1 ⲫⲣⲱⲙⲓ ⲅⲁⲣ ⲙⲙⲓⲥⲓ ⲉⲃⲟⲗϧⲉⲛ ⲟⲩⲥϩⲓⲙⲓ ⲟⲩⲕⲟⲩϫⲓ ⲛⲁϩⲓ ⲡⲉ ⲟⲩⲟϩ ϥⲙⲉϩ ⲛϫⲱⲛⲧ .
For a mortal born of a woman is short lived, and full of wrath.
2 ⲓⲉ ⲙⲫⲣⲏϯ ⲛⲟⲩϩⲣⲏⲣⲓ ⲉⲁⲥⲫⲓⲣⲓ ⲉⲃⲟⲗ ⲉⲁⲥϥⲟⲣϥⲉⲣ: ϣⲁⲥⲫⲱⲧ ⲇⲉ ⲙⲫⲣⲏϯ ⲛⲟⲩϧⲏⲓⲃⲓ ⲟⲩⲟϩ ⲛⲛⲉϥⲟϩⲓ ⲉⲣⲁⲧϥ .
Or he falls like a flower that has bloomed; and he departs like a shadow, and cannot continue.
3 ⲙⲏ ⲡⲁⲓⲭⲉⲧ ⲙⲡⲉⲕϥⲓⲱⲡ ⲛⲉⲙⲁϥ : ⲟⲩⲟϩ ⲁⲕⲑⲣⲉ ⲫⲁⲓ ⲓ ⲉϧⲟⲩⲛ ⲙⲡⲉⲕⲙⲑⲟ ϧⲉⲛⲟⲩϩⲁⲡ .
Hast thou not taken account even of him, and caused him to enter into judgment before thee?
4 ⲛⲓⲙ ⲅⲁⲣ ⲉⲑⲛⲁϣⲱⲡⲓ ⲉϥⲧⲟⲩⲃⲏⲟⲩⲧ ⲁⲧϭⲛⲉⲛⲟⲃⲓ : ⲁⲗⲗⲁ ⲙⲙⲟⲛ ϩⲗⲓ .
For who shall be pure from uncleanness? not even one;
5 ⲕⲁⲛ ⲟⲩⲉϩⲟⲟⲩ ⲛⲟⲩⲱⲧ ⲡⲉ ⲡⲉϥϫⲓⲛⲱⲛϧ ϩⲓϫⲉⲛⲡⲕⲁϩⲓ : ⲟⲩⲟϩ ⲉⲩⲏⲡ ⲛⲧⲟⲧϥ ⲛϫⲉⲛⲉϥⲉⲃⲏⲧ ⲁⲕⲭⲁϥ ⲉⲟⲩⲭⲣⲟⲛⲟⲥ ⲟⲩⲟϩ ⲛⲛⲉϥⲥⲉⲛϥ .
if even his life should be but one day upon the earth: and his months are numbered by him: thou hast appointed him for a time, and he shall by no means exceed it.
6 ϩⲉⲛⲕ ⲉⲃⲟⲗ ⲙⲙⲟϥ ϩⲓⲛⲁ ⲛⲧⲉϥϩⲉⲣⲓ ⲙⲙⲟϥ ⲟⲩⲟϩ ⲛⲧⲉϥϯⲙⲁϯ ϧⲉⲛⲡⲉϥϫⲓⲛⲱⲛϧ ⲙⲫⲣⲏϯ ⲛⲟⲩⲣⲉⲙⲃⲉⲭⲉ .
Depart from him, that he may be quiet, and take pleasure in his life, though as a hireling.
7 ⲡⲓϣϣⲏⲛ ⲅⲁⲣ ⲟⲩⲟⲛⲧⲉϥ ϩⲉⲗⲡⲓⲥ ⲙⲙⲁⲩ : ⲉϣⲱⲡ ⲇⲉ ⲁⲩϣⲁⲛⲕⲟⲣϫϥ ϣⲁϥⲫⲓⲣⲓ ⲉⲃⲟⲗ ⲟⲛ : ⲧⲉϥϩⲣⲓⲓ ⲇⲉ ⲙⲡⲁⲥⲙⲟⲩⲛⲕ .
For there is hope for a tree, even if it should be cut down, that it shall blossom again, and its branch shall not fail.
8 ⲁⲥϣⲁⲛⲁⲓⲁⲓ ⲅⲁⲣ ϧⲉⲛⲡⲕⲁϩⲓ ⲛϫⲉⲧⲉϥⲛⲟⲩⲛⲓ : ⲟⲩⲟϩ ⲛⲧⲉϥⲙⲟⲩ ϧⲉⲛⲟⲩⲡⲉⲧⲣⲁ ⲛϫⲉⲡⲉϥϯⲟⲩⲱ .
For though its root should grow old in the earth, and its stem die in the rock;
9 ⲉϥⲉⲫⲓⲣⲓ ⲉⲃⲟⲗ ⲛⲧⲉⲛⲡⲥⲑⲟⲓ ⲛⲟⲩⲙⲱⲟⲩ : ⲉϥⲉⲉⲣ ⲟⲩⲧⲁϩ ⲇⲉ ⲙⲫⲣⲏϯ ⲛⲟⲩϭⲟ ⲙⲃⲉⲣⲓ .
it will blossom from the scent of water, and will produce a crop, as one newly planted.
10 ⲫⲣⲱⲙⲓ ⲇⲉ ⲁϥϣⲁⲛⲙⲟⲩ ⲁϥϣⲉⲛⲁϥ : ⲟⲩⲟϩ ⲁϥϣⲁⲛϩⲉⲓ ⲛϫⲉⲟⲩⲣⲱⲙⲓ ϥϣⲟⲡ ⲁⲛ ϫⲉ .
But a man that has died is utterly gone; and when a mortal has fallen, he is no more.
11 ϧⲉⲛⲟⲩⲭⲣⲟⲛⲟⲥ ⲅⲁⲣ ϣⲁϥⲙⲟⲩⲛⲕ ⲛϫⲉⲫⲓⲟⲙ : ⲫⲓⲁⲣⲟ ⲇⲉ ϣⲁϥϣⲱϥ ⲟⲩⲟϩ ϣⲁϥϣⲱⲟⲩⲓ .
For the sea wastes in length of time, and a river fails and is dried up.
12 ⲟⲩⲣⲱⲙⲓ ⲇⲉ ⲁϥϣⲁⲛⲉⲛⲕⲟⲧ ⲛⲛⲉϥⲧⲱⲛϥ ϩⲟⲥⲟⲛ ⲉⲥϣⲟⲡ ⲛϫⲉⲧⲫⲉ ⲟⲩⲟϩ ⲛⲛⲉϥⲧⲱⲙⲓ : ⲟⲩⲟϩ ⲛⲛⲟⲩⲛⲉϩⲥⲓ ⲉⲃⲟⲗϧⲉⲛ ⲡⲟⲩⲉⲛⲕⲟⲧ .
And man that has lain down in death shall certainly not rise again till the heaven be dissolved, and they shall not awake from their sleep.
13 ⲁⲙⲟⲓ ⲛⲉⲁⲕⲁⲣⲉϩ ⲉⲣⲟⲓ ⲡⲉ ϧⲉⲛⲁⲙⲉⲛϯ : ⲛⲧⲉⲕⲭⲟⲡⲧ ⲇⲉ ϣⲁⲛⲧⲉϥⲥⲓⲛⲓ ⲛϫⲉⲡⲉⲕϫⲱⲛⲧ : ⲟⲩⲟϩ ⲛⲧⲉⲕϯⲛⲉⲓ ⲛⲏⲓ ⲉⲟⲩⲭⲣⲟⲛⲟⲥ ⲉⲕⲛⲁⲉⲣⲡⲁⲙⲉⲩⲓ ⲛϧⲏⲧϥ .
For oh that thou hadst kept me in the grave, and hadst hidden me until thy wrath should cease, and thou shouldest set me a time in which thou wouldest remember me!
14 ⲁϥϣⲁⲛⲙⲟⲩ ⲅⲁⲣ ⲛϫⲉⲫⲣⲱⲙⲓ ϥⲛⲁⲱⲛϧ ⲉⲁϥϫⲉⲕ ⲛⲓⲉϩⲟⲟⲩ ⲉⲃⲟⲗ ⲛⲧⲉⲡⲉϥⲱⲛϧ:ϯⲛⲁⲁⲙⲟⲛⲓ ⲛⲧⲟⲧϣⲁⲧⲟⲩⲑⲁⲙⲓⲟⲓ ⲛⲕⲉⲥⲟⲡ ⲟⲛ .
For if a man should die, shall he live again, having accomplished the days of his life? I will wait till I exist again?
15 ⲓⲧⲁ ⲉⲕⲉⲙⲟⲩϯ ⲁⲛⲟⲕ ⲇⲉ ⲉⲓⲉⲉⲣⲟⲩⲱ ⲛⲁⲕ : ⲛⲓϩⲃⲏⲟⲩⲓ ⲛⲧⲉⲛⲉⲕϫⲓϫ ⲙⲡⲉⲣⲭⲁⲩ ⲛⲥⲱⲕ .
Then shalt thou call, and I will hearken to thee: but do not thou reject the work of thine hands.
16 ⲁⲕϭⲓⲏⲡⲓ ⲇⲉ ⲛⲛⲁϩⲃⲏⲟⲩⲓ ⲧⲏⲣⲟⲩ : ⲟⲩⲟϩ ⲛⲛⲉ ϩⲗⲓ ⲛⲧⲉⲛⲁⲛⲟⲃⲓ ⲥⲉⲛⲕ .
But thou hast numbered my devices: and not one of my sins shall escape thee?
17 ⲁⲕⲉⲣⲥⲕⲉⲡⲁⲍⲓⲛ ⲇⲉ ⲛⲛⲁⲁⲛⲟⲙⲓⲁ ϧⲉⲛⲟⲩⲁⲥⲟⲩⲓ: ⲁⲕϯⲙⲏⲓⲛⲓ ⲇⲉ ⲛⲛϩⲏⲉⲧⲁⲓⲉⲣⲡⲁⲣⲁⲃⲉⲛⲓⲛ ⲙⲙⲱⲟⲩ ⲛϯⲟⲩⲱϣ ⲁⲛ .
An thou hast sealed up my transgressions in a bag, and marked if I have been guilty of any transgression unawares.
18 ⲡⲗⲏⲛ ⲟⲩⲧⲱⲟⲩ ⲉϥϩⲓⲱⲟⲩⲧ ⲉϥⲉϩⲉⲓ : ⲟⲩⲟϩ ⲟⲩⲡⲉⲧⲣⲁ ⲉⲥⲉⲣⲁⲡⲁⲥ ⲉⲃⲟⲗϧⲉⲛ ⲡⲉⲥⲙⲁ .
And verily a mountain falling will utterly be destroyed, and a rock shall be worn out of its place.
19 ⲁ ϩⲁⲛⲙⲱⲟⲩ ⲥⲗⲁϫⲗⲉϫ ⲛϩⲁⲛⲱⲛⲓ : ⲟⲩⲟϩ ⲁ ϩⲁⲛⲙⲱⲟⲩ ⲑⲟⲩⲉⲗⲉ ⲛⲏⲉⲧϭⲟⲥⲓ ⲛⲧⲉⲡⲓⲟⲩⲁⲛ ⲛⲧⲉⲡⲕⲁϩⲓ : ⲟⲩⲟϩ ⲧϩⲩⲡⲟⲙⲟⲛⲏ ⲛⲧⲉⲟⲩⲣⲱⲙⲓ ⲁⲕⲧⲁⲕⲟⲥ .
The waters wear the stones, and waters falling headlong overflow a heap of the earth: and thou destroyest the hope of man.
20 ⲁⲕϯⲧⲟⲧⲕ ⲙⲙⲟϥ ⲟⲩⲟϩ ⲁϥϣⲉⲛⲁϥ ϣⲁⲉⲃⲟⲗ : ⲁⲕⲧⲁϫⲣⲟ ⲙⲡⲉⲕϩⲟ ⲉϩⲣⲏⲓ ⲉϫⲱϥ ⲟⲩⲟϩ ⲁⲕⲟⲩⲟⲣⲡϥ ⲉⲃⲟⲗ .
Thou drivest him to an end, and he is gone: thou settest thy face against him, and sendest him away;
21 ⲁⲩϣⲁⲛⲁϣⲁⲓ ⲇⲉ ⲛϫⲉⲛⲉϥϣⲏⲣⲓ ⲛϥⲉⲙⲓ ⲁⲛ:ⲁⲩϣⲁⲛⲥⲃⲟⲕ ⲇⲉ ϥⲥⲱⲟⲩⲛ ⲁⲛ .
and though his children be multiplied, he knows it not; and if they be few, he is not aware.
22 ⲁⲗⲗⲁ ⲛⲉϥⲥⲁⲣⲝ ⲁⲩϭⲓⲙⲕⲁϩ:ⲧⲉϥⲯⲩⲭⲏ ⲇⲉ ⲁⲥⲉⲣϩⲏⲃⲓ .
But his flesh is in pain, and his soul mourns.