1 ⲟⲩⲟϩ ⲡⲁⲓⲭⲉⲧ ⲁϥϣⲑⲟⲣⲧⲉⲣ ⲛϫⲉⲡⲉϥϩⲏⲧ:ⲟⲩⲟϩ ⲁϥⲃⲟⲣⲃⲉⲣ ⲉⲃⲟⲗϧⲉⲛ ⲡⲉϥⲙⲁ .
At this also my heart is troubled, and moved out of its place.
2 ⲥⲱⲧⲉⲙ ⲉⲟⲩⲥⲙⲏ ϧⲉⲛⲟⲩϫⲱⲛⲧ ⲛⲉⲙⲟⲩⲙⲃⲟⲛ ⲛⲧⲉⲡϭⲥ : ⲟⲩⲟϩ ⲟⲩⲙⲉⲗⲉⲧⲏ ⲉⲥⲉⲓ ⲉⲃⲟⲗ ϧⲉⲛⲣⲱϥ .
Hear thou a report by the anger of the Lord's wrath, and a discourse shall come out of his mouth.
3 ⲧⲉϥⲁⲣⲭⲏ ⲁⲥⲥⲁⲡⲉⲥⲏⲧ ⲛⲧⲫⲉ ⲧⲏⲣⲥ:ⲟⲩⲟϩ ⲡⲉϥⲟⲩⲱⲓⲛⲓ ⲁϥϩⲓϫⲉⲛ ⲛⲓⲧⲉⲛϩ ⲛⲧⲉⲡⲕⲁϩⲓ .
His dominion is under the whole heaven, and his light is at the extremities of the earth.
4 ⲥⲁⲫⲁϩⲟⲩ ⲙⲙⲟϥ ⲉϥⲉⲱϣ ⲉⲃⲟⲗ ϧⲉⲛⲟⲩⲥⲙⲏ : ⲉϥⲉⲉⲣϧⲁⲣⲁⲃⲁⲓ ϧⲉⲛⲧⲥⲙⲏ ⲛⲟⲩϣⲱϣ ⲛⲧⲁϥ: ⲟⲩⲟϩ ⲛⲛⲉϥϣⲉⲃⲓⲏⲧⲟⲩ .
After him shall be a cry with a loud voice; he shall thunder with the voice of his excellency, yet he shall not cause men to pass away, for one shall hear his voice.
5 ϫⲉⲭⲛⲁⲥⲱⲧⲉⲙ ⲉⲧⲉϥⲥⲙⲏ : ⲉϥⲉⲉⲣϧⲁⲣⲁⲃⲁⲓ ⲛϩⲁϣⲫⲏⲣⲓ ϧⲉⲛⲧⲉϥⲥⲙⲏ ⲛϫⲉⲡⲓϫⲱⲣⲓ:ⲁϥⲑⲱϣ ⲛⲟⲩⲟⲩⲛⲟⲩ ⲛⲛⲓⲧⲉⲃⲛⲱⲟⲩⲓ : ⲥⲉⲥⲱⲟⲩⲛ ⲇⲉ ⲛϯⲧⲁⲝⲓⲥ ⲛⲧⲉⲧⲟⲩϣⲁⲓⲣⲓ : ⲉϫⲉⲛⲛⲁⲓ ⲧⲏⲣⲟⲩ ⲡⲉⲕⲕⲁϯ ⲧⲟⲙⲧ ⲁⲛ ⲟⲩⲇⲉ ϥⲛⲁϣⲟⲃⲧ ⲁⲛ ⲛϫⲉⲡⲉⲕϩⲏⲧ ⲉⲃⲟⲗϩⲁ ⲡⲉⲕⲥⲱⲙⲁ : ⲁϥⲑⲁⲙⲓⲟ ⲅⲁⲣ ⲛϩⲁⲛⲛⲓϣϯ : ⲛⲁⲓ ⲉⲛⲁⲛⲉⲙⲓ ⲉⲣⲱⲟⲩ ⲁⲛ .
The Mighty One shall thunder wonderfully with his voice: for he has done great things which we knew not;
6 ⲁϥϩⲟⲛϩⲉⲛ ⲛⲟⲩⲭⲓⲱⲛ ϫⲉϣⲱⲡⲓ ϩⲓϫⲉⲛⲡⲓⲕⲁϩⲓ : ⲛⲉⲙⲟⲩⲭⲓⲱⲛ ⲛⲧⲉϩⲁⲛⲙⲟⲩⲛϩⲱⲟⲩ ⲛⲧⲉⲧⲉϥⲙⲉⲧϫⲱⲣⲓ .
commanding the snow, Be thou upon the earth, and the stormy rain, and the storm of the showers of his might.
7 ⲁϥϩⲓⲧⲉⲃⲥ ϧⲉⲛⲧⲉϥϫⲓϫ ⲉⲣⲱⲙⲓ ⲛⲓⲃⲉⲛ ϩⲓⲛⲁ ⲛⲧⲟⲩⲥⲟⲩⲉⲛ ⲧⲟⲩⲙⲉⲧⲁⲥⲑⲉⲛⲓⲥ ⲛϫⲉⲣⲱⲙⲓ ⲛⲓⲃⲉⲛ .
He seals up the hand of every man, that every man may know his own weakness.
8 ⲛⲓⲑⲏⲣⲓⲟⲛ ⲇⲉ ⲉⲧⲁⲩϣⲉⲛⲱⲟⲩ ⲉϧⲟⲩⲛ ϩⲁⲟⲩⲥⲕⲉⲡⲏ ⲁⲩⲉⲣⲏⲥⲓⲭⲁⲍⲓⲛ ⲇⲉ ϩⲓϫⲉⲛⲧⲟⲩϣⲁⲓⲣⲓ .
And the wild beasts come in under the covert, and rest in their lair.
9 ⲛⲓⲙⲕⲁϩⲛϩⲏⲧ ⲁⲩⲛⲏⲟⲩ ⲉⲃⲟⲗϧⲉⲛ ⲛⲓⲧⲁⲙⲓⲟⲛ ⲟⲩⲟϩ ⲡⲓϫⲁϥ ϣⲁϥⲓ ⲉⲃⲟⲗ ϧⲉⲛⲛⲓⲧⲱⲟⲩ ⲉⲧϭⲟⲥⲓ .
Troubles come on out of the secret chambers, and cold from the mountain-tops.
10 ⲟⲩⲟϩ ⲉⲃⲟⲗϧⲉⲛ ⲫⲛⲓϥⲓ ⲛⲟⲩϫⲱⲣⲓ ⲉϥⲉϯ ⲛⲟⲩⲱϫⲉⲃ : ϥⲉⲣϩⲉⲙⲓ ⲇⲉ ⲙⲡⲓⲙⲱⲟⲩ ⲙⲫⲣⲏϯ ⲉⲧⲉϥⲟⲩⲱϣ .
And from the breath of the Mighty One he will send frost; and he guides the water in whatever way he pleases.
11 ⲟⲩⲟϩ ⲫⲏⲉⲧⲥⲟⲧⲡ ϥⲛⲁⲫⲁϣϥ ⲛⲟⲩϭⲏⲡⲓ : ⲟⲩϭⲏⲡⲓ ⲉⲥⲛⲁϫⲉⲣ ⲡⲉϥⲟⲩⲱⲓⲛⲓ ⲉⲃⲟⲗ .
And if a cloud obscures what is precious to him, his light will disperse the cloud.
12 ⲟⲩⲟϩ ⲛⲑⲟϥ ⲉⲑⲛⲁⲫⲱⲛϩ ⲛϩⲁⲛϫⲓⲛⲕⲱϯ ϧⲉⲛⲑⲉⲃⲟⲩⲗⲁⲑⲱⲑ ⲛⲛⲉϥϩⲃⲏⲟⲩⲓ ⲛⲏⲧⲏⲣⲟⲩ ⲉⲧⲉϥⲛⲁϩⲉⲛϩⲱⲛⲟⲩ ⲉⲣⲱⲟⲩ: ⲛⲁⲓ ⲇⲉ ⲁⲩⲑⲏϣ ϩⲓϫⲉⲛⲡⲕⲁϩⲓ ⲉⲃⲟⲗϩⲓⲧⲟⲧϥ .
And he will carry round the encircling clouds by his governance, to perform their works: whatsoever he shall command them,
13 ⲓⲧⲉ ⲟⲩϭⲓⲥⲃⲱ ⲓⲧⲉ ϩⲓϫⲉⲛⲡⲉϥⲕⲁϩⲓ ⲓⲧⲉ ⲟⲩⲛⲁⲓ ⲉⲑⲣⲉϥϫⲉⲙϥ : ⲛⲁⲓ ⲇⲉ ⲁⲩⲑⲏϣ ϩⲓϫⲉⲛⲡⲓⲕⲁϩⲓ ⲉⲃⲟⲗϩⲓⲧⲟⲧϥ .
this has been appointed by him on the earth, whether for correction, or for his land, or if he shall find him an object for mercy.
14 ⲭⲁⲙⲁϣϫ ⲉⲛⲁⲓ ⲓⲱⲃ : ⲟϩⲓ ⲉⲣⲁⲧⲕ ⲉⲕϭⲓⲥⲃⲱ ⲉⲧϫⲟⲙ ⲙⲡϭⲟⲉⲓⲥ .
Hearken to this, O Job: stand still, and be admonished of the power of the Lord.
15 ⲧⲉⲛⲥⲱⲟⲩⲛ ⲇⲉ ϫⲉⲁ ⲡϭⲥ ⲥⲉⲙⲛⲓ ⲛⲛⲉϥϩⲃⲏⲟⲩⲓ ⲉⲁϥⲑⲁⲙⲓⲟ ⲛⲟⲩⲟⲩⲱⲓⲛⲓ ⲉⲃⲟⲗϧⲉⲛ ⲟⲩⲭⲁⲕⲓ .
We know that god has disposed his works, having made light out of darkness.
16 ϥⲥⲱⲟⲩⲛ ⲇⲉ ⲛⲛⲓϫⲓⲛⲟⲩⲱϯ ⲉⲃⲟⲗ ⲛⲧⲉⲛⲓϭⲏⲡⲓ : ϩⲁⲛϣⲫⲏⲣⲓ ⲇⲉ ⲛⲉ ⲛⲓⲟⲩⲱϫⲡ ⲛⲧⲉⲛⲓⲡⲟⲛⲏⲣⲟⲥ .
And he knows the divisions of the clouds, and the signal overthrows of the ungodly.
17 ⲛⲑⲟⲕ ⲇⲉ ⲥϧⲏⲙ ⲛϫⲉⲧⲉⲕⲥⲧⲟⲗⲏ : ⲁⲥϩⲉⲣⲓ ⲇⲉ ϩⲓϫⲉⲛⲡⲕⲁϩⲓ .
But thy robe is warm, and there is quiet upon the land.
18 ϩⲁⲛⲧⲁϫⲣⲟ ⲥⲉⲛⲉⲙⲁϥ ⲉϩⲁⲛⲙⲉⲧⲁⲡⲁⲥ ⲉⲩϫⲟⲣ ⲙⲫⲣⲏϯ ⲛⲟⲩϩⲟⲣⲁⲥⲓⲥ ϩⲓϫⲉⲛⲟⲩϫⲟⲙ .
Wilt thou establish with him foundations for the ancient heavens? they are strong as a molten mirror.
19 ⲉⲑⲃⲉⲟⲩ ⲙⲁⲧⲁⲙⲟⲓ ⲟⲩ ⲡⲉ ⲉⲧⲉⲛⲛⲁϫⲟϥ ⲛⲁϥ : ⲟⲩⲟϩ ⲧⲉⲛⲛⲁⲕⲏⲛ ⲉⲛⲓⲣⲓ ⲛⲟⲩⲙⲏϣ ⲛⲥⲁϫⲓ .
Wherefore teach me, what shall we say to him? and let us cease from saying much.
20 ⲙⲏ ⲟⲩⲟⲛ ⲟⲩϫⲱⲙ ⲓⲉ ⲟⲩⲥⲁϧ ⲟϩⲓ ⲉⲣⲁⲧϥ ⲙⲡⲁⲕⲱϯ : ϩⲓⲛⲁ ⲛⲧⲁⲧⲣⲉ ⲟⲩⲣⲱⲙⲓ ⲭⲁⲣⲱϥ ⲉⲟϩⲓ ⲉⲣⲁⲧ .
Have I a book or a scribe my me, that I may stand and put man to silence?
21 ⲡⲓⲟⲩⲱⲓⲛⲓ ⲇⲉ ⲙⲏ ⲥⲉⲛⲁⲩ ⲉⲣⲟϥ ⲁⲛ ⲛϫⲉⲟⲩⲟⲛ ⲛⲓⲃⲉⲛ : ϥⲟⲩⲱⲛϩ ⲉⲃⲟⲗ ϩⲓϫⲉⲛⲛⲓⲙⲉⲧⲁⲡⲁⲥ ⲙⲫⲣⲏϯ ⲙⲫⲏⲉⲧⲉϥⲟⲩⲱⲣⲡ ⲙⲙⲟϥ ⲉϫⲉⲛⲛⲓϭⲏⲡⲓ .
But the light is not visible to all: it shines afar off in the heavens, as that which is from him in the clouds.
22 ⲛⲓϭⲏⲡⲓ ⲇⲉ ⲉⲧⲥⲁ ⲡⲉⲙϩⲓⲧ ⲉⲧϯⲙⲟⲩⲉ ⲛⲁⲟⲩⲁⲛ ⲛⲛⲟⲩⲃ : ⲉϫⲉⲛⲛⲁⲓ ⲧⲏⲣⲟⲩ ⲟⲩⲛⲓϣϯ ⲡⲉ ⲡⲓⲱⲟⲩ ⲛⲉⲙⲡⲓⲧⲁⲓⲟ ⲛⲧⲉⲡⲓⲡⲁⲛⲧⲟⲕⲣⲁⲧⲱⲣ .
From the north come the clouds shining like gold: in these great are the glory and honour of the Almighty;
23 ⲟⲩⲟϩ ⲧⲉⲧⲉⲛⲛⲁϫⲉⲙ ⲕⲉⲟⲩⲁⲓ ⲁⲛ ⲉϥⲧⲉⲛⲑⲱⲛⲧ ⲉⲧⲉϥϫⲟⲙ : ⲫⲏⲉⲧϯϩⲁⲡ ⲉⲛⲓⲑⲙⲏⲓ : ⲭⲙⲉⲩⲓ ⲁⲛ ϫⲉϥⲥⲱⲧⲉⲙ ⲉⲣⲟⲛ .
and we do not find another his equal in strength: as for him that judges justly, dost thou not think that he listens?
24 ⲉⲑⲃⲉⲫⲁⲓ ⲉⲩⲉⲉⲣϩⲟϯ ϧⲁⲧⲉϥϩⲏ ⲛϫⲉϩⲁⲛⲣⲱⲙⲓ ⲉⲩⲉⲉⲣϩⲟϯ ϧⲁⲧⲉϥϩⲏ ⲛϫⲉⲛⲓⲕⲉⲥⲁⲃⲉⲩ ϧⲉⲛⲡⲟⲩϩⲏⲧ .
Wherefore men shall fear him; and the wise also in heart shall fear him.