1 ⲁϥⲉⲣⲟⲩⲱ ⲛϫⲉⲃⲁⲗⲇⲁⲇ ⲡⲓⲥⲁⲩⲭⲓⲧⲏⲥ ⲡⲉϫⲁϥ ϫⲉ :
Then Baldad the Sauchite answered and said,
2 ϣⲁⲧⲛⲁⲩ ϫⲉⲭⲛⲁⲕⲏⲛ ⲁⲛ : ⲭⲁⲣⲱⲕ ϩⲓⲛⲁ ⲛⲧⲉⲛⲥⲁϫⲓ ϩⲱⲛ .
How long wilt thou continue? forbear, that we also may speak.
3 ⲉⲑⲃⲉⲟⲩ ⲁⲛⲭⲁⲣⲱⲛ ⲙⲡⲉⲕⲙⲑⲟ ⲙⲫⲣⲏϯ ⲛⲛⲓⲧⲉⲃⲛⲱⲟⲩⲓ .
For wherefore have we been silent before thee like brutes?
4 ⲁϥⲉⲣⲭⲣⲁⲥⲑⲉ ⲛⲁⲕ ϧⲉⲛⲟⲩϫⲱⲛⲧ:ⲟⲩ ⲅⲁⲣ ⲁⲕϣⲁⲛⲙⲟⲩ ⲛⲑⲟⲕ ⲙⲏ ⲥⲉⲛⲁⲉⲣⲁⲧϣⲱⲡⲓ ⲛϧⲏⲧⲟⲩ ⲛϫⲉⲙⲁⲓ ⲛⲓⲃⲉⲛ ⲉⲧⲥⲁⲡⲉⲥⲏⲧ ⲛⲧⲫⲉ : ϣⲁⲛ ⲥⲉⲛⲁⲟⲩⲱϫⲡ ⲛϫⲉϩⲁⲛⲧⲱⲟⲩ ⲉⲃⲟⲗϧⲉⲛ ⲛⲟⲩⲥⲉⲛϯ .
Anger has possessed thee: for what if thou shouldest die; would the earth under heaven be desolate? or shall the mountains be overthrown from their foundations?
5 ⲟⲩⲟϩ ⲫⲟⲩⲱⲓⲛⲓ ⲛⲧⲉⲛⲓⲁⲥⲉⲃⲏⲥ ϥⲛⲁϭⲉⲛⲟ : ⲟⲩⲟϩ ⲛⲛⲉϥⲓ ⲉⲃⲟⲗ ⲛϫⲉⲡⲟⲩϣⲁϩ .
But the light of the ungodly shall be quenched, and their flame shall not go up.
6 ⲡⲉϥⲟⲩⲱⲓⲛⲓ ⲉϥⲉⲉⲣⲭⲁⲕⲓ ϧⲉⲛⲡⲉϥⲏⲓ : ⲉϥⲉϭⲉⲛⲟ ⲇⲉ ⲛϫⲉⲡⲓϧⲏⲃⲥ ⲛⲁϩⲣⲁϥ .
His light shall be darkness in his habitation, and his lamp shall be put out with him.
7 ⲉⲩⲉⲱⲗⲓ ⲛⲛⲉϥϩⲩⲡⲁⲣⲭⲟⲛⲧⲁ ⲛϫⲉϩⲁⲛⲉⲗⲁⲭⲓⲥⲧⲟⲥ : ⲉϥⲉϣⲱϥⲧ ⲇⲉ ϧⲉⲛⲡⲉϥⲥⲟϭⲛⲓ .
Let the meanest of men spoil his goods, and let his counsel deceive him.
8 ⲉⲥⲉⲣⲁⲟⲩⲱ ⲇⲉ ϧⲉⲛⲟⲩⲫⲁϣ ⲛϫⲉⲧⲉϥⲫⲁⲧ : ⲟⲩⲟϩ ⲉⲥⲉϭⲗⲟⲙⲗⲉⲙ ϧⲉⲛⲟⲩϣⲛⲉ .
His foot also has been caught in a snare, and let it be entangled in a net.
9 ⲉⲩⲉϩⲉⲓ ⲇⲉ ⲉϩⲣⲏⲓ ⲉϫⲱϥ ⲛϫⲉϩⲁⲛⲫⲁϣ : ⲉⲩⲉⲑⲣⲟⲩϫⲉⲙϫⲟⲙ ⲉϩⲣⲏⲓ ⲉϫⲱϥ ⲛϫⲉϩⲁⲛⲟⲩⲟⲛ ⲉⲩⲟⲃⲓ .
And let snares come upon him: he shall strengthen those that thirst for his destruction.
10 ϥⲭⲏⲡ ϧⲉⲛⲡⲕⲁϩⲓ ⲛϫⲉⲡⲉϥⲙⲟϩ ⲟⲩⲟϩ ⲡⲉϥϫⲓⲛⲧⲁϩⲟ ϩⲓⲡⲓⲙⲱⲓⲧ .
His snare is hid in the earth, and that which shall take him is by the path.
11 ⲉⲩⲉⲧⲁⲕⲟϥ ⲛϫⲉϩⲁⲙⲕⲁϩⲛϩⲏⲧ ⲉⲩⲕⲱϯ ⲉⲣⲟϥ: ⲟⲩⲙⲏϣ ⲇⲉ ⲉⲩⲉⲓ ⲙⲡⲕⲱϯ ⲛⲧⲉϥϭⲁⲗⲟϫ ϧⲉⲛⲟⲩϩⲱⲃ ⲉϥϩⲉϫϩⲱϫ .
Let pains destroy him round about, and let many enemies come about him,
12 ⲁⲩⲥⲟⲃϯ ⲇⲉ ⲛⲁϥ ⲛⲟⲩⲱϫⲡ ⲉϥⲟⲓ ⲛϣⲫⲏⲣⲓ .
vex him with distressing hunger: and a signal destruction has been prepared for him.
13 ⲉⲩⲉⲟⲩⲱⲙ ⲇⲉ ⲛⲛⲓⲥⲏⲃⲓ ⲛⲧⲉⲣⲁⲧϥ : ⲉⲣⲉⲫⲙⲟⲩ ⲇⲉ ⲟⲩⲱⲙ ⲛⲛⲏⲉⲧⲥⲁⲓⲱⲟⲩ .
Let the soles of his feet be devoured: and death shall consume his beauty.
14 ⲟⲩⲟϩ ⲉⲩⲉⲱⲗⲓ ⲙⲡⲓⲧⲁⲗϭⲟ ⲉⲃⲟⲗϧⲉⲛ ⲡⲉϥⲏⲓ : ⲉⲥⲉⲧⲁϩⲟϥ ⲛϫⲉⲟⲩⲁⲛⲁⲅⲕⲏ : ⲟⲩⲉⲧⲓⲁ ⲛⲟⲩⲣⲟ ⲉⲥⲉⲟⲩⲱⲛϩ ϧⲉⲛⲧⲉϥⲥⲕⲏⲛⲏ .
And let health be utterly banished from his tabernacle, and let distress seize upon him with a charge from the king.
15 ϧⲉⲛⲡⲓⲉϫⲱⲣϩ ⲛⲏⲉⲧⲥⲁⲓⲱⲟⲩ ⲛⲧⲁϥ ⲉⲩⲉⲙⲟϩ ⲛⲑⲏⲛ .
It shall dwell in his tabernacle in his night: his excellency shall be sown with brimstone.
16 ⲛⲉϥⲛⲟⲩⲛⲓ ⲉⲩⲉϣⲱⲟⲩⲓ ⲥⲁⲡⲉⲥⲏⲧ ⲙⲙⲟϥ : ⲟⲩⲟϩ ⲡⲉϥⲱⲥϧ ⲉϥⲉϩⲉⲓ ⲥⲁⲡϣⲱⲓ ⲙⲙⲟϥ .
His roots shall be dried up from beneath, and his crop shall fall away from above.
17 ⲡⲉϥⲙⲉⲩⲓ ⲉϥⲉⲧⲁⲕⲟ ⲉⲃⲟⲗ ϩⲓϫⲉⲛⲡⲕⲁϩⲓ : ⲟⲩⲟϩ ⲟⲩⲟⲛ ⲟⲩⲣⲁⲛ ϣⲟⲡ ⲛⲁϥ ϩⲓϫⲉⲛⲡⲉϥϩⲟ ⲥⲁⲃⲟⲗ .
Let his memorial perish out of the earth, and his name shall be publicly cast out.
18 ⲉϥⲉϩⲓⲧϥ ⲉⲃⲟⲗ ϧⲉⲛⲫⲟⲩⲱⲓⲛⲓ ⲉⲡⲭⲁⲕⲓ .
Let one drive him from light into darkness.
19 ⲛⲛⲉϥϣⲱⲡⲓ ⲉϥⲟⲓ ⲛⲥⲟⲩⲏⲛ ϧⲉⲛⲡⲉϥⲗⲁⲟⲥ : ⲟⲩⲇⲉ ⲛⲛⲉϥⲛⲟϩⲉⲙ ϧⲉⲛⲛⲏⲉⲧⲥⲁⲡⲉⲥⲏⲧ ⲛⲧⲫⲉ ⲛϫⲉⲡⲉϥⲏⲓ : ⲁⲗⲗⲁ ⲉⲩⲉⲱⲛϧ ϧⲉⲛⲛⲏⲉⲧⲉⲛⲟⲩϥ ⲛϫⲉϩⲁⲛⲕⲉⲭⲱⲟⲩⲛⲓ .
He shall not be known among his people, nor his house preserved on the earth.
20 ⲁⲩϥⲓⲁϩⲟⲙ ⲉϩⲣⲏⲓ ⲉϫⲱϥ ϩⲁⲛϧⲁⲉⲩ:ⲟⲩⲟϩ ⲁⲩⲉⲣϣⲫⲏⲣⲓ ⲛϫⲉϩⲁⲛϣⲟⲣⲡ .
But strangers shall dwell in his possessions: the last groaned for him, and wonder seized the first.
21 ⲛⲁⲓ ⲛⲉ ⲛⲓⲏⲟⲩ ⲛⲧⲉⲛⲓⲣⲉϥϭⲓⲛϫⲟⲛⲥ : ⲫⲁⲓ ⲇⲉ ⲡⲓⲧⲟⲡⲟⲥ ⲛⲧⲉⲛⲏⲉⲧⲉ ⲙⲡⲟⲩⲥⲟⲩⲉⲛ ⲡϭⲥ .
These are the houses of the unrighteous, and this is the place of them that know not the Lord.