1 ⲟⲩⲟϩ ⲁ ⲙⲱⲩⲥⲏⲥ ⲥⲁϫⲓ ⲛⲉⲙⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲕⲁⲧⲁϩⲱⲃ ⲛⲓⲃⲉⲛ ⲉⲧⲁ ⲡϭⲟⲓⲥ ϩⲟⲛϩⲉⲛ ⲙⲙⲱⲩⲥⲏⲥ ⲉⲣⲱⲟⲩ

And Moses spoke to the children of Israel according to all that the Lord commanded Moses.

2 ⲟⲩⲟϩ ⲁ ⲙⲱⲩⲥⲏⲥ ⲥⲁϫⲓ ⲛⲉⲙⲛⲓⲁⲣⲭⲱⲛ ⲛⲧⲉⲛⲓⲫⲩⲗⲏ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲩϫⲱ ⲙⲙⲟⲥ ϫⲉⲫⲁⲓ ⲡⲉ ⲡⲓⲥⲁϫⲓ ⲉⲧⲁ ⲡϭⲟⲓⲥ ⲟⲩⲁϩⲥⲁϩⲛⲓ ⲙⲙⲟϥ

And Moses spoke to the heads of the tribes of the children of Israel, saying, This is the thing which the Lord has commanded.

3 ϫⲉⲡⲓⲣⲱⲙⲓ ⲉⲧⲛⲁⲓⲣⲓ ⲛⲟⲩⲉⲩⲭⲏ ⲙⲡϭⲟⲓⲥ ⲓⲉ ⲉⲧⲛⲁⲱⲣⲕ ⲛⲟⲩⲁⲛⲁϣ ⲓⲉ ⲉⲧⲛⲁⲓⲣⲓ ⲛⲟⲩⲑⲱϣ ⲉϫⲉⲛⲧⲉϥⲯⲩⲭⲏ ⲛⲛⲉϥⲥⲱϥ ⲙⲡⲉϥⲥⲁϫⲓ ⲛⲉⲙϩⲱⲃ ⲛⲓⲃⲉⲛ ⲉⲧⲛⲏⲟⲩ ⲉⲃⲟⲗ ϧⲉⲛⲣⲱϥ ⲉϥⲉⲁⲓⲧⲟⲩ

Whatsoever man shall vow a vow to the Lord, or swear an oath, or bind himself with an obligation upon his soul, he shall not break his word; all that shall come out of his mouth he shall do.

4 ⲉϣⲱⲡ ⲇⲉ ⲛⲧⲉⲟⲩⲥϩⲓⲙⲓ ⲱϣ ⲛⲟⲩⲉⲩⲭⲏ ⲙⲡϭⲟⲓⲥ ⲓⲉ ⲛⲧⲉⲥⲑⲱϣ ϧⲉⲛⲡⲏⲓ ⲙⲡⲉⲥⲓⲱⲧ ϧⲉⲛⲧⲉⲥⲙⲉⲧⲁⲗⲟⲩ

And if a woman shall vow a vow to the Lord, or bind herself with an obligation in her youth in her father's house; and her father should hear her vows and her obligations, wherewith she has bound her soul, and her father should hold his peace at her, then all her vows shall stand,

5 ⲟⲩⲟϩ ⲛⲧⲉϥⲥⲱⲧⲉⲙ ⲛϫⲉⲡⲉⲥⲓⲱⲧ ⲉⲛⲉⲥⲉⲩⲭⲏ ⲛⲉⲙⲛⲉⲥⲑⲱϣ ⲉⲧⲁⲥⲁⲓⲧⲟⲩ ϧⲁⲧⲉⲥⲯⲩⲭⲏ ⲟⲩⲟϩ ⲛⲧⲉϥⲭⲁⲣⲱϥ ⲛϫⲉⲡⲉⲥⲓⲱⲧ ⲟⲩⲟϩ ⲟⲩⲉⲥⲉⲙⲛⲓ ⲛⲁⲥ ⲛⲛⲉⲥⲉⲩⲭⲏ ⲧⲏⲣⲟⲩ ⲛⲉⲙⲛⲉⲥⲑⲱϣ ⲧⲏⲣⲟⲩ ⲉⲧⲁⲥⲑⲁϣⲟⲩ ϧⲉⲛⲧⲉⲥⲯⲩⲭⲏ ⲉⲩⲉϣⲱⲡⲓ ⲛⲁⲥ

and all the obligations with which she has bound her soul, shall remain to her.

6 ⲉϣⲱⲡ ⲇⲉ ϧⲉⲛⲟⲩⲣⲓⲕⲓ ⲛⲧⲉϥⲣⲓⲕⲓ ⲛϫⲉⲡⲉⲥⲓⲱⲧ ϧⲉⲛⲡⲓⲉϩⲟⲟⲩ ⲉⲧⲉϥⲛⲁⲥⲱⲧⲉⲙ ⲉⲛⲉⲥⲉⲩⲭⲏ ⲧⲏⲣⲟⲩ ⲛⲉⲙⲛⲉⲥⲑⲱϣ ⲉⲧⲁⲥⲑⲁϣⲟⲩ ϧⲉⲛⲧⲉⲥⲯⲩⲭⲏ ⲛⲛⲟⲩⲥⲉⲙⲛⲓ ⲟⲩⲟϩ ⲉϥⲉⲧⲟⲩⲃⲟⲥ ⲛϫⲉⲡϭⲟⲓⲥ ϫⲉⲁϥⲣⲓⲕⲓ ⲛϫⲉⲡⲉⲥⲓⲱⲧ

But if her father straitly forbid her in the day in which he shall hear all her vows and her obligations, which she has contracted upon her soul, they shall not stand; and the Lord shall hold her guiltless, because her father forbade her.

7 ⲉϣⲱⲡ ⲇⲉ ⲁⲥϣⲁⲛϣⲱⲡⲓ ⲛⲉⲙⲟⲩϩⲁⲓ ⲉⲣⲉⲛⲉⲥⲉⲩⲭⲏ ϩⲓϫⲱⲥ ϧⲉⲛⲛⲉⲥⲥⲫⲟⲧⲟⲩ ⲛⲏ ⲧⲏⲣⲟⲩ ⲉⲧⲁⲥⲑⲁϣⲟⲩ ϧⲉⲛⲧⲉⲥⲯⲩⲭⲏ

But if she should be indeed married, and her vows be upon her according to the utterance of her lips, the obligations which she has contracted upon her soul;

8 ⲟⲩⲟϩ ⲛⲧⲉϥⲥⲱⲧⲉⲙ ⲛϫⲉⲡⲉⲥϩⲁⲓ ⲟⲩⲟϩ ⲛⲧⲉϥⲭⲁⲣⲱϥ ⲉⲣⲟⲥ ϧⲉⲛⲡⲓⲉϩⲟⲟⲩ ⲉⲧⲉϥⲛⲁⲥⲱⲧⲉⲙ ⲡⲁⲓⲣⲏϯ ⲉⲩⲉⲟϩⲓ ⲉⲣⲁⲧⲟⲩⲛϫⲉⲛⲉⲥⲉⲩⲭⲏ ⲟⲩⲟϩ ⲛⲉⲥⲑⲱϣ ⲉⲧⲁⲥⲑⲁϣⲟⲩ ϧⲉⲛⲧⲉⲥⲯⲩⲭⲏ ⲉⲩⲉⲥⲉⲙⲛⲓ

and her husband should hear, and hold his peace at her in the day in which he should hear, then thus shall all her vows be binding, and her obligations, which she has contracted upon her soul shall stand.

9 ⲉϣⲱⲡ ⲇⲉ ϧⲉⲛⲟⲩⲣⲓⲕⲓ ⲛⲧⲉϥⲣⲓⲕⲓ ⲛϫⲉⲡⲉⲥϩⲁⲓ ϧⲉⲛⲡⲓⲉϩⲟⲟⲩ ⲉⲧⲉϥⲛⲁⲥⲱⲧⲉⲙ ⲉⲛⲉⲥⲉⲩⲭⲏ ⲧⲏⲣⲟⲩ ⲛⲉⲙⲛⲉⲥⲑⲱϣ ⲉⲧⲁⲥⲑⲁϣⲟⲩ ϧⲁⲧⲉⲥⲯⲩⲭⲏ ⲛⲛⲟⲩϣⲱⲡⲓ ⲛⲁⲥ ϫⲉⲁϥⲣⲓⲕⲓ ⲛϫⲉⲡⲉⲥϩⲁⲓ ⲟⲩⲟϩ ⲉϥⲉⲧⲟⲩⲃⲟⲥ ⲛϫⲉⲡϭⲟⲓⲥ

But if her husband should straitly forbid her in the day in which he should hear her, none of her vows or obligations which she has contracted upon her soul shall stand, because her husband has disallowed her, and the Lord shall hold her guiltless.

10 ⲟⲩⲟϩ ⲟⲩⲉⲩⲭⲏ ⲛⲧⲉⲟⲩⲭⲏⲣⲁ ⲛⲧⲉⲟⲩⲭⲏⲣⲁ ⲛⲉⲙⲟⲩⲓ ⲉⲥϩⲱⲟⲩⲓ ⲉⲃⲟⲗ ⲛⲏ ⲧⲏⲣⲟⲩ ⲉⲧⲉⲥⲧⲱⲃϩ ⲙⲙⲱⲟⲩ ϧⲁⲧⲉⲥⲯⲩⲭⲏ ⲉⲩⲉϣⲱⲡⲓ ⲛⲁⲥ

And the vow of a widow and of her that is put away, whatsoever she shall bind upon her soul, shall stand to her.

11 ⲉϣⲱⲡ ⲇⲉ ⲛⲧⲉⲥⲑⲱϣ ϧⲉⲛⲡⲏⲓ ⲛⲧⲉⲡⲉⲥϩⲁⲓ ⲛⲛⲉⲥⲉⲩⲭⲏ ⲓⲉ ⲡⲓⲑⲱϣ ⲉⲧⲁⲥⲑⲁϣϥ ϧⲁⲧⲉⲥⲯⲩⲭⲏ ϧⲉⲛⲟⲩⲁⲛⲁϣ

And if her vow be made in the house of her husband, or the obligation upon her soul with an oath,

12 ⲟⲩⲟϩ ⲛⲧⲉϥⲥⲱⲧⲉⲙ ⲛϫⲉⲡⲉⲥϩⲁⲓ ⲟⲩⲟϩ ⲛⲧⲉϥⲭⲁⲣⲱϥ ⲉⲣⲟⲥ ⲟⲩⲟϩ ⲛⲧⲉϥϣⲧⲉⲙⲣⲓⲕⲓ ⲉⲣⲟⲥ ⲟⲩⲟϩ ⲉⲩⲉⲥⲉⲙⲛⲓ ⲛⲁⲥ ⲛϫⲉⲛⲉⲥⲉⲩⲭⲏ ⲧⲏⲣⲟⲩ ⲛⲉⲙⲛⲉⲥⲑⲱϣ ⲧⲏⲣⲟⲩ ⲉⲧⲁⲥⲑⲁϣⲟⲩ ϧⲉⲛⲧⲉⲥⲯⲩⲭⲏ ⲉⲩⲉⲥⲉⲙⲛⲓ ϧⲁⲧⲟⲧⲥ

and her husband should hear, and hold his peace at her, and not disallow her, then all her vows shall stand, and all the obligations which she contracted against her soul, shall stand against her.

13 ⲉϣⲱⲡ ⲇⲉ ⲁϥϣⲁⲛⲫⲱⲛϩ ϧⲉⲛⲟⲩⲫⲱⲛϩ ⲛϫⲉⲡⲉⲥϩⲁⲓ ϧⲉⲛⲡⲓⲉϩⲟⲟⲩ ⲉⲧⲉϥⲛⲁⲥⲱⲧⲉⲙ ⲉϩⲱⲃ ⲛⲓⲃⲉⲛ ⲉⲧⲁⲩⲓ ⲉⲃⲟⲗ ϧⲉⲛⲛⲉⲥⲥⲫⲟⲧⲟⲩ ⲕⲁⲧⲁⲛⲉⲥⲉⲩⲭⲏ ⲛⲉⲙⲕⲁⲧⲁⲛⲉⲥⲁⲛⲁϣ ⲉⲧⲁⲥⲑⲁϣⲟⲩ ϧⲁⲧⲉⲥⲯⲩⲭⲏ ⲛⲛⲟⲩϣⲱⲡⲓ ⲛⲁⲥ ϫⲉⲁϥⲫⲱⲛϩ ⲛϫⲉⲡⲉⲥϩⲁⲓ ⲟⲩⲟϩ ⲡϭⲟⲓⲥ ⲉϥⲉⲧⲟⲩⲃⲟⲥ

But if her husband should utterly cancel the vow in the day in which he shall hear it, none of the things which shall proceed out of her lips in her vows, and in the obligations contracted upon her soul, shall stand to her; her husband has cancelled them, and the Lord shall hold her guiltless.

14 ⲉⲩⲭⲏ ⲛⲓⲃⲉⲛ ⲛⲉⲙⲁⲛⲁϣ ⲛⲓⲃⲉⲛ ⲉⲧⲉⲟⲩⲥⲛⲁⲩϩ ⲉⲧϩⲉⲙⲕⲟ ⲛⲟⲩⲯⲩⲭⲏ ⲉϥⲉⲥⲉⲙⲛⲓ ⲛⲁⲥ ⲛϫⲉⲡⲉⲥϩⲁⲓ ⲟⲩⲟϩ ⲡⲉⲥϩⲁⲓ ⲉϥⲉⲱⲗⲓ

Every vow, and every binding oath to afflict her soul, her husband shall confirm it to her, or her husband shall cancel it.

15 ⲉϣⲱⲡ ⲇⲉ ϧⲉⲛⲟⲩⲭⲁⲣⲱϥ ⲛⲧⲉϥⲭⲁⲣⲱϥ ⲉⲣⲟⲥ ⲛϫⲉⲡⲉⲥϩⲁⲓ ⲛⲉϩⲟⲟⲩ ϧⲁⲧϩⲏ ⲛⲉϩⲟⲟⲩ ⲟⲩⲟϩ ⲉϥⲉⲥⲉⲙⲛⲓ ⲛⲁⲥ ⲛⲛⲉⲥⲉⲩⲭⲏ ⲧⲏⲣⲟⲩ ⲛⲉⲙⲛⲉⲥⲑⲱϣ ⲧⲏⲣⲟⲩ ϫⲉⲁϥⲭⲁⲣⲱϥ ⲉⲣⲟⲥ ⲙⲡⲓⲉϩⲟⲟⲩ ⲉⲧⲁϥⲥⲱⲧⲉⲙ

But if he be wholly silent at her from day to day, then shall he bind upon her all her vows; and he shall confirm to her the obligations which she has bound upon herself, because he held his peace at her in the day in which he heard her.

16 ⲉϣⲱⲡ ⲇⲉ ϧⲉⲛⲟⲩⲫⲱⲛϩ ⲛⲧⲉϥⲫⲱⲛϩ ⲛϫⲉⲡⲉⲥϩⲁⲓ ⲙⲉⲛⲉⲛⲥⲁⲡⲓⲉϩⲟⲟⲩ ⲉⲧⲁϥⲥⲱⲧⲉⲙ ⲙⲙⲟϥ ⲉϥⲉϭⲓ ⲙⲡⲉϥⲛⲟⲃⲓ

And if her husband should in any wise cancel them after the day in which he heard them, then he shall bear his iniquity.

17 ⲟⲩⲟϩ ⲛⲁⲓ ⲛⲉ ⲛⲓⲙⲉⲑⲙⲏⲓ ⲉⲧⲁ ⲡϭⲟⲓⲥ ϩⲟⲛϩⲉⲛ ⲙⲙⲱⲩⲥⲏⲥ ⲉⲣⲱⲟⲩ ⲟⲩⲧⲉ ⲟⲩⲣⲱⲙⲓ ⲛⲉⲙⲟⲩⲧⲉ ⲟⲩⲥϩⲓⲙⲓ ⲛⲉⲙⲟⲩⲧⲉ ⲟⲩⲓⲱⲧ ⲛⲉⲙⲟⲩⲧⲉ ⲟⲩϣⲉⲣⲓ ϧⲉⲛⲧⲉⲥⲙⲉⲧⲁⲗⲟⲩ ϧⲉⲛⲡⲏⲓ ⲙⲡⲉⲥⲓⲱⲧ

These are the ordinances which the Lord commanded Moses, between a man and his wife, and between a father and daughter in her youth in the house of her father.