1 ⲁϥⲉⲣⲟⲩⲱ ⲛϫⲉⲃⲁⲗⲇⲁⲇ ⲡⲓⲥⲁⲩⲭⲓⲧⲏⲥ ⲡⲉϫⲁϥ ϫⲉ:
Then Baldad the Sauchite answered, and said,
2 ϣⲁⲧⲛⲁⲩ ϫⲉⲕⲥⲁϫⲓ ϧⲉⲛⲛⲁⲓⲥⲁϫⲓ ⲭ ⲟⲩⲡⲛⲁ ⲛⲣⲉϥϫⲉⲙⲏϣ ⲛⲥⲁϫⲓ ⲉⲧϧⲉⲛⲣⲱⲕ .
How long wilt thou speak these things, how long shall the breath of thy mouth be abundant in words?
3 ⲙⲏ ⲡϭⲟⲓⲥ ⲛⲁϭⲓⲛϫⲟⲛⲥ ⲉϥϯϩⲁⲡ ⲭ ⲓⲉ ⲫⲏⲉⲧⲁϥⲑⲁⲙⲓⲟ ⲛϩⲱⲃ ⲛⲓⲃⲉⲛ ϥⲛⲁϣⲑⲟⲣⲧⲉⲣ ⲛϯⲙⲉⲑⲙⲏⲓ .
Will the Lord be unjust when he judges; or will he that has made all things pervert justice?
4 ⲓⲥϫⲉ ⲛⲉⲕϣⲏⲣⲓ ⲁⲩⲉⲣⲛⲟⲃⲓ ⲙⲡⲉϥⲙⲑⲟ ⲭ ⲁⲩⲟⲩⲱⲣⲡ ⲛⲟⲩⲁⲛⲟⲙⲓⲁ ϧⲉⲛⲧⲉⲕϫⲓϫ .
If thy sons have sinned before him, he has cast them away because of their transgression.
5 ⲛⲑⲟⲕ ⲇⲉ ϣⲟⲣⲡⲕ ϩⲁⲡϭⲥ ⲡⲓⲡⲁⲛⲧⲟⲕⲣⲁⲧⲱⲣ ⲉⲕⲧⲱⲃϩ ⲙⲙⲟϥ .
But be thou early in prayer to the Lord Almighty.
6 ⲓⲥϫⲉ ⲭⲟⲩⲁⲃ ⲟⲩⲟϩ ⲕⲟⲓ ⲛⲧⲙⲏⲓ ⲉϥⲉⲥⲱⲧⲉⲙ ⲉⲡⲉⲕⲧⲱⲃϩ ⲭ ⲉϥⲉϯ ⲇⲉ ⲛⲁⲕ ⲛⲟⲩⲙⲁⲛϣⲱⲡⲓ ⲛⲧⲉⲟⲩⲙⲉⲑⲙⲏⲓ .
If thou art pure and true, he will hearken to thy supplication, and will restore to thee the habitation of righteousness.
7 ⲉⲩⲉϣⲱⲡⲓ ⲟⲩⲛ ⲛϫⲉⲛⲉⲕϩⲟⲩⲁϯ ⲉⲩⲥⲃⲟⲕ ⲭ ⲛⲉⲕϧⲁⲉⲩ ⲇⲉ ⲉⲩⲉⲉⲣ ϩⲁⲛⲁⲧⲏⲡⲓ .
Though then thy beginning should be small, yet thy end should be unspeakably great.
8 ϣⲓⲛⲓ ⲅⲁⲣ ⲛⲧⲟⲧⲥ ⲛⲟⲩⲅⲉⲛⲉⲁ ⲛⲧⲉϣⲟⲣⲡ ⲭ ϧⲟⲧϧⲉⲧ ⲇⲉ ⲕⲁⲧⲁⲛⲓⲅⲉⲛⲟⲥ ⲛⲧⲉⲛⲉⲛⲓⲟϯ .
For ask of the former generation, and search diligently among the race of our fathers:
9 ⲁⲛⲟⲛ ⲛⲁⲥⲁϥ ⲅⲁⲣ ⲟⲩⲟϩ ⲧⲉⲛⲉⲙⲓ ⲁⲛ ⲭ ⲟⲩϧⲏⲓⲃⲓ ⲅⲁⲣ ⲡⲉ ⲡⲉⲛϫⲓⲛⲱⲛϧ ϩⲓϫⲉⲛⲡⲕⲁϩⲓ .
(for we are of yesterday, and know nothing; for our life upon the earth is a shadow:)
10 ⲙⲏ ⲛⲁⲓ ⲁⲛ ⲉⲧⲛⲁϯⲥⲃⲱ ⲛⲁⲕ ⲟⲩⲟϩ ⲛⲧⲟⲩⲧⲁⲙⲟⲕ ⲭ ⲟⲩⲟϩ ⲛⲧⲟⲩⲉⲛ ϩⲁⲛⲥⲁϫⲓ ⲉⲃⲟⲗϧⲉⲛ ⲡⲉⲕϩⲏⲧ .
shall not these teach thee, and report to thee, and bring out words from their heart?
11 ⲙⲏ ϥⲛⲁⲫⲓⲣⲓ ⲉⲃⲟⲗ ⲛϫⲉⲟⲩϭⲟⲛϥ ⲛⲟⲩⲉϣⲉⲛ ⲙⲱⲟⲩ ⲭ ⲓⲉ ϥⲛⲁϭⲓⲥⲓ ⲛϫⲉⲟⲩⲃⲉϫⲏⲛ ⲛⲟⲩⲉϣⲉⲛ ⲥⲱ .
Does the rush flourish without water, or shall the flag grow up without moisture?
12 ⲉⲧⲓ ⲉϥⲭⲏ ϩⲓϫⲉⲛⲧⲉϥⲛⲟⲩⲛⲓ ⲟⲩⲟϩ ⲛⲛⲟⲩⲟⲥϧϥ ⲙⲡⲁⲧϥⲥⲱ ⲛϫⲉⲥⲓⲙ ⲛⲓⲃⲉⲛ ϣⲁϥϣⲱⲟⲩⲓ .
When it is yet on the root, and though it has not been cut down, does not any herb wither before it has received moisture?
13 ⲁⲥⲛⲁϣⲱⲡⲓ ⲟⲩⲛ ⲙⲡⲁⲓⲣⲏϯ ⲛϫⲉⲧϧⲁⲉ ⲛⲟⲩⲟⲛ ⲛⲓⲃⲉⲛ ⲉⲑⲛⲁⲉⲣⲡⲱⲃϣ ⲙⲡϭⲟⲉⲓⲥ ⲭ ⲧϩⲉⲗⲡⲓⲥ ⲅⲁⲣ ⲙⲡⲓⲁⲥⲉⲃⲏⲥ ⲉⲥⲉⲧⲁⲕⲟ .
Thus then shall be the end of all that forget the Lord: for the hope of the ungodly shall perish.
14 ⲡⲉϥⲏⲓ ⲅⲁⲣ ⲛⲛⲉϥϣⲱⲡⲓ ⲛϧⲏⲧϥ ⲛϫⲉϩⲗⲓ ⲭ ⲧⲉϥⲥⲕⲏⲛⲏ ⲅⲁⲣ ⲉⲥⲉⲉⲣ ⲙⲫⲣⲏϯ ⲛⲟⲩⲥⲧⲁϫⲟⲩⲗ .
For his house shall be without inhabitants, and his tent shall prove a spider's web.
15 ⲉϣⲱⲡ ⲁϥϣⲁⲛⲧⲁϫⲣⲟ ⲙⲡⲉϥⲏⲓ ⲛⲛⲉϥⲥⲉⲙⲛⲓ ⲭ ⲁϥϣⲁⲛⲉⲣϩⲏⲧⲥ ⲇⲉ ⲛⲛⲉϥⲁⲙⲟⲛⲓ ⲛⲧⲟⲧϥ .
If he should prop up his house, it shall not stand: and when he has taken hold of it, it shall not remain.
16 ϥⲫⲟⲥⲓ ⲅⲁⲣ ⲁⲛ ⲉⲃⲟⲗϩⲓⲧⲉⲛ ⲫⲣⲏ ⲭ ⲟⲩⲟϩ ⲉⲃⲟⲗϩⲓⲧⲉⲛ ⲡⲉϥⲧϩⲟ ⲉϥⲉⲓ ⲉⲃⲟⲗ ⲛϫⲉⲡⲉϥϫⲁⲗ .
For it is moist under the sun, and his branch shall come forth out of his dung-heap.
17 ⲉϥⲉⲉⲛⲕⲟⲧ ϩⲓϫⲉⲛϩⲁⲛⲑⲱⲟⲩⲧⲥ ⲛⲱⲛⲓ ⲭ ⲉϥⲉⲱⲛϧ ⲇⲉ ϧⲉⲛⲧⲙⲏϯ ⲛϩⲁⲛⲭⲁⲗⲓⲝ .
He lies down upon a gathering of stones, and shall live in the mist of flints.
18 ⲉϣⲱⲡ ⲁϥϣⲁⲛⲱⲙⲕ ⲛϫⲉⲡⲓⲙⲁ ⲉϥⲉϫⲉⲙⲉⲑⲛⲟⲩϫ ⲉⲣⲟϥ ⲭ ⲙⲡⲉⲕⲛⲁⲩ ⲉⲟⲩⲟⲛ ⲙⲡⲁⲓⲣⲏϯ ϫⲉ .
If God should destroy him, his place shall deny him. Hast thou not seen such things,
19 ⲫⲟⲩⲱϫⲡ ⲙⲡⲓⲁⲥⲉⲃⲏⲥ ⲉϥⲉϣⲱⲡⲓ ⲙⲡⲁⲓⲣⲏϯ ⲭ ⲉϥⲉⲫⲓⲣⲓ ⲇⲉ ⲛϫⲉⲕⲉⲟⲩⲁⲓ ⲉⲃⲟⲗϧⲉⲛ ⲡⲕⲁϩⲓ .
that such is the overthrow of the ungodly? and out of the earth another shall grow.
20 ⲡϭⲥ ⲇⲉ ⲛⲛⲉϥⲭⲱ ⲛⲥⲱϥ ⲙⲡⲓⲁⲧⲕⲁⲕⲟⲥ ⲭ ⲇⲱⲣⲟⲛ ⲇⲉ ⲛⲓⲃⲉⲛ ⲛⲧⲉⲛⲓⲁⲥⲉⲃⲏⲥ ⲛⲛⲉϥϣⲟⲡⲟⲩ .
For the Lord will by no means reject the harmless man; but he will not receive any gift of the ungodly.
21 ⲛⲓⲑⲙⲏⲓ ⲇⲉ ⲉϥⲉⲙⲁϩ ⲣⲱⲟⲩ ⲛⲣⲁϣⲓ ⲭ ⲟⲩⲟϩ ⲛⲟⲩⲥⲫⲟⲧⲟⲩ ⲉϥⲉⲙⲁϩⲟⲩ ⲛⲟⲩⲱⲛϩ ⲉⲃⲟⲗ .
But he will fill with laughter the mouth of the sincere, and their lips with thanksgiving.
22 ⲛⲟⲩϫⲁϫⲓ ⲇⲉ ⲉⲩⲉϯϩⲓⲱⲧⲟⲩ ⲛⲟⲩϣⲓⲡⲓ ⲭ ⲫⲙⲁⲛϣⲱⲡⲓ ⲛⲛⲓⲁⲥⲉⲃⲏⲥ ⲛⲛⲉϥϣⲱⲡⲓ .
But their adversaries shall clothe themselves with shame; and the habitation of the ungodly shall perish.