1 ⲟⲩⲟϩ ⲁⲥⲥⲁϫⲓ ⲛϫⲉⲙⲁⲣⲓⲁⲙ ⲛⲉⲙⲁⲁⲣⲱⲛ ⲛⲥⲁⲙⲱⲩⲥⲏⲥ ⲉⲑⲃⲉϯⲥϩⲓⲙⲓ ⲛⲉⲑⲟϣⲓ ⲉⲧⲁϥϭⲓⲧⲥ ⲛϫⲉⲙⲱⲩⲥⲏⲥ ϫⲉⲟⲩⲥϩⲓⲙⲓ ⲛⲉⲑⲟϣⲓ ⲁϥϭⲓⲧⲥ
And Mariam and Aaron spoke against Moses, because of the Ethiopian woman whom Moses took; for he had taken an Ethiopian woman.
2 ⲟⲩⲟϩ ⲡⲉϫⲱⲟⲩ ϫⲉⲙⲏ ⲙⲱⲩⲥⲏⲥ ⲙⲙⲁⲩⲁⲧϥ ⲉⲧⲁ ⲡϭⲟⲓⲥ ⲥⲁϫⲓ ⲛⲉⲙⲁϥ ⲙⲏ ⲙⲡⲉϥⲥⲁϫⲓ ⲛⲉⲙⲁⲛ ⲁⲛⲟⲛ ⲟⲩⲟϩ ⲁϥⲥⲱⲧⲉⲙ ⲛϫⲉⲡϭⲟⲓⲥ
And they said, Has the Lord spoken to Moses only? has he not also spoken to us? and the Lord heard it.
3 ⲟⲩⲟϩ ⲡⲓⲣⲱⲙⲓ ⲙⲱⲩⲥⲏⲥ ⲛⲉ ⲟⲩⲣⲉⲙⲣⲁⲩϣ ⲡⲉ ⲉⲙⲁϣⲱ ⲉⲃⲟⲗ ⲟⲩⲧⲉ ⲣⲱⲙⲓ ⲛⲓⲃⲉⲛ ⲉⲧϣⲟⲡ ϩⲓϫⲉⲛⲡⲕⲁϩⲓ
And the man Moses was very meek beyond all the men that were upon the earth.
4 ⲟⲩⲟϩ ⲡⲉϫⲉ ⲡϭⲟⲓⲥ ⲛϯⲟⲩⲛⲟⲩ ⲙⲙⲱⲩⲥⲏⲥ ⲛⲉⲙⲁⲁⲣⲱⲛ ⲛⲉⲙⲙⲁⲣⲓⲁⲙ ϫⲉⲁⲙⲱⲓⲛⲓ ⲉⲃⲟⲗ ⲙⲡⲅ ⲉϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ ⲟⲩⲟϩ ⲁⲩⲓ ⲉⲃⲟⲗ ⲛⲑⲱⲟⲩ ⲙⲡⲅ ⲉϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ
And the Lord said immediately to Moses and Aaron and Mariam, Come forth all three of you to the tabernacle of witness.
5 ⲟⲩⲟϩ ⲁϥⲓ ⲉⲡⲉⲥⲏⲧ ⲛϫⲉⲡϭⲟⲓⲥ ϧⲉⲛⲟⲩⲥⲧⲩⲗⲗⲟⲥ ⲛϭⲏⲡⲓ ⲟⲩⲟϩ ⲁϥⲟϩⲓ ⲉⲣⲁⲧϥ ϩⲓⲣⲉⲛⲛⲓⲣⲱⲟⲩ ⲛⲧⲉϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ ⲟⲩⲟϩ ⲁⲩⲙⲟⲩϯ ⲉⲁⲁⲣⲱⲛ ⲛⲉⲙⲙⲁⲣⲓⲁⲙ ⲟⲩⲟϩ ⲁⲩⲓ ⲉⲃⲟⲗ ⲙⲡⲃ
And the three came forth to the tabernacle of witness; and the Lord descended in a pillar of a cloud, and stood at the door of the tabernacle of witness; and Aaron and Mariam were called; and both came forth.
6 ⲟⲩⲟϩ ⲡⲉϫⲁϥ ⲛⲱⲟⲩ ϫⲉⲥⲱⲧⲉⲙ ⲉⲛⲁⲥⲁϫⲓ ⲉϣⲱⲡ ⲁϥϣⲁⲛϣⲱⲡⲓ ⲙⲡϭⲟⲓⲥ ⲛϫⲉⲟⲩⲡⲣⲟⲫⲏⲧⲏⲥ ⲛⲧⲱⲧⲉⲛ ϧⲉⲛⲟⲩϩⲟⲣⲁⲙⲁ ϣⲁⲓⲟⲩⲟⲛϩⲧ ⲉⲣⲟϥ ⲟⲩⲟϩ ϣⲁⲓⲥⲁϫⲓ ⲛⲉⲙⲁϥ ϧⲉⲛⲟⲩⲣⲁⲥⲟⲩⲓ
And he said to them, Hear my words: If there should be of you a prophet to the Lord, I will be made known to him in a vision, and in sleep will I speak to him.
7 ⲙⲫⲣⲏϯ ⲁⲛ ⲙⲡⲁⲁⲗⲟⲩ ⲙⲱⲩⲥⲏⲥ ⲫⲏ ⲉⲧⲉⲛϩⲟⲧ ϧⲉⲛⲡⲁⲏⲓ ⲧⲏⲣϥ
My servant Moses is not so; he is faithful in all my house.
8 ϯⲛⲁⲥⲁϫⲓ ⲛⲉⲙⲁϥ ⲛⲣⲱ ⲟⲩⲃⲉ ⲣⲱ ϧⲉⲛⲟⲩⲛⲁⲩ ⲟⲩⲟϩ ϧⲉⲛⲟⲩⲥⲙⲟⲧ ⲁⲛ ⲟⲩⲟϩ ⲡⲱⲟⲩ ⲙⲡϭⲟⲓⲥ ⲁϥⲛⲁⲩ ⲉⲣⲟϥ ⲟⲩⲟϩ ⲉⲑⲃⲉⲟⲩ ⲙⲡⲉⲧⲉⲛⲉⲣϩⲟϯ ⲉⲥⲁϫⲓ ⲛⲥⲁⲙⲱⲩⲥⲏⲥ ⲡⲁⲃⲱⲕ
I will speak to him mouth to mouth apparently, and not in dark speeches; and he has seen the glory of the Lord; and why were ye not afraid to speak against my servant Moses?
9 ⲟⲩⲟϩ ⲁ ⲡϫⲱⲛⲧ ⲙⲡⲉⲙⲃⲟⲛ ⲙⲡϭⲟⲓⲥ ⲓ ⲉϩⲣⲏⲓ ⲉϫⲱⲟⲩ ⲟⲩⲟϩ ⲁϥϣⲉⲛⲁϥ
And the great anger of the Lord was upon them, and he departed.
10 ⲟⲩⲟϩ ⲁ ϯϭⲏⲡⲓ ϣⲉⲛⲁⲥ ⲉⲃⲟⲗ ϩⲁϯⲥⲕⲩⲛⲏ ⲟⲩⲟϩ ⲓⲥ ⲙⲁⲣⲓⲁⲙ ⲁⲥⲕⲱⲕ ⲛⲥⲉϩⲧ ⲙⲫⲣⲏϯ ⲛⲟⲩⲭⲓⲱⲛ ⲟⲩⲟϩ ⲁϥϫⲟⲩϣⲧ ⲛϫⲉⲁⲁⲣⲱⲛ ⲉϩⲣⲏⲓ ⲉϫⲉⲛⲙⲁⲣⲓⲁⲙ ⲟⲩⲟϩ ϩⲏⲡⲡⲉ ⲁⲥⲕⲱⲕ ⲛⲥⲉϩⲧ
And the cloud departed from the tabernacle; and, behold, Mariam was leprous, white as snow; and Aaron looked upon Mariam, and, behold, she was leprous.
11 ⲟⲩⲟϩ ⲡⲉϫⲉ ⲁⲁⲣⲱⲛ ⲙⲙⲱⲩⲥⲏⲥ ϫⲉϯϯϩⲟ ⲉⲣⲟⲕ ⲡⲁϭⲟⲓⲥ ⲙⲡⲉⲣⲓⲛⲓ ⲙⲡⲁⲓⲛⲟⲃⲓ ⲉϩⲣⲏⲓ ⲉϫⲱⲛ ϫⲉⲟⲩⲏⲓ ⲁⲛⲉⲣⲁⲧⲉⲙⲓ ⲁⲛⲉⲣⲛⲟⲃⲓ
And Aaron said to Moses, I beseech thee, my lord, do not lay sin upon us, for we were ignorant wherein we sinned.
12 ⲙⲡⲉⲣⲭⲁⲥ ⲛⲧⲉⲥϣⲱϣ ⲛⲉⲙⲫⲙⲟⲩ ⲙⲫⲣⲏϯ ⲛⲟⲩⲟⲩϧⲉ ⲉϥⲛⲏⲟⲩ ⲉⲃⲟⲗ ϧⲉⲛⲧⲟϯ ⲛⲧⲉⲧⲉϥⲙⲁⲩ ⲉϥⲛⲁⲟⲩⲱⲙ ⲛⲧⲫⲁϣⲓ ⲛⲧⲉⲛⲉⲥⲁϥⲟⲩⲓ
Let her not be as it were like death, as an abortion coming out of his mother's womb, when the disease devours the half of the flesh.
13 ⲟⲩⲟϩ ⲁ ⲙⲱⲩⲥⲏⲥ ⲱϣ ⲉϩⲣⲏⲓ ϩⲁⲡϭⲟⲓⲥ ⲉϥϫⲱ ⲙⲙⲟⲥ ϫⲉⲫⲛⲟⲩϯ ϯⲧⲱⲃϩ ⲙⲙⲟⲕ ⲙⲁⲧⲁⲗϭⲟⲥ
And Moses cried to the Lord, saying, O God, I beseech thee, heal her.
14 ⲟⲩⲟϩ ⲡⲉϫⲉ ⲡϭⲟⲓⲥ ⲙⲙⲱⲩⲥⲏⲥ ϫⲉⲉⲛⲉ ⲡⲉⲥⲓⲱⲧ ⲁϥϩⲓⲟⲩⲓ ⲛⲟⲩⲑⲁϥ ⲉϧⲟⲩⲛ ϧⲉⲛⲡⲉⲥϩⲟ ⲛⲁⲥⲛⲁϣⲓⲡⲓ ⲁⲛ ⲡⲉ ⲙⲁⲣⲉⲥⲫⲱⲣϫ ⲥⲁⲃⲟⲗ ⲛϯⲡⲁⲣⲉⲙⲃⲟⲗⲏ ⲛⲍ ⲛⲉϩⲟⲟⲩ ⲟⲩⲟϩ ⲙⲉⲛⲉⲛⲥⲁⲛⲁⲓ ⲉⲥⲉⲓ ⲉϧⲟⲩⲛ
And the Lord said to Moses, If her father had only spit in her face, would she not be ashamed seven days? let her be set apart seven days without the camp, and afterwards she shall come in.
15 ⲟⲩⲟϩ ⲁⲥⲫⲱⲣϫ ⲛϫⲉⲙⲁⲣⲓⲁⲙ ⲥⲁⲃⲟⲗ ⲛϯⲡⲁⲣⲉⲙⲃⲟⲗⲏ ⲛⲍ ⲛⲉϩⲟⲟⲩ ⲟⲩⲟϩ ⲙⲡⲉϥⲟⲩⲱⲧⲉⲃ ⲛϫⲉⲡⲓⲗⲁⲟⲥ ϣⲁⲧⲉⲥⲧⲟⲩⲃⲟ ⲛϫⲉⲙⲁⲣⲓⲁⲙ
And Mariam was separated without the camp seven days; and the people moved not forward till Mariam was cleansed.
16 ⲟⲩⲟϩ ⲙⲉⲛⲉⲛⲥⲁⲛⲁⲓ ⲁϥⲟⲩⲱⲧⲉⲃ ⲛϫⲉⲡⲓⲗⲁⲟⲥ ⲉⲃⲟⲗ ϧⲉⲛⲁⲥⲏⲣⲱⲑ ⲟⲩⲟϩ ⲁⲩϩⲓⲕⲟⲧ ⲉⲡⲧⲱⲟⲩ ⲙⲫⲁⲣⲣⲁⲛ
…