1 ⲱϣ ⲇⲉ ⲉϩⲣⲏⲓ ⲟⲩⲟϩ ⲁⲛⲁⲩ ϫⲉⲛⲓⲙ ⲁϥⲥⲱⲧⲉⲙ ⲉⲣⲟⲕ ⲭ ⲓⲥϫⲉ ⲭⲛⲁⲛⲁⲩ ⲉⲟⲩⲁⲓ ⲛⲛⲓⲁⲅⲅⲉⲗⲟⲥ ⲉⲑⲟⲩⲁⲃ .
But call, if any one will hearken to thee, or if thou shalt see any of the holy angels.
2 ⲕⲉ ⲅⲁⲣ ϣⲁⲣⲉ ⲡⲓϫⲱⲛⲧ ⲧⲁⲕⲟ ⲛⲛⲓⲁⲧϩⲏⲧ ⲭ ⲡⲓⲭⲟϩ ⲇⲉ ϣⲁϥϧⲱⲧⲉⲃ ⲙⲫⲏⲉⲧⲥⲟⲣⲉⲙ .
For wrath destroys the foolish one, and envy slays him that has gone astray.
3 ⲁⲛⲟⲕ ⲇⲉ ⲁⲓⲛⲁⲩ ⲉϩⲁⲛⲁⲧϩⲏⲧ ⲉⲁⲩϩⲓ ⲛⲟⲩⲛⲓ ⲉⲃⲟⲗ ⲟⲩⲟϩ ⲥⲁⲧⲟⲧϥ ⲁⲩⲟⲩⲱⲙ ⲙⲡⲟⲩⲥⲱϯ .
And I have seen foolish ones taking root: but suddenly their habitation was devoured.
4 ⲛⲟⲩϣⲏⲣⲓ ⲇⲉ ⲉⲩⲉϩⲉⲓ ⲙⲡⲓⲟⲩϫⲁⲓ ⲭ ⲉⲩⲉⲧϩⲉⲙⲕⲱⲟⲩ ⲇⲉ ϩⲓⲣⲉⲛⲛⲓⲣⲱⲟⲩ ⲛⲧⲉⲛⲏⲉⲧⲥⲃⲟⲕ ⲉⲣⲱⲟⲩ ⲟⲩⲟϩ ⲛⲛⲉϥϣⲱⲡⲓ ⲛϫⲉⲫⲏⲉⲑⲛⲁⲛⲁϩⲙⲟⲩ .
Let their children be far from safety, and let them be crushed at the doors of vile men, and let there be no deliverer.
5 ⲛⲏ ⲅⲁⲣ ⲉⲧⲁⲩⲑⲟⲩⲱⲧⲟⲩ ⲛϫⲉⲛⲏⲉⲧⲉⲙⲙⲁⲩ ϩⲁⲛⲑⲙⲏⲓ ⲉⲩⲉⲟⲩⲟⲙⲟⲩ ⲭ ⲛⲑⲱⲟⲩ ⲇⲉ ⲛⲛⲟⲩⲉⲣ ⲉⲃⲟⲗ ⲉϩⲁⲛⲡⲉⲧϩⲱⲟⲩ .
For what they have collected, the just shall eat; but they shall not be delivered out of calamities: let their strength be utterly exhausted.
6 ⲉⲥⲉⲙⲟⲩⲛⲕ ⲛϫⲉⲧⲟⲩⲛⲟⲙϯ ⲭ ⲛⲛⲉϥⲓ ⲅⲁⲣ ⲛϫⲉⲟⲩϧⲓⲥⲓ ⲉⲃⲟⲗϧⲉⲛ ⲡⲕⲁϩⲓ ⲭ ⲟⲩⲇⲉ ⲛⲛⲉϥⲣⲱⲧ ϧⲉⲛⲛⲓⲧⲱⲟⲩ ⲛϫⲉⲟⲩⲙⲕⲁϩ .
For labour cannot by any means come out of the earth, nor shall trouble spring out of the mountains:
7 ⲁⲗⲗⲁ ⲫⲣⲱⲙⲓ ⲉⲧⲟⲩⲙⲓⲥⲓ ⲙⲙⲟϥ ⲉⲃⲟⲗϧⲉⲛ ⲟⲩϧⲓⲥⲓ ⲭ ⲛⲓⲙⲁⲥ ⲛⲧⲉⲛⲓⲁϧⲱⲙ ⲥⲉϩⲏⲗ ⲉⲡϭⲓⲥⲓ .
yet man is born to labour, and even so the vulture's young seek the high places.
8 ⲡⲁⲓⲣⲏϯ ⲇⲉ ⲁⲛ ⲁⲗⲗⲁ ⲁⲛⲟⲕ ϯⲧⲱⲃϩ ⲙⲡϭⲟⲓⲥ ⲭ ⲡϭⲟⲓⲥ ⲇⲉ ⲫⲛⲏⲃ ⲛⲧⲉⲟⲩⲟⲛ ⲛⲓⲃⲉⲛ ϯⲛⲁⲱϣ ⲉⲡϣⲱⲓ ϩⲁⲣⲟϥ .
Nevertheless I will beseech the Lord, and will call upon the Lord, the sovereign of all;
9 ⲫⲏⲉⲧⲓⲣⲓ ⲛϩⲁⲛⲛⲓϣϯ ⲟⲩⲟϩ ⲛⲁⲧϧⲉⲧϧⲱⲧⲟⲩ ⲛⲉⲙϩⲁⲛϩⲃⲏⲟⲩⲓ ⲉⲩϧⲉⲛ ⲡⲱⲟⲩ ⲛⲉⲙϩⲁⲛϣⲫⲏⲣⲓ ⲙⲙⲟⲛⲧⲟⲩ ⲏⲡⲓ .
who does great things and untraceable, glorious things also, and marvellous, of which there is no number:
10 ⲫⲏⲉⲧϯ ⲛⲟⲩⲙⲟⲩⲛϩⲱⲟⲩ ϩⲓϫⲉⲛⲡⲕⲁϩⲓ ⲭ ⲫⲏⲉⲧⲧⲁⲟⲩⲉ ⲙⲱⲟⲩ ⲉϫⲉⲛⲛⲏⲉⲧⲥⲁⲡⲉⲥⲏⲧ ⲛⲧⲫⲉ .
who gives rain upon the earth, sending water on the earth:
11 ⲫⲏⲉⲧϭⲓⲥⲓ ⲛⲛⲏⲉⲧⲑⲉⲃⲓⲏⲟⲩⲧ ⲟⲩⲟϩ ⲉⲧⲧⲟⲩⲛⲟⲥ ⲛⲛⲏⲉⲧⲁⲩⲧⲁⲕⲟ .
who exalts the lowly, and raises up them that are lost:
12 ⲫⲏⲉⲧⲫⲱⲛϩ ⲛⲛⲓⲥⲟϭⲛⲓ ⲛⲧⲉⲛⲓⲡⲁⲛⲟⲩⲣⲅⲟⲥ ⲭ ⲟⲩⲟϩ ⲛⲛⲟⲩⲉⲣ ϩⲗⲓ ⲙⲙⲉⲑⲙⲏⲓ ⲛϫⲉⲛⲟⲩϫⲓϫ .
frustrating the counsels of the crafty, and their hands shall not perform the truth:
13 ⲫⲏⲉⲧⲧⲁϩⲟ ⲛⲛⲓⲥⲁⲃⲉⲩ ϧⲉⲛⲧⲟⲩⲥⲃⲱ ⲭ ⲡⲥⲟϭⲛⲓ ⲇⲉ ⲛⲧⲉⲛⲓⲥⲁⲛⲕⲟⲧⲥ ⲁϥⲑⲣⲉϥⲧⲱⲙⲧ .
who takes the wise in their wisdom, and subverts the counsel of the crafty
14 ⲉⲣⲉⲟⲩⲭⲁⲕⲓ ⲓ ⲉϧⲟⲩⲛ ⲉϩⲣⲁⲩ ϧⲉⲛⲡⲓⲉϩⲟⲟⲩ ⲭ ⲉⲩⲉϫⲟⲙϫⲉⲙ ⲇⲉ ⲙⲙⲉⲣⲓ ⲙⲫⲣⲏϯ ⲙⲡⲓⲉϫⲱⲣϩ .
In the day darkness shall come upon them, and let them grope in the noon-day even as in the night:
15 ⲉⲩⲉⲧⲁⲕⲟ ϧⲉⲛⲡⲓⲡⲟⲗⲉⲙⲟⲥ ⲭ ⲡⲓⲁⲧϫⲟⲙ ⲇⲉ ⲉϥⲉⲉⲣ ⲉⲃⲟⲗ ϧⲉⲛⲧϫⲓϫ ⲙⲫⲏⲉⲧⲉ ⲟⲩⲟⲛϣϫⲟⲙ ⲙⲙⲟϥ .
and let them perish in war, and let the weak escape from the hand of the mighty.
16 ⲉⲣⲉⲟⲩϩⲉⲗⲡⲓⲥ ϣⲱⲡⲓ ⲛⲟⲩⲁⲧϫⲟⲙ ⲭ ⲉϥⲉⲑⲱⲙ ⲇⲉ ⲛϫⲉⲣⲱϥ ⲛⲟⲩⲣⲉϥϭⲓⲛϫⲟⲛⲥ .
And let the weak have hope, but the mouth of the unjust be stopped.
17 ⲟⲱⲩⲛⲓⲁⲧϥ ⲙⲡⲓⲣⲱⲙⲓ ⲉⲧⲉϥⲛⲁⲥⲟϩⲓ ⲙⲙⲟϥ ⲛϫⲉⲡϭⲟⲓⲥ ⲭ ϯⲥⲃⲱ ⲇⲉ ⲛⲧⲉⲡⲓⲡⲁⲛⲧⲟⲕⲣⲁⲧⲱⲣ ⲙⲡⲉⲣϣⲱⲡⲓ ⲛⲭⲟⲩⲁϣⲥ ⲁⲛ .
But blessed is the man whom the Lord has reproved; and reject not thou the chastening of the Almighty.
18 ⲛⲑⲟϥ ⲇⲉ ⲉⲧϯⲙⲕⲁϩ ⲟⲩⲟϩ ⲡⲁⲗⲓⲛ ⲟⲛ ϣⲁϥϯⲙⲧⲟⲛ ⲭ ⲁϥϣⲁⲛϯⲉⲣϧⲟⲧ ϣⲁⲣⲉ ⲛⲉϥϫⲓϫ ⲟⲛ ⲧⲁⲗϭⲟ .
for he causes a man to be in pain, and restores him again: he smites, and his hands heal.
19 ⲥⲟⲟⲩ ⲛⲥⲟⲡ ϥⲛⲁⲛⲁϩⲙⲉⲕ ⲉⲃⲟⲗϧⲉⲛ ϩⲁⲛⲁⲛⲁⲅⲕⲏ ⲭ ϧⲉⲛⲡⲓⲙⲁϩϣⲁϣϥ ⲇⲉ ⲛⲛⲉ ⲡⲉⲧϩⲱⲟⲩ ϭⲟϩ ⲉⲣⲟⲕ .
Six time he shall deliver thee out of distresses: and in the seventh harm shall not touch thee.
20 ϧⲉⲛⲟⲩϩⲃⲱⲛ ⲉϥⲉⲛⲁϩⲙⲉⲕ ⲛⲧⲟⲧϥ ⲙⲫⲙⲟⲩ ⲭ ϧⲉⲛⲟⲩⲡⲟⲗⲉⲙⲟⲥ ⲇⲉ ⲉϥⲉⲛⲁϩⲙⲉⲕ ⲉⲃⲟⲗ ⲛⲧⲟⲧϥ ⲛⲟⲩⲃⲉⲛⲓⲡⲓ .
In famine he shall deliver thee from death: and in war he shall free thee from the power of the sword.
21 ⲉϥⲉⲭⲟⲡⲕ ⲉⲃⲟⲗϩⲁ ⲟⲩⲙⲁⲥⲧⲓⲅⲅⲟⲥ ⲛⲧⲉⲟⲩⲗⲁⲥ ⲭ ⲟⲩⲟϩ ⲛⲛⲉⲕⲉⲣϩⲟϯ ⲉⲩⲛⲏⲟⲩ ⲛϫⲉϩⲁⲛⲡⲉⲧϩⲱⲟⲩ .
He shall hide thee from the scourge of the tongue: and thou shalt not be afraid of coming evils.
22 ⲛⲓⲣⲉϥϭⲓⲛϫⲟⲛⲥ ⲇⲉ ⲛⲉⲙⲛⲓⲁⲛⲟⲙⲟⲥ ⲉⲕⲉⲥⲱⲃⲓ ⲙⲙⲱⲟⲩ .
Thou shalt laugh at the unrighteous and the lawless: and thou shalt not be afraid of wild beasts.
23 ⲛⲓⲑⲏⲣⲓⲟⲛ ⲛⲁⲅⲣⲓⲟⲛ ⲉⲩⲉⲉⲣϩⲓⲣⲏⲛⲏ ⲛⲉⲙⲁⲕ .
For the wild beasts of the field shall be at peace with thee.
24 ⲧⲟⲧⲉ ⲉⲕⲉⲉⲙⲓ ϫⲉⲉϥⲉⲉⲣϩⲓⲣⲏⲛⲏ ⲛϫⲉⲡⲉⲕⲏⲓ ⲭ ⲡⲥⲟⲃϯ ⲇⲉ ⲛⲧⲉⲧⲉⲕⲥⲕⲉⲡⲏ ⲛⲛⲉϥⲉⲣⲃⲟⲛⲓ .
Then shalt thou know that thy house shall be at peace, and the provision for thy tabernacle shall not fail.
25 ⲉⲕⲉⲉⲙⲓ ϫⲉϥⲟϣ ⲛϫⲉⲡⲉⲕϫⲣⲟϫ ⲭ ⲛⲉⲕϣⲏⲣⲓ ⲉⲩⲉⲉⲣ ⲙⲫⲣⲏϯ ⲛⲛⲓⲥⲙⲁϩ ⲧⲏⲣⲟⲩ ⲛⲧⲉⲧⲕⲟⲓ .
And thou shalt know that thy seed shall be abundant; and thy children shall be like the herbage of the field.
26 ⲉⲕⲉⲓ ⲇⲉ ⲉⲡⲓⲙϩⲁⲩ ⲙⲫⲣⲏϯ ⲛⲟⲩⲥⲟⲩⲟ ϧⲉⲛⲧⲉϥⲟⲩⲛⲟⲩ ⲉⲁⲩⲟⲥϧϥ ϧⲉⲛⲡⲉϥⲥⲏⲟⲩ ⲭ ⲓⲉ ⲙⲫⲣⲏϯ ⲛⲟⲩϩⲟⲓ ⲛⲧⲉⲟⲩϭⲛⲱⲟⲩ ⲉⲁⲩⲟⲗⲥ ⲉϧⲟⲩⲛ ϧⲉⲛⲧⲉⲥⲟⲩⲛⲟⲩ .
And thou shalt come to the grave like ripe corn reaped in its season, or as a heap of the corn-flour collected in proper time.
27 ϩⲏⲡⲡⲉ ⲓⲥ ⲛⲁⲓ ⲁⲛϧⲉⲧϧⲱⲧⲟⲩ ⲙⲡⲁⲓⲣⲏϯ ⲭ ⲛⲁⲓ ⲇⲉ ⲛⲉ ⲛⲏⲉⲧⲁⲛⲥⲟⲑⲙⲟⲩ ⲭ ⲛⲑⲟⲕ ⲇⲉ ⲁⲣⲓⲉⲙⲓ ⲛϧⲣⲏⲓ ⲛϧⲏⲧⲕ ϫⲉⲟⲩ ⲡⲉⲧⲁⲕⲁⲓϥ .
Behold, we have thus sought out these matters; these are what we have heard: but do thou reflect with thyself, if thou hast done anything wrong.