1 ⲉϣⲱⲡ ⲇⲉ ⲉⲥⲛⲁⲓⲛⲓ ⲉϧⲟⲩⲛ ⲛϫⲉⲟⲩⲯⲩⲭⲏ ⲛⲟⲩⲇⲱⲣⲟⲛ ⲛϣⲟⲩϣⲱⲟⲩϣⲓ ⲙⲡϭⲟⲓⲥ ⲉϥⲉϣⲱⲡⲓ ⲛϫⲉⲡⲉϥⲇⲱⲣⲟⲛ ⲥⲓⲙⲉⲇⲁⲗⲓⲟⲛ ⲟⲩⲟϩ ⲉϥⲉϫⲱϣ ⲛⲟⲩⲛⲉϩ ⲉϫⲱϥ ⲟⲩⲟϩ ⲉϥⲉⲭⲱ ⲛⲟⲩⲗⲓⲃⲁⲛⲟⲥ ⲉϩⲣⲏⲓ ⲉϫⲱϥ ⲟⲩϣⲱⲟⲩϣⲱⲟⲩϣⲓ ⲡⲉ
And if a soul bring a gift, a sacrifice to the Lord, his gift shall be fine flour; and he shall pour oil upon it, and shall put frankincense on it: it is a sacrifice.
2 ⲉϥⲉⲉⲛⲟⲩ ϩⲁⲛⲉⲛϣⲏⲣⲓ ⲛⲁⲁⲣⲱⲛ ⲛⲓⲟⲩⲏⲃ ⲟⲩⲟϩ ⲉϥⲉⲙⲟϩ ⲛⲧⲉϥϧⲟⲣⲡⲥ ⲉⲃⲟⲗ ϧⲉⲛⲡⲓⲥⲉⲙⲓⲇⲁⲗⲓⲟⲛ ⲛⲉⲙⲡⲓⲛⲉϩ ⲛⲉⲙⲡⲓⲗⲓⲃⲁⲛⲟⲥ ⲧⲏⲣϥ ⲟⲩⲟϩ ⲉⲣⲉⲡⲓⲟⲩⲏⲃ ⲉϥⲉⲧⲁⲗⲟ ⲙⲡⲉϥⲙⲉⲩⲓ ⲉϩⲣⲏⲓ ⲉϫⲉⲛⲡⲓⲙⲁⲛⲉⲣϣⲱⲟⲩϣⲓ ⲟⲩϣⲟⲩϣⲱⲟⲩϣⲓ ⲡⲉ ⲉⲩⲥⲑⲟⲓ ⲛⲥⲑⲩⲛⲟⲩϥⲓ ⲙⲡϭⲟⲓⲥ
And he shall bring it to the priests the sons of Aaron: and having taken from it a handful of the fine flour with the oil, and all its frankincense, then the priest shall put the memorial of it on the altar: it is a sacrifice, an odour of sweet savour to the Lord.
3 ⲟⲩⲟϩ ⲡⲥⲉⲡⲓ ⲉⲃⲟⲗ ϧⲉⲛⲡⲓϣⲟⲩϣⲱⲟⲩϣⲓ ⲉϥⲉϣⲱⲡⲓ ⲛⲁⲁⲣⲱⲛ ⲛⲉⲙⲛⲉϥϣⲏⲣⲓ ⲡⲉⲑⲟⲩⲁⲃ ⲛⲧⲉⲛⲏ ⲉⲑⲟⲩⲁⲃ ⲉⲃⲟⲗ ϧⲉⲛⲛⲓϣⲟⲩϣⲱⲟⲩϣⲓ ⲛⲧⲉⲡϭⲟⲓⲥ
And the remainder of the sacrifice shall be for Aaron and his sons, a most holy portion from the sacrifices of the Lord.
4 ⲉϣⲱⲡ ⲉⲕⲛⲁⲓⲛⲓ ⲛⲟⲩⲇⲱⲣⲟⲛ ⲉϧⲟⲩⲛ ⲛⲟⲩϣⲟⲩϣⲱⲟⲩϣⲓ ⲉϥϫⲏϫ ϧⲉⲛⲟⲩⲑⲣⲓⲣ ⲉⲃⲟⲗ ϧⲉⲛⲟⲩⲥⲉⲙⲓⲇⲁⲗⲓⲟⲛ ϩⲁⲛⲱⲓⲕ ⲛⲁⲧϣⲉⲙⲏⲣ ⲉⲩⲟⲩⲟϣⲉⲙ ϧⲉⲛⲟⲩⲛⲉϩ ⲟⲩⲟϩ ⲛⲗⲁⲕⲁⲛⲟⲛ ⲛⲁⲧϣⲉⲙⲏⲣ ⲉⲩϫⲏϣ ϧⲉⲛⲟⲩⲛⲉϩ
And if he bring as a gift a sacrifice baked from the oven, a gift to the Lord of fine flour, he shall bring unleavened bread kneaded with oil, and unleavened cakes anointed with oil.
5 ⲉϣⲱⲡ ⲇⲉ ⲟⲩϣⲟⲩϣⲱⲟⲩϣⲓ ⲡⲉ ⲉⲃⲟⲗ ϧⲉⲛⲟⲩⲗⲁⲕⲉⲛⲧ ⲡⲉⲕⲇⲱⲣⲟⲛ ⲟⲩⲥⲉⲙⲓⲇⲁⲗⲓⲟⲛ ⲉϥⲟⲩⲟϣⲉⲙ ϧⲉⲛⲟⲩⲛⲉϩ ⲉⲩⲉϣⲱⲡⲓ ⲉⲩⲟⲓ ⲛⲁⲧϣⲉⲙⲏⲣ
And if thy gift be a sacrifice from a pan, it is fine flour mingled with oil, unleavened offerings.
6 ⲟⲩⲟϩ ⲉⲕⲉⲁⲓⲧⲟⲩ ⲛⲗⲁⲕϩ ⲉⲕⲉϫⲉϣ ⲛⲉϩ ⲉϩⲣⲏⲓ ⲉϫⲱⲟⲩ ⲟⲩϣⲟⲩϣⲱⲟⲩϣⲓ ⲙⲡϭⲟⲓⲥ ⲡⲉ
And thou shalt break them into fragments and pour oil upon them: it is a sacrifice to the Lord.
7 ⲉϣⲱⲡ ⲇⲉ ⲟⲩϣⲟⲩϣⲱⲟⲩϣⲓ ⲉⲃⲟⲗ ϧⲉⲛⲟⲩⲉⲥⲭⲉⲣⲁ ⲡⲉ ⲡⲉⲕⲇⲱⲣⲟⲛ ⲟⲩⲥⲉⲙⲓⲇⲁⲗⲓⲟⲛ ⲉⲩⲉⲑⲁⲙⲓⲟϥ ϧⲉⲛⲟⲩⲛⲉϩ
And if thy gift be a sacrifice from the hearth, it shall be made of fine flour with oil.
8 ⲟⲩⲟϩ ⲉϥⲉⲓⲛⲓ ⲙⲡⲓϣⲟⲩϣⲱⲟⲩϣⲓ ⲫⲏ ⲉⲧⲉϥⲛⲁⲑⲁⲙⲓⲟϥ ⲉⲃⲟⲗ ϧⲉⲛⲛⲁⲓ ⲙⲡϭⲟⲓⲥ ⲟⲩⲟϩ ⲉϥⲉⲉⲛϥ ⲙⲡⲓⲟⲩⲏⲃ ⲟⲩⲟϩ ⲁϥϣⲁⲛⲑⲣⲉϥϧⲱⲛⲧ ⲉⲡⲓⲙⲁⲛⲉⲣϣⲱⲟⲩϣⲓ
And he shall offer the sacrifice which he shall make of these to the Lord, and shall bring it to the priest.
9 ⲉϥⲉⲱⲗⲓ ⲛϫⲉⲡⲓⲟⲩⲏⲃ ⲉⲃⲟⲗ ϧⲉⲛⲡⲓϣⲟⲩϣⲱⲟⲩϣⲓ ⲙⲡⲉϥϫⲓⲛⲉⲣⲫⲙⲉⲩⲓ ⲟⲩⲟϩ ⲉⲣⲉⲡⲓⲟⲩⲏⲃ ⲉϥⲉⲧⲁⲗⲟ ⲉϫⲉⲛⲡⲓⲙⲁⲛⲉⲣϣⲱⲟⲩϣⲓ ⲛⲟⲩⲟⲩⲧⲁϩ ⲉϥϣⲏⲡ ⲟⲩⲥⲑⲟⲓ ⲛⲥⲑⲩⲛⲟⲩϥⲓ ⲙⲡϭⲟⲓⲥ ⲡⲉ
And the priest shall approach the altar, and shall take away from the sacrifice a memorial of it, and the priest shall place it on the altar: a burnt offering, a smell of sweet savour to the Lord.
10 ⲫⲏ ⲇⲉ ⲉⲧⲁϥⲥⲱϫⲡ ⲉⲃⲟⲗ ϧⲉⲛⲡⲓϣⲟⲩϣⲱⲟⲩϣⲓ ⲉϥⲉϣⲱⲡⲓ ⲛⲁⲁⲣⲱⲛ ⲛⲉⲙⲛⲉϥϣⲏⲣⲓ ⲛⲏ ⲉⲑⲟⲩⲁⲃ ⲛⲧⲉⲛⲏ ⲉⲑⲟⲩⲁⲃ ⲉⲃⲟⲗ ϧⲉⲛⲛⲓⲟⲩⲧⲁϩ ⲉⲧϣⲏⲡ ⲙⲡϭⲟⲓⲥ
And that which is left of the sacrifice shall be for Aaron and his sons, most holy from the burnt-offerings of the Lord.
11 ϣⲟⲩϣⲱⲟⲩϣⲓ ⲛⲓⲃⲉⲛ ⲉⲧⲉⲧⲉⲛⲛⲁⲉⲛⲟⲩ ⲉϧⲟⲩⲛ ⲙⲡϭⲟⲓⲥ ⲛⲛⲉⲧⲉⲛⲑⲁⲙⲓⲱⲟⲩ ⲉⲟⲩⲟⲛ ϣⲉⲙⲏⲣ ⲅⲁⲣ ⲛⲓⲃⲉⲛ ⲛⲉⲙⲉⲃⲓⲱ ⲛⲓⲃⲉⲛ ⲛⲛⲉⲧⲉⲛⲉⲛⲟⲩ ⲉϧⲟⲩⲛ ⲛⲟⲩⲟⲩⲧⲁϩ ⲉϥϣⲏⲡ ⲙⲡϭⲟⲓⲥ
Ye shall not leaven any sacrifice which ye shall bring to the Lord; for as to any leaven, or any honey, ye shall not bring of it to offer a gift to the Lord.
12 ⲉⲣⲉⲧⲉⲛⲉⲉⲛⲟⲩ ⲉϧⲟⲩⲛ ⲛⲟⲩⲇⲱⲣⲟⲛ ⲛⲧⲉⲟⲩⲁⲡⲁⲣⲭⲏ ⲙⲡϭⲟⲓⲥ ⲛⲛⲟⲩⲉⲛⲟⲩ ⲇⲉ ⲉϩⲣⲏⲓ ⲉϫⲉⲛⲡⲓⲙⲁⲛⲉⲣϣⲱⲟⲩϣⲓ ⲉⲩⲥⲑⲟⲓ ⲛⲥⲑⲩⲛⲟⲩϥⲓ ⲙⲡϭⲟⲓⲥ
Ye shall bring them in the way of fruits to the Lord, but they shall not be offered on the altar for a sweet-smelling savour to the Lord.
13 ⲟⲩⲟϩ ⲇⲱⲣⲟⲛ ⲛⲓⲃⲉⲛ ⲛⲧⲉⲛⲉⲧⲉⲛϣⲟⲩϣⲱⲟⲩϣⲓ ⲉⲩⲉⲙⲟⲗϩⲟⲩ ϧⲉⲛⲟⲩϩⲙⲟⲩ ⲟⲩⲟϩ ⲛⲛⲉϥⲙⲟⲩⲛⲕ ⲛϫⲉⲟⲩϩⲙⲟⲩ ⲛⲧⲉⲟⲩⲇⲓⲁⲑⲏⲕⲏ ⲛⲧⲉⲫⲛⲟⲩϯ ⲉⲃⲟⲗ ϩⲁⲛⲉⲧⲉⲛϣⲟⲩϣⲱⲟⲩϣⲓ ⲉϫⲉⲛⲇⲱⲣⲟⲛ ⲛⲓⲃⲉⲛ ⲛⲧⲱⲧⲉⲛ ⲉⲣⲉⲧⲉⲛⲉⲓⲛⲓ ⲉϧⲟⲩⲛ ⲛⲟⲩϩⲙⲟⲩ
And every gift of your sacrifice shall be seasoned with salt; omit not the salt of the covenant of the Lord from your sacrifices: on every gift of yours ye shall offer salt to the Lord your God.
14 ⲉϣⲱⲡ ⲇⲉ ⲉⲕⲛⲁⲓⲛⲓ ⲉϧⲟⲩⲛ ⲛⲟⲩϣⲟⲩϣⲱⲟⲩϣⲓ ⲙⲡϭⲟⲓⲥ ⲉⲃⲟⲗ ϧⲉⲛϩⲏ ⲛⲧⲉⲛⲉⲕⲟⲩⲧⲁϩ ϩⲁⲛⲃⲉⲣⲓ ⲉⲩϫⲏϫ ⲉⲩⲫⲟⲣϫ ⲉⲩϫⲏϫ ⲙⲡϭⲟⲓⲥ ⲟⲩⲟϩ ⲉⲕⲉⲓⲛⲓ ⲉϧⲟⲩⲛ ⲙⲡⲓϣⲟⲣⲡ ⲛϣⲟⲩϣⲱⲟⲩϣⲓ ⲛⲧⲉⲛⲓϣⲟⲣⲡ ⲛⲟⲩⲧⲁϩ
And if thou wouldest offer a sacrifice of first-fruits to the Lord, it shall be new grains ground and roasted for the Lord; so shalt thou bring the sacrifice of the first-fruits.
15 ⲟⲩⲟϩ ⲉⲕⲉϫⲱϣ ⲛⲟⲩⲛⲉϩ ⲉϩⲣⲏⲓ ⲉϫⲱϥ ⲟⲩⲟϩ ⲉⲕⲉⲭⲱ ⲛⲟⲩⲗⲩⲃⲁⲛⲟⲥ ⲉϩⲣⲏⲓ ⲉϫⲱϥ ⲟⲩϣⲟⲩϣⲱⲟⲩϣⲓ ⲡⲉ
And thou shalt pour oil upon it, and shalt put frankincense on it: it is a sacrifice.
16 ⲟⲩⲟϩ ⲉϥⲉⲓⲛⲓ ⲙⲡⲉϥⲙⲉⲩⲓ ⲉϩⲣⲏⲓ ⲛϫⲉⲡⲓⲟⲩⲏⲃ ⲉⲃⲟⲗ ϧⲉⲛⲛⲉⲧⲫⲟⲣϫ ⲛⲉⲙⲡⲓⲛⲉϩ ⲛⲉⲙⲡⲓⲗⲩⲃⲁⲛⲟⲥ ⲧⲏⲣϥ ⲟⲩⲟⲩⲧⲁϩ ⲉϥϣⲏⲡ ⲙⲡϭⲟⲓⲥ ⲡⲉ
And the priest shall offer the memorial of it taken from the grains with the oil, and all its frankincense: it is a burnt-offering to the Lord.