1 ⲟⲩⲟϩ ⲁϥⲉⲙⲧⲟⲛ ⲙⲙⲟϥ ⲛϫⲉⲡⲓⲥⲣⲁⲏⲗ ϧⲉⲛⲥⲁⲧⲓⲛ ⲟⲩⲟϩ ⲁϥⲥⲱϥ ⲛϫⲉⲡⲓⲗⲁⲟⲥ ⲉⲉⲣⲡⲟⲣⲛⲉⲩⲓⲛ ϧⲉⲛⲛⲓϣⲉⲣⲓ ⲛⲧⲉⲙⲱⲁⲃ

And Israel sojourned in Sattin, and the people profaned itself by going a-whoring after the daughters of Moab.

2 ⲟⲩⲟϩ ⲁⲩⲙⲟⲩϯ ⲉⲣⲱⲟⲩ ϩⲁⲛⲓϣⲟⲩϣⲱⲟⲩϣⲓ ⲛⲧⲉⲛⲓⲓⲇⲱⲗⲟⲛ ⲟⲩⲟϩ ⲁ ⲡⲓⲗⲁⲟⲥ ⲟⲩⲱⲙ ⲛⲛⲟⲩϣⲟⲩϣⲱⲟⲩϣⲓ ⲟⲩⲟϩ ⲁⲩⲟⲩⲱϣⲧ ⲛⲛⲟⲩⲓⲇⲱⲗⲟⲛ

And they called them to the sacrifices of their idols; and the people ate of their sacrifices, and worshipped their idols.

3 ⲟⲩⲟϩ ⲁⲩϫⲱⲕ ⲉⲃⲟⲗ ⲛϫⲉⲡⲓⲥⲣⲁⲏⲗ ϧⲉⲛⲃⲉⲗⲫⲉⲅⲱⲣ ⲟⲩⲟϩ ⲁ ⲡϭⲟⲓⲥ ϫⲱⲛⲧ ⲉⲡⲓⲥⲣⲁⲏⲗ

And Israel consecrated themselves to Beel-phegor; and the Lord was very angry with Israel.

4 ⲟⲩⲟϩ ⲡⲉϫⲉ ⲡϭⲟⲓⲥ ⲙⲙⲱⲩⲥⲏⲥ ϫⲉϭⲓ ⲛⲛⲓⲁⲣⲭⲏⲅⲟⲥ ⲧⲏⲣⲟⲩ ⲛⲧⲉⲡⲓⲗⲁⲟⲥ ⲟⲩⲟϩ ⲁⲣⲓⲧⲟⲩ ⲛⲥⲱⲓⲧ ⲙⲡⲉⲙⲑⲟ ⲙⲡϭⲟⲓⲥ ⲙⲡⲉⲙⲑⲟ ⲙⲫⲣⲏ ⲟⲩⲟϩ ⲉϥⲉⲧⲁⲥⲑⲟ ⲛϫⲉⲡϫⲱⲛⲧ ⲛⲉⲙⲡⲉⲙⲃⲟⲛ ⲙⲡϭⲟⲓⲥ ⲉⲃⲟⲗ ϩⲁⲡⲓⲥⲣⲁⲏⲗ

And the Lord said to Moses, Take all the princes of the people, and make them examples of judgment for the Lord in the face of the sun, and the anger of the Lord shall be turned away from Israel.

5 ⲟⲩⲟϩ ⲡⲉϫⲉ ⲙⲱⲩⲥⲏⲥ ⲛⲛⲓⲫⲩⲗⲏ ⲛⲧⲉⲡⲓⲥⲣⲁⲏⲗ ϫⲉⲙⲁⲣⲉ ⲡⲓⲟⲩⲁⲓ ⲡⲓⲟⲩⲁⲓ ⲙⲙⲱⲧⲉⲛ ϧⲱⲧⲉⲃ ⲙⲡⲉϥⲣⲉⲙⲛⲏⲓ ⲉⲧⲁϥϫⲱⲕ ⲉⲃⲟⲗ ϧⲉⲛⲃⲉⲗⲫⲉⲅⲱⲣ

And Moses said to the tribes of Israel, Slay ye every one his friend that is consecrated to Beel-phegor.

6 ⲟⲩⲟϩ ⲓⲥ ⲟⲩⲣⲱⲙⲓ ⲉⲃⲟⲗ ϧⲉⲛⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲁϥⲓⲛⲓ ⲙⲡⲉϥⲥⲟⲛ ϩⲁϯⲥϩⲓⲙⲓ ⲙⲙⲁⲇⲓⲁⲛⲓⲧⲓⲥ ⲙⲡⲉⲙⲑⲟ ⲙⲙⲱⲩⲥⲏⲥ ⲛⲉⲙⲡⲉⲙⲑⲟ ⲛϯⲥⲩⲛⲁⲅⲱⲅⲏ ⲧⲏⲣⲥ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲛⲑⲱⲟⲩ ⲇⲉ ⲛⲁⲩⲣⲓⲙⲓ ϧⲁⲧⲉⲛⲛⲓⲣⲱⲟⲩ ⲛⲧⲉϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ

And, behold, a man of the children of Israel came and brought his brother to a Madianitish woman before Moses, and before all the congregation of the children of Israel; and they were weeping at the door of the tabernacle of witness.

7 ⲟⲩⲟϩ ⲉⲧⲁϥⲛⲁⲩ ⲛϫⲉⲫⲓⲛⲛⲉⲟⲥ ⲡϣⲏⲣⲓ ⲛⲉⲗⲉⲁⲍⲁⲣ ⲡϣⲏⲣⲓ ⲛⲁⲁⲣⲱⲛ ⲡⲓⲟⲩⲏⲃ ⲁϥⲧⲱⲛϥ ⲉⲃⲟⲗ ϧⲉⲛϯⲥⲩⲛⲁⲅⲱⲅⲏ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲟⲩⲟϩ ⲁϥϭⲓ ⲛⲟⲩⲥⲓⲣⲟⲙⲁⲥⲧⲏⲥ ϧⲉⲛⲧⲉϥϫⲓϫ

And Phinees the son of Eleazar, the son of Aaron the priest, saw it, and rose out of the midst of the congregation, and took a javelin in his hand,

8 ⲁϥⲓ ⲉⲃⲟⲗ ϩⲓⲫⲁϩⲟⲩ ⲙⲡⲓⲣⲱⲙⲓ ⲛⲓⲥⲣⲁⲏⲗⲓⲧⲏⲥ ⲉϯϩⲣⲱ ⲟⲩⲟϩ ⲁϥϧⲉⲗϧⲱⲗⲟⲩ ⲙⲡⲃ ⲡⲓⲣⲱⲙⲓ ⲛⲥⲣⲁⲏⲗⲓⲧⲏⲥ ⲛⲉⲙϯⲥϩⲓⲙⲓ ⲉⲃⲟⲗ ϩⲓⲧⲉⲛⲧⲉⲥⲟϯ ⲟⲩⲟϩ ⲁϥⲗⲟϫϥ ⲛϫⲉⲡⲓⲉⲣϧⲟⲧ ⲉⲃⲟⲗ ϧⲉⲛⲛⲉⲛϣⲏⲣⲓ ⲙⲡⲓⲥⲣⲁⲏⲗ

and went in after the Israelitish man into the chamber, and pierced them both through, both the Israelitish man, and the woman through her womb; and the plague was stayed from the children of Israel.

9 ⲁⲩϣⲱⲡⲓ ⲇⲉ ⲛϫⲉⲛⲏ ⲉⲧⲁⲩⲙⲟⲩ ϧⲉⲛϯⲡⲗⲏⲅⲏ ⲛⲕⲇ ⲛϣⲟ

And those that died in the plague were four and twenty thousand.

10 ⲟⲩⲟϩ ⲁ ⲡϭⲟⲓⲥ ⲥⲁϫⲓ ⲛⲉⲙⲙⲱⲩⲥⲏⲥ ⲉϥϫⲱ ⲙⲙⲟⲥ

And the Lord spoke to Moses, saying,

11 ϫⲉⲫⲓⲛⲛⲉⲟⲥ ⲡϣⲏⲣⲓ ⲛⲉⲗⲉⲁⲍⲁⲣ ⲡϣⲏⲣⲓ ⲛⲁⲁⲣⲱⲛ ⲁϥϯⲉⲙⲧⲟⲛ ⲙⲡⲁⲉⲙⲃⲟⲛ ⲉⲃⲟⲗ ϧⲉⲛⲛⲉⲛϣⲏⲣⲓ ⲙⲡⲓⲥⲣⲁⲏⲗ ϧⲉⲛⲡϫⲓⲛⲑⲣⲉϥⲭⲟϩ ⲉⲡⲁⲭⲟϩ ⲛϧⲏⲧⲟⲩ ⲟⲩⲟϩ ⲙⲡⲓϥⲉⲧ ⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲃⲟⲗ ϧⲉⲛⲡϫⲓⲛⲑⲣⲉϥⲭⲟϩ ⲉⲡⲁⲭⲟϩ ⲛϧⲏⲧⲟⲩ

Phinees the son of Eleazar the son of Aaron the priest has caused my wrath to cease from the children of Israel, when I was exceedingly jealous among them, and I did not consume the children of Israel in my jealousy.

12 ⲡⲁⲓⲣⲏϯ ⲁϫⲟⲥ ϩⲏⲡⲡⲉ ⲁⲛⲟⲕ ϯⲛⲁϯ ⲛⲁϥ ⲛⲟⲩⲇⲓⲁⲑⲏⲕⲏ ⲛⲧⲉⲟⲩϩⲓⲣⲏⲛⲏ

Thus do thou say to him, Behold, I give him a covenant of peace:

13 ⲟⲩⲟϩ ⲉⲥⲉϣⲱⲡⲓ ⲛⲁϥ ⲛⲉⲙⲡⲉϥϫⲣⲟϫ ⲙⲉⲛⲉⲛⲥⲱϥ ⲉⲩⲇⲓⲁⲑⲏⲕⲏ ⲛⲧⲉⲟⲩⲙⲉⲧⲟⲩⲏⲃ ϣⲁⲉⲛⲉϩ ⲉⲫⲙⲁ ϫⲉⲁϥⲭⲟϩ ϧⲉⲛⲡⲉϥⲛⲟⲩϯ ⲟⲩⲟϩ ⲁϥⲉⲣⲣⲉϥⲛⲟϩⲉⲙ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ

and he and his seed after him shall have a perpetual covenant of priesthood, because he was zealous for his God, and made atonement for the children of Israel.

14 ⲫⲣⲁⲛ ⲇⲉ ⲙⲡⲓⲣⲱⲙⲓ ⲉⲧⲁⲩϧⲉⲗϧⲱⲗϥ ⲛⲉⲙϯⲥϩⲓⲙⲓ ⲙⲙⲁⲇⲓⲁⲛⲓⲧⲓⲥ ⲥⲁⲙⲃⲣⲓ ⲡϣⲏⲣⲓ ⲛⲥⲁⲗⲙⲱⲛ ⲡⲁⲣⲭⲱⲛ ⲛⲧⲉⲡⲏⲓ ⲛⲧⲉⲡⲓⲙⲁⲛϣⲱⲡⲓ ⲛⲧⲉⲥⲩⲙⲉⲱⲛ

Now the name of the smitten Israelitish man, who was smitten with the Madianitish woman, was Zambri son of Salmon, prince of a house of the tribe of Symeon.

15 ⲟⲩⲟϩ ⲫⲣⲁⲛ ⲛϯⲥϩⲓⲙⲓ ⲙⲙⲁⲇⲓⲁⲛⲓⲧⲓⲥ ⲉⲧⲁⲩϧⲉⲗϧⲱⲗⲥ ⲡⲉ ⲭⲁⲥⲃⲓ ⲧϣⲉⲣⲓ ⲛⲥⲟⲩⲣⲓ ⲡⲁⲣⲭⲱⲛ ⲛⲧⲉⲡⲓϣⲗⲟⲗ ⲛⲧⲉⲙⲟⲱⲑ ⲡⲏⲓ ⲛⲛⲓⲙⲉⲧⲓⲱⲧ ⲛⲧⲉⲙⲁⲇⲓⲁⲙ

And the name of the Madianitish woman who was smitten, was Chasbi, daughter of Sur, a prince of the nation of Ommoth: it is a chief house among the people of Madiam.

16 ⲟⲩⲟϩ ⲁ ⲡϭⲟⲓⲥ ⲥⲁϫⲓ ⲛⲉⲙⲙⲱⲩⲥⲏⲥ ⲉϥϫⲱ ⲙⲙⲟⲥ ϫⲉⲥⲁϫⲓ ⲛⲉⲙⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲕϫⲱ ⲙⲙⲟⲥ

And the Lord spoke to Moses, saying, Speak to the children of Israel, saying,

17 ϫⲉⲁⲣⲓϫⲁϫⲓ ⲛⲉⲙⲛⲓⲙⲁⲇⲓⲁⲛⲓⲧⲏⲥ ⲟⲩⲟϩ ϯ ⲟⲩⲃⲏⲟⲩ

Plague the Madianites as enemies, and smite them,

18 ϫⲉⲥⲉⲟⲓ ⲛϫⲁϫⲓ ⲉⲣⲱⲧⲉⲛ ϧⲉⲛⲟⲩⲙⲉⲧⲇⲟⲗⲓⲟⲥ ⲉⲑⲃⲉⲫⲟⲅⲱⲣ ⲛⲉⲙⲉⲑⲃⲉⲭⲁⲥⲃⲓ ⲧϣⲉⲣⲓ ⲙⲙⲁⲇⲓⲁⲙ ⲧⲟⲩⲥⲱⲛⲓ ⲑⲏ ⲉⲧⲁⲩϧⲉⲗϧⲱⲗⲥ ϩⲓⲡϣⲁϥⲉ ϧⲉⲛⲡⲓⲉϩⲟⲟⲩ ⲛⲧⲉⲡⲓⲉⲣϧⲟⲧ ⲉⲑⲃⲉⲫⲟⲅⲱⲣ

for they are enemies to you by the treachery wherein they ensnare you through Phogor, and through Chasbi their sister, daughter of a prince of Madiam, who was smitten in the day of the plague because of Phogor.