1 ⲉⲧⲓ ⲟⲛ ⲁϥⲟⲩⲁϩⲧⲟⲧϥ ⲛϫⲉⲓⲱⲃ ⲡⲉϫⲁϥ ϧⲉⲛⲡⲓⲡⲣⲟⲟⲓⲙⲓⲟⲛ ϫⲉ :
And Job further continued and said in his parable,
2 ϥⲟⲛϧ ⲛϫⲉⲡϭⲟⲉⲓⲥ ⲫⲏⲉⲧⲁϥϯϩⲁⲡ ⲉⲣⲟⲓ ⲙⲡⲁⲓⲣⲏϯ ⲛⲉⲙⲡⲓⲡⲁⲛⲧⲟⲕⲣⲁⲧⲱⲣ ⲫⲏⲉⲧⲁϥϯⲙⲕⲁϩ ⲛⲧⲁⲯⲩⲭⲏ .
As God lives, who has thus judge me; and the Almighty, who has embittered my soul;
3 ϫⲉϩⲟⲥⲟⲛ ⲉⲣⲉⲡⲁⲛⲓϥⲓ ϣⲟⲡ ⲛϧⲏⲧ ⲟⲩⲟϩ ⲟⲩⲡⲛⲁ ⲉϥⲟⲩⲁⲃ ⲉⲧⲓ ⲉϥⲭⲏ ϧⲉⲛⲡⲁϣⲁⲓ .
verily, while my breath is yet in me, and the breath of God which remains to me is in my nostrils,
4 ⲛⲛⲉ ⲛⲁⲥⲫⲟⲧⲟⲩ ϫⲉⲟⲩⲥⲁϫⲓ ⲛⲁⲛⲟⲙⲓⲁ : ⲟⲩⲇⲉ ⲧⲁⲯⲩⲭⲏ ⲛⲛⲉⲥⲉⲣⲙⲉⲗⲉⲧⲁⲛ ⲛϩⲁⲛϭⲓⲛϫⲟⲛⲥ .
my lips shall not speak evil words, neither shall my soul meditate unrighteous thoughts.
5 ⲛⲛⲉⲥϣⲱⲡⲓ ⲛⲏⲓ ⲉⲑⲣⲓϫⲟⲥ ϫⲉⲛⲑⲱⲧⲉⲛ ϩⲁⲛⲑⲙⲏⲓ : ϣⲁϯⲙⲟⲩ ⲛⲛⲁⲭⲱ ⲅⲁⲣ ⲛⲥⲱⲓ ⲛⲧⲁⲙⲉⲧⲁⲧⲕⲁⲕⲓⲁ .
Far be it from me that I should justify you till I die; for I will not let go my innocence,
6 ⲉⲓⲉϯϩⲑⲏⲓ ⲇⲉ ⲉϯⲙⲉⲑⲙⲏⲓ ⲟⲩⲟϩ ⲛⲛⲁⲭⲁⲣⲱⲓ : ϯⲥⲱⲟⲩⲛ ⲅⲁⲣ ⲙⲙⲟⲓ ⲁⲛ ⲉⲁⲓⲉⲣ ϩⲗⲓ ⲙⲡⲉⲧϩⲱⲟⲩ ⲓⲉ ϭⲓⲛϫⲟⲛⲥ .
but keeping fast to my righteousness I will by no means let it go: for I am not conscious to myself of having done any thing amiss.
7 ⲙⲙⲟⲛ ⲇⲉ ⲁⲗⲗⲁ ⲛⲁϫⲁϫⲓ ⲉⲩⲉⲉⲣ ⲙⲫⲣⲏϯ ⲙⲫⲟⲩⲱϫⲡ ⲛⲛⲓⲁⲥⲉⲃⲏⲥ : ⲟⲩⲟϩ ⲛⲏⲉⲧⲧⲱⲟⲩⲛ ⲙⲙⲱⲟⲩ ⲉϩⲣⲏⲓ ⲉϫⲱⲓ ⲙⲫⲣⲏϯ ⲙⲡⲧⲁⲕⲟ ⲛⲛⲓⲡⲁⲣⲁⲛⲟⲙⲟⲥ .
Nay rather, but let mine enemies be as the overthrow of the ungodly, and they that rise up against me, as the destruction of transgressors.
8 ⲁϣ ⲅⲁⲣ ⲧⲉ ⲧϩⲉⲗⲡⲓⲥ ⲙⲡⲓⲁⲥⲉⲃⲏⲥ ϫⲉⲁϥⲁⲙⲟⲛⲓ ⲛⲧⲟⲧϥ : ⲁϥϣⲁⲛⲭⲁϩⲑⲏϥ ⲉⲡϭⲥ ϩⲁⲣⲁ ϥⲛⲁⲛⲟϩⲉⲙ ⲓⲉ ϥⲛⲁⲥⲱⲧⲉⲙ ⲉⲡⲉϥⲧⲱⲃϩ ⲛϫⲉⲡϭⲥ .
For what is the hope of the ungodly, that he holds to it? will he indeed trust in the Lord and be saved?
9 ⲓⲉ ⲁⲥϣⲁⲛⲓ ⲉϫⲱϥ ⲛϫⲉⲟⲩⲁⲛⲁⲅⲕⲏ ⲙⲏ ϥⲛⲁϫⲉⲙ ϩⲗⲓ ⲙⲡⲁⲣⲣⲏⲥⲓⲁ ⲙⲡⲉϥⲙⲑⲟ ⲉⲃⲟⲗ .
Will God hear his prayer? or, when distress has come upon him,
10 ⲓⲉ ⲁϥϣⲁⲛⲱϣ ⲟⲩⲃⲏϥ ⲙⲏ ϥⲛⲁⲥⲱⲧⲉⲙ ⲉⲣⲟϥ .
has he any confidence before him? or will God hear him as he calls upon him?
11 ⲁⲗⲗⲁ ⲁⲛⲟⲕ ϯⲛⲁⲧⲁⲙⲱⲧⲉⲛ ϫⲉⲟⲩ ⲡⲉⲧϧⲉⲛ ⲛⲉⲛϫⲓϫ ⲙⲡϭⲟⲉⲓⲥ : ⲟⲩⲟϩ ⲛⲛⲁϫⲉⲙⲉⲑⲛⲟⲩϫ ⲛⲛⲏⲉⲧⲉ ⲛⲧⲟⲧϥ ⲙⲡⲓⲡⲁⲛⲧⲟⲕⲣⲁⲧⲱⲣ .
Yet now I will tell you what is in the hand of the Lord: I will not lie concerning the things which are with the Almighty.
12 ϩⲏⲡⲡⲉ ⲧⲉⲧⲉⲛⲉⲙⲓ ⲧⲏⲣⲟⲩ ϫⲉϩⲁⲛⲡⲉⲧϣⲟⲩⲓⲧ ⲉⲑⲛⲁⲓ ⲉⲃⲟⲗ ⲛⲛⲏⲉⲧϣⲟⲩⲓⲧ .
Behold, ye all know that ye are adding vanity to vanity.
13 ⲫⲁⲓ ⲡⲉ ⲫⲙⲉⲣⲟⲙⲡⲓⲣⲱⲙⲓ ⲛⲁⲥⲉⲃⲏⲥ ⲉⲃⲟⲗϩⲓⲧⲉⲛ ⲡϭⲟⲉⲓⲥ : ⲡⲓϫⲫⲓⲟ ⲇⲉ ⲛⲧⲉⲡⲓϫⲱⲣⲓ ⲉϥⲉⲓ ⲉϩⲣⲏⲓ ⲉϫⲱϥ ⲉⲃⲟⲗϩⲓⲧⲟⲧϥ ⲙⲡⲓⲡⲁⲛⲧⲟⲕⲣⲁⲧⲱⲣ .
This is the portion of an ungodly man from the Lord, and the possession of oppressors shall come upon them from the Almighty.
14 ⲁⲩϣⲁⲛⲁϣⲁⲓ ⲇⲉ ⲛϫⲉⲛⲉϥϣⲏⲣⲓ ⲉⲩⲉϣⲱⲡⲓ ⲉⲡϧⲟⲗϧⲉⲗ : ⲟⲩⲟϩ ⲉϣⲱⲡ ⲁⲩϣⲁⲛϫⲉⲙⲛⲟⲙϯ ⲉⲩⲉϣⲁⲧⲙⲉⲑⲛⲁⲓ .
And if their children be many, they shall be for slaughter: and if they grow up, they shall beg.
15 ⲛⲏ ⲇⲉ ⲉⲧϣⲟⲡ ⲛⲁϥ ⲉⲩⲉⲙⲟⲩ ⲉⲫⲙⲟⲩ : ⲛⲟⲩⲭⲏⲣⲁ ⲇⲉ ⲛⲛⲉ ϩⲗⲓ ⲛⲁⲓ ⲛⲱⲟⲩ .
And they that survive of him shall utterly perish, and no one shall pity their widows.
16 ⲁⲩⲑⲟⲩⲉⲧ ϩⲁⲧ ⲙⲫⲣⲏϯ ⲛⲟⲩⲕⲁϩⲓ : ⲁⲩⲥⲟⲃϯ ⲇⲉ ⲙⲫⲛⲟⲩⲃ ⲙⲫⲣⲏϯ ⲛⲟⲩⲟⲙⲓ .
Even if he should gather silver as earth, and prepare gold as clay;
17 ⲛⲁⲓ ⲧⲏⲣⲟⲩ ⲛⲓⲑⲙⲏⲓ ⲉⲑⲛⲁϭⲓⲧⲟⲩ : ⲛⲉϥⲭⲣⲏⲙⲁ ⲇⲉ ϩⲁⲛⲣⲉⲙⲙⲙⲏⲓ ⲉⲩⲉⲁⲙⲟⲛⲓ ⲙⲙⲱⲟⲩ .
All these things shall the righteous gain, and the truehearted shall possess his wealth.
18 ⲡⲉϥⲏⲓ ⲇⲉ ⲁϥϣⲱⲡⲓ ⲙⲫⲣⲏϯ ⲛϩⲁⲛϩⲟⲗⲓ ⲛⲉⲙⲙⲫⲣⲏϯ ⲛⲟⲩⲥⲧⲁϫⲟⲩⲗ .
And his house is gone like moths, and like a spider's web.
19 ⲉϥⲉⲉⲛⲕⲟⲧ ⲇⲉ ⲛϫⲉⲟⲩⲣⲁⲙⲁⲟ : ⲟⲩⲟϩ ⲛⲛⲉϥⲟⲩⲁϩⲧⲟⲧϥ ⲉϥⲟⲩⲱⲛ ⲛⲛⲉϥⲃⲁⲗ ⲟⲩⲟϩ ϥϣⲟⲡ ⲁⲛ .
The rich man shall lie down, and shall not continue: he has opened his eyes, and he is not.
20 ⲁⲩⲓ ⲉϧⲟⲩⲛ ⲉϩⲣⲁϥ ⲛϫⲉⲛⲓⲙⲕⲁϩⲛϩⲏⲧ ⲙⲫⲣⲏϯ ⲛⲟⲩⲙⲱⲟⲩ ϧⲉⲛⲟⲩⲉϫⲱⲣϩ : ⲇⲉ ⲁϥⲟⲗϥ ⲛϫⲉⲟⲩⲅⲛⲟⲫⲟⲥ .
Pains have come upon him as water, and darkness has carried him away by night.
21 ⲉϥⲉⲟⲗϥ ⲛϫⲉⲟⲩⲕⲁⲩⲥⲱⲛ ⲟⲩⲟϩ ⲉϥⲉϣⲉⲛⲁϥ ⲉⲃⲟⲗ ϧⲉⲛⲡⲉϥⲧⲟⲡⲟⲥ .
And a burning wind shall catch him, and he shall depart, and it shall utterly drive him out of his place.
22 ⲟⲩⲟϩ ⲉϥⲉⲃⲟⲣⲃⲉⲣ ⲉϩⲣⲏⲓ ⲉϫⲱϥ ⲛⲛⲉϥϯⲁⲥⲟ ⲁⲛ : ϧⲉⲛⲟⲩⲫⲱⲧ ⲉϥⲉⲫⲱⲧ ⲉⲃⲟⲗϧⲉⲛ ⲛⲉϥϫⲓϫ .
And God shall cast trouble upon him, and not spare: he would fain flee out of his hand.
23 ⲉϥⲉⲉⲛ ⲛⲉϥϫⲓϫ ⲉϩⲣⲏⲓ ⲉϫⲱϥ : ⲟⲩⲟϩ ⲉϥⲉⲱϣϯ ⲙⲙⲟϥ ⲉⲃⲟⲗϧⲉⲛ ⲡⲉϥⲙⲁ .
He shall cause men to clap their hands against them, and shall hiss him out of his place.