏ ⲙⲫⲁⲓ ⲁⲛ ⲡⲉⲧⲉⲛϣⲱϣ ⲓⲥϫⲉⲛ ϩⲏ ⲙⲡⲁⲧⲟⲩⲧⲏⲓⲥ .
Was not this your pride from the beginning, before she was given up?
8 ⲁϥⲥⲟϭⲛⲓ ⲛⲁⲓ ⲉϫⲉⲛⲧⲩⲣⲟⲥ ⲙⲏ ⲁⲥⲥⲃⲟⲕ ⲓⲉ ⲁⲛ ⲙⲙⲟⲛϣϫⲟⲙ ⲙⲙⲟⲥ ⲛⲉⲥϣⲟϯ ⲥⲉⲧⲁⲓⲏⲟⲩⲧ ϩⲁⲛⲁⲣⲭⲱⲛ ⲛⲧⲉⲡⲕⲁϩⲓ ⲛⲉ .
Who has devised this counsel against Tyre? Is she inferior? or has she no strength? her merchants were the glorious princes of the earth.
9 ⲡϭⲥ ⲥⲁⲃⲁⲱⲑ ⲁϥⲥⲟϭⲛⲓ ⲉϫⲱⲣ ⲉⲃⲟⲗ ⲙⲡϣⲱϣ ⲧⲏⲣϥ ⲛⲧⲉⲛⲏⲉⲧⲧⲁⲓⲏⲟⲩⲧ ⲟⲩⲟϩ ⲉϯϣⲱϣ ⲛⲛⲏ ⲧⲏⲣⲟⲩ ⲉⲧⲧⲁⲓⲏⲟⲩⲧ ⲛⲧⲉⲡⲕⲁϩⲓ .
The Lord of hosts has purposed to bring down all the pride of the glorious ones, and to disgrace every glorious thing on the earth.
10 ⲁⲣⲓϩⲱⲃ ⲉⲡⲉⲕⲕⲁϩⲓ ⲕⲉ ⲅⲁⲣ ⲙⲙⲟⲛ ϫⲟⲉⲓ ϫⲉⲛⲁⲓ ⲉⲃⲟⲗ ϧⲉⲛⲭⲁⲗⲕⲏⲇⲱⲛ .
Till thy land; for ships no more come out of Carthage.
11 ⲧⲉϫⲓϫ ⲛⲁϫⲟⲙϫⲉⲙ ⲁⲛ ϫⲉϧⲉⲛⲫⲓⲟⲙ ⲑⲏⲉⲧϯϫⲱⲛⲧ ⲛϩⲁⲛⲟⲩⲣⲱⲟⲩ ⲡϭⲟⲉⲓⲥ ⲥⲁⲃⲁⲱⲑ ⲁϥϩⲟⲛϩⲉⲛ ⲉⲑⲃⲉⲭⲁⲛⲁⲁⲛ ⲉⲧⲁⲕⲟ ⲛⲧⲉⲥϫⲟⲙ .
And thy hand prevails no more by sea, which troubled kings: the Lord of hosts has given a command concerning Chanaan, to destroy the strength thereof.
12 ⲟⲩⲟϩ ⲥⲉⲛⲁϫⲟⲥ ϫⲉⲛⲛⲉⲧⲉⲛⲟⲩⲟϩⲧⲉⲛ ⲑⲏⲛⲟⲩ ϫⲉⲉϯϣⲱϣ ⲟⲩⲟϩ ⲉϭⲓ ⲛⲧϣⲉⲣⲓ ⲛⲥⲓⲇⲱⲛ ⲛϫⲟⲛⲥ ⲟⲩⲟϩ ⲉϣⲱⲡ ⲁⲣⲉϣⲁⲛϣⲉⲛⲉ ⲉⲕⲓⲧⲓⲟⲥ ⲟⲩⲇⲉ ϧⲉⲛⲡⲓⲙⲁ ⲉⲧⲉⲙⲙⲁⲩ ⲛⲛⲉⲙⲧⲟⲛ ϣⲱⲡⲓ ⲛⲉ .
And men shall say, Ye shall no longer at all continue to insult and injure the daughter of Sidon: and if thou depart to the Citians, neither there shalt thou have rest.
13 ⲟⲩⲟϩ ⲁⲣⲉϣⲁⲛϣⲉⲛⲉ ⲉⲡⲓⲕⲁϩⲓ ⲛⲛⲓⲭⲁⲗⲇⲉⲟⲥ ⲁϥϣⲱϣ ϩⲱϥ ⲛϫⲉⲡⲁⲓⲭⲉⲧ ⲉⲃⲟⲗϩⲓⲧⲟⲧⲟⲩ ⲛⲛⲓⲁⲥⲥⲩⲣⲓⲟⲥ ⲟⲩⲇⲉ ϧⲉⲛⲡⲓⲙⲁ ⲉⲧⲉⲙⲙⲁⲩ ⲛⲛⲉⲙⲧⲟⲛ ϣⲱⲡⲓ ⲛⲉ ϫⲉⲁϥϩⲉⲓ ⲛϫⲉⲡⲉϥⲥⲟⲃⲧ .
And if thou depart to the land of the Chaldeans, this also is laid waste by the Assyrians, for her wall is fallen.
14 ⲉϣⲗⲏⲗⲟⲩⲓ ⲉⲃⲟⲗ ⲛⲓⲉϫⲏⲟⲩ ⲛⲧⲉⲭⲁⲗⲕⲏⲇⲱⲛ ϫⲉⲁϥⲧⲁⲕⲟ ⲛϫⲉⲡⲉⲧⲉⲛⲧⲁϫⲣⲟ .
Howl, ye ships of Carthage: for your strong hold is destroyed.
15 ⲟⲩⲟϩ ⲉⲥⲉϣⲱⲡⲓ ϧⲉⲛⲡⲓⲉϩⲟⲟⲩ ⲉⲧⲉⲙⲙⲁⲩ ⲉⲩⲉⲥⲱϫⲡ ⲛⲧⲩⲣⲟⲥ ⲛⲟ ⲛⲣⲟⲙⲡⲓ ⲙⲫⲣⲏϯ ⲙⲡⲥⲏⲟⲩ ⲛⲟⲩⲟⲩⲣⲟ ⲙⲫⲣⲏϯ ⲙⲡⲥⲏⲟⲩ ⲛⲟⲩⲣⲱⲙⲓ ⲟⲩⲟϩ ⲉⲥⲉϣⲱⲡⲓ ⲙⲉⲛⲉⲛⲥⲁϯⲟ ⲛⲣⲟⲙⲡⲓ ⲉⲣⲉⲧⲩⲣⲟⲥ ⲉⲣ ⲙⲫⲣⲏϯ ⲛⲟⲩϫⲱ ⲙⲡⲟⲣⲛⲏ .
And it shall come to pass in that day, that Tyre shall be left seventy years, as the time of a king, as the time of a man: and it shall come to pass after seventy years, that Tyre shall be as the song of a harlot.
16 ϭⲓ ⲛⲟⲩⲕⲩⲑⲁⲣⲁ ⲕⲱϯ ⲉϩⲣⲏⲓ ⲉϯⲃⲁⲕⲓ ϯⲡⲟⲣⲛⲏ ⲉⲧⲁⲩⲉⲣⲡⲉⲥⲱⲃϣ ⲁⲣⲓⲟⲩⲱⲓⲛⲓ ⲛⲕⲁⲗⲱⲥ ϩⲱⲥ ⲉⲙⲁϣⲱ ϩⲓⲛⲁ ⲛⲧⲟⲩⲉⲣⲡⲉⲙⲉⲩⲓ .
Take a harp, go about, O city, thou harlot that hast been forgotten; play well on the harp, sing many songs, that thou mayest be remembered.
17 ⲟⲩⲟϩ ⲉⲥⲉϣⲱⲡⲓ ⲙⲉⲛⲉⲛⲥⲁϯⲟ ⲛⲣⲟⲙⲡⲓ ⲉⲣⲉⲫⲛⲟⲩϯ ϫⲉⲙⲡϣⲓⲛⲓ ⲛⲧⲩⲣⲟⲥ ⲟⲩⲟϩ ⲉϥⲉⲧⲁⲥⲑⲟⲥ ⲟⲛ ⲉⲡⲉⲥⲣⲏϯ ⲛⲧⲉϣⲟⲣⲡ ⲟⲩⲟϩ ⲉⲥⲉϣⲱⲡⲓ ⲛⲟⲩⲉⲙⲡⲟⲣⲓⲟⲛ ⲛⲛⲓⲙⲉⲧⲟⲩⲣⲱⲟⲩ ⲧⲏⲣⲟⲩ ⲛⲧⲉϯⲟⲓⲕⲟⲩⲙⲉⲛⲏ .
And it shall come to pass after the seventy years, that God will visit Tyre, and she shall be again restored to her primitive state, and she shall be a mart for all the kingdoms of the world on the face of the earth.
18 ⲟⲩⲟϩ ⲧⲉⲥⲓⲉⲃϣⲱⲧ ⲛⲉⲙⲡⲉⲥⲃⲉⲭⲉ ⲉⲩⲉϣⲱⲡⲓ ⲉⲩⲟⲩⲁⲃ ⲙⲡϭⲟⲉⲓⲥ ⲁⲥⲛⲁⲑⲱⲟⲩϯ ⲁⲛ ⲁⲗⲗⲁ ⲛⲛⲏⲉⲧϣⲟⲡ ⲙⲡⲉⲙⲑⲟ ⲙⲡϭⲟⲉⲓⲥ ⲧⲉⲥⲓⲉⲃϣⲱⲧ ⲧⲏⲣⲥ ⲉⲟⲩⲱⲙ ⲛⲉⲙⲉⲥⲱ ⲛⲉⲙⲉⲥⲓ ⲛⲉⲙⲉⲩⲥⲩⲙⲃⲟⲗⲏ ⲉⲩⲙⲉⲩⲓ ⲙⲡⲉⲙⲑⲟ ⲙⲡϭⲟⲉⲓⲥ .
And her trade and her gain shall be holiness to the Lord: it shall not be gathered for them, but for those that dwell before the Lord, even all her trade, to eat and drink and be filled, and for a covenant and a memorial before the Lord.