1 ⲟⲩⲟϩ ⲁ ⲡϭⲟⲓⲥ ⲟⲩⲁϩⲉⲙ ⲙⲟⲩϯ ⲉⲙⲱⲩⲥⲏⲥ ⲟⲩⲟϩ ⲁϥⲥⲁϫⲓ ⲛⲉⲙⲁϥ ⲉⲃⲟⲗ ϧⲉⲛϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ ⲉⲩϫⲱ ⲙⲙⲟⲥ
And the Lord called Moses again and spoke to him out of the tabernacle of witness, saying, Speak to the children of Israel, and thou shalt say to them,
2 ϫⲉⲥⲁϫⲓ ⲛⲉⲙⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲟⲩⲟϩ ⲉⲕⲉϫⲟⲥ ⲛⲱⲟⲩ ϫⲉⲡⲓⲣⲱⲙⲓ ⲉⲃⲟⲗ ϧⲉⲛⲑⲏⲛⲟⲩ ⲉϣⲱⲡ ⲁϥϣⲁⲛⲓⲛⲓ ⲛϩⲁⲛⲇⲱⲣⲟⲛ ⲉϧⲟⲩⲛ ⲙⲡϭⲟⲓⲥ ⲉⲃⲟⲗ ϧⲉⲛⲛⲓⲧⲉⲃⲛⲱⲟⲩⲓ ⲛⲉⲙⲉⲃⲟⲗ ϧⲉⲛⲛⲓⲉϩⲱⲟⲩ ⲛⲉⲙⲉⲃⲟⲗ ϧⲉⲛⲛⲓⲉⲥⲱⲟⲩ ⲉⲣⲉⲧⲉⲛⲉⲓⲛⲓ ⲛⲛⲉⲧⲉⲛⲇⲱⲣⲟⲛ
If any man of you shall bring gifts to the Lord, ye shall bring your gifts of the cattle and of the oxen and of the sheep.
3 ⲉϣⲱⲡ ⲇⲉ ⲟⲩϭⲗⲓⲗ ⲛϫⲟϥϫⲉϥ ⲡⲉ ⲡⲉϥⲇⲱⲣⲟⲛ ⲉⲃⲟⲗ ϧⲉⲛⲛⲓⲉϩⲱⲟⲩ ⲟⲩϩⲱⲟⲩⲧ ⲛⲁⲧⲁϭⲛⲓ ⲉϥⲉⲉⲛϥ ⲉϩⲣⲏⲓ ϩⲓⲣⲉⲛⲫⲣⲟ ⲛϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ ⲉϥⲉⲉⲛϥ ⲉϧⲟⲩⲛ ⲉϥⲣⲁⲛⲁϥ ⲙⲡⲉⲙⲑⲟ ⲙⲡϭⲟⲓⲥ
If his gift be a whole-burnt-offering, he shall bring an unblemished male of the herd to the door of the tabernacle of witness, he shall bring it as acceptable before the Lord.
4 ⲟⲩⲟϩ ⲉϥⲉⲧⲁⲗⲟ ⲛⲛⲉϥϫⲓϫ ⲉϩⲣⲏⲓ ⲉϫⲉⲛⲧⲁⲫⲉ ⲛⲧⲉⲡⲓϭⲗⲓⲗ ⲉϥϣⲏⲡ ⲛⲁϥ ⲉϥⲉⲓ ⲉϩⲣⲏⲓ ⲉϫⲱϥ
And he shall lay his hand on the head of the burnt-offering as a thing acceptable for him, to make atonement for him.
5 ⲟⲩⲟϩ ⲉⲩⲉⲓⲛⲓ ⲙⲡⲓⲙⲁⲥⲓ ⲙⲡⲉⲙⲑⲟ ⲙⲡϭⲟⲓⲥ ⲟⲩⲟϩ ⲉⲣⲉⲛⲉⲛϣⲏⲣⲓ ⲛⲁⲁⲣⲱⲛ ⲛⲓⲟⲩⲏⲃ ⲉⲩⲉⲓⲛⲓ ⲙⲡⲓⲥⲛⲟϥ ⲉϧⲟⲩⲛ ⲟⲩⲟϩ ⲉⲩⲉϫⲱϣ ⲙⲡⲓⲥⲛⲟϥ ⲉϫⲉⲛⲡⲓⲙⲁⲛⲉⲣϣⲱⲟⲩϣⲓ ⲉϥⲕⲱϯ ⲫⲏ ⲉⲧⲭⲏ ϩⲓⲣⲉⲛⲛⲓⲣⲱⲟⲩ ⲛⲧⲉϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ
And they shall slay the calf before the Lord; and the sons of Aaron the priests shall bring the blood, and they shall pour the blood round about on the altar, which is at the doors of the tabernacle of witness.
6 ⲉⲩⲉϧⲓϯ ⲙⲡⲓϭⲗⲓⲗ ⲟⲩⲟϩ ⲉⲩⲉⲁⲓϥ ⲙⲙⲉⲗⲟⲥ ⲙⲉⲗⲟⲥ ⲕⲁⲧⲁⲙⲉⲣⲟⲥ
And having flayed the whole burnt-offering, they shall divide it by its limbs.
7 ⲟⲩⲟϩ ⲉⲣⲉⲛⲉⲛϣⲏⲣⲓ ⲛⲁⲁⲣⲱⲛ ⲛⲓⲟⲩⲏⲃ ⲉⲩⲉⲧⲁⲗⲉ ⲭⲣⲱⲙ ⲉϩⲣⲏⲓ ⲉϫⲉⲛⲡⲓⲙⲁⲛⲉⲣϣⲱⲟⲩϣⲓ ⲟⲩⲟϩ ⲉⲩⲉⲥⲁⲧ ⲣⲟⲕϩ ⲉϩⲣⲏⲓ ⲉϫⲉⲛⲡⲓⲭⲣⲱⲙ
And the sons of Aaron the priests shall put fire on the altar, and shall pile wood on the fire.
8 ⲟⲩⲟϩ ⲉⲣⲉⲛⲉⲛϣⲏⲣⲓ ⲛⲁⲁⲣⲱⲛ ⲛⲓⲟⲩⲏⲃ ⲉⲩⲉⲧⲁⲗⲟ ⲛⲛⲓⲥⲱⲙⲁ ⲉⲧⲫⲏϣ ⲛⲉⲙϯⲁⲫⲉ ⲛⲉⲙⲡⲓⲱⲧ ⲉϫⲉⲛⲛⲓⲣⲟⲕϩ ⲛⲏ ⲉⲧⲭⲏ ϩⲓϫⲉⲛⲡⲓⲭⲣⲱⲙ ⲛⲏ ⲉⲧⲭⲏ ϩⲓϫⲉⲛⲡⲓⲙⲁⲛⲉⲣϣⲱⲟⲩϣⲓ
And the sons of Aaron the priests shall pile up the divided parts, and the head, and the fat on the wood on the fire, the wood which is on the altar.
9 ⲛⲏ ⲉⲧⲉⲛϧⲏⲧϥ ⲇⲉ ⲛⲉⲙⲛⲓϭⲁⲗⲁⲩϫ ⲉⲩⲉⲓⲁⲩ ⲉⲃⲟⲗ ϧⲉⲛⲟⲩⲙⲱⲟⲩ ⲟⲩⲟϩ ⲉⲣⲉⲡⲓⲟⲩⲏⲃ ⲉϥⲉⲧⲁⲗⲟ ⲛϩⲱⲃ ⲛⲓⲃⲉⲛ ⲉϫⲉⲛⲡⲓⲙⲁⲛⲉⲣϣⲱⲟⲩϣⲓ ⲟⲩϭⲗⲓⲗ ⲡⲉ ⲡⲉϥϣⲟⲩϣⲱⲟⲩϣⲓ ⲟⲩⲥⲑⲟⲓ ⲛⲥⲑⲩⲛⲟⲩϥⲓ ⲙⲡϭⲟⲓⲥ
And the entrails and the feet they shall wash in water, and the priests shall put all on the altar: it is a burnt-offering, a sacrifice, a smell of sweet savour to the Lord.
10 ⲉϣⲱⲡ ⲇⲉ ⲟⲩ ⲉⲃⲟⲗ ϧⲉⲛⲛⲓⲉⲥⲱⲟⲩ ⲡⲉ ⲡⲉϥⲇⲱⲣⲟⲛ ⲙⲡϭⲟⲓⲥ ⲉⲃⲟⲗ ϧⲉⲛⲛⲓϩⲓⲏⲃ ⲛⲉⲙⲉⲃⲟⲗ ϧⲉⲛⲛⲓⲃⲁⲙⲡⲓ ⲉⲩϭⲗⲓⲗ ⲛϫⲟϥϫⲉϥ ⲟⲩⲃⲁⲣⲏⲓⲧ ⲛⲁⲧⲁϭⲛⲓ ⲉϥⲉϧⲟⲛⲧϥ ⲉϧⲟⲩⲛ
And if his gift be of the sheep to the Lord, or of the lambs, or of the kids for whole-burnt-offerings, he shall bring it a male without blemish.
11 ⲟⲩⲟϩ ⲉϥⲉⲧⲁⲗⲟ ⲛⲛⲉϥϫⲓϫ ⲉϩⲣⲏⲓ ⲉϫⲉⲛⲧⲉϥⲁⲫⲉ ⲟⲩⲟϩ ⲉϥⲉϧⲉⲗϧⲱⲗϥ ⲥⲁ ⲡⲓⲥⲫⲓⲣ ⲙⲡⲓⲙⲁⲛⲉⲣϣⲱⲟⲩϣⲓ ⲥⲁ ⲡⲉⲙϩⲓⲧ ⲙⲡⲓⲙⲁⲛⲉⲣϣⲱⲟⲩϣⲓ ⲙⲡⲉⲙⲑⲟ ⲙⲡϭⲟⲓⲥ ⲟⲩⲟϩ ⲛⲉⲛϣⲏⲣⲓ ⲛⲁⲁⲣⲱⲛ ⲛⲓⲟⲩⲏⲃ ⲉⲩⲉϫⲱϣ ⲙⲡⲓⲥⲛⲟϥ ⲉϫⲉⲛⲡⲓⲙⲁⲛⲉⲣϣⲱⲟⲩϣⲓ ⲉϥⲕⲱϯ
And he shall lay his hand on its head; and they shall kill it by the side of the altar, toward the north before the Lord, and the sons of Aaron the priests shall pour its blood on the altar round about.
12 ⲟⲩⲟϩ ⲉⲩⲉⲁⲓϥ ⲕⲁⲧⲁⲙⲉⲗⲟⲥ ⲟⲩⲟϩ ϯⲁⲫⲉ ⲛⲉⲙⲡⲉϥⲱⲧ ⲉⲩⲉⲥⲁⲧⲟⲩ ⲛϫⲉⲛⲓⲟⲩⲏⲃ ⲉϩⲣⲏⲓ ⲉϫⲉⲛⲛⲓⲣⲱⲕϩ ⲛⲏ ⲉⲧⲭⲏ ϩⲓϫⲉⲛⲡⲓⲭⲣⲱⲙ ⲛⲏ ⲉⲧⲭⲏ ϩⲓϫⲉⲛⲡⲓⲙⲁⲛⲉⲣϣⲱⲟⲩϣⲓ
And they shall divide it by its limbs, and its head and its fat, and the priests shall pile them up on the wood which is on the fire, on the altar.
13 ⲟⲩⲟϩ ⲛⲏ ⲉⲧⲉⲛϧⲏⲧϥ ⲛⲉⲙⲛⲓϭⲁⲗⲁⲩϫ ⲉⲩⲉⲓⲁⲩ ϧⲉⲛⲟⲩⲙⲱⲟⲩ ⲟⲩⲟϩ ⲉⲣⲉⲡⲓⲟⲩⲏⲃ ⲉϥⲉⲉⲛ ϩⲱⲃ ⲛⲓⲃⲉⲛ ⲟⲩⲟϩ ⲉϥⲉⲧⲁⲗⲱⲟⲩ ⲉϫⲉⲛⲡⲓⲙⲁⲛⲉⲣϣⲱⲟⲩϣⲓ ⲟⲩⲟⲩⲧⲁϩ ⲉϥϣⲏⲡ ⲡⲉ ⲛⲟⲩϣⲟⲩϣⲱⲟⲩϣⲓ ⲉⲩⲥⲑⲟⲓ ⲛⲥⲑⲩⲛⲟⲩϥⲓ ⲙⲡϭⲟⲓⲥ
And they shall wash the entrails and the feet with water, and the priest shall bring all the parts and put them on the altar: it is a burnt-offering, a sacrifice, a smell of sweet savour to the Lord.
14 ⲉϣⲱⲡ ⲇⲉ ⲉⲃⲟⲗ ϧⲉⲛⲛⲓϩⲁⲗⲁϯ ⲉϥⲛⲁⲓⲛⲓ ⲛⲟⲩⲇⲱⲣⲟⲛ ⲛϭⲗⲓⲗ ⲉϧⲟⲩⲛ ⲙⲡϭⲟⲓⲥ ⲉϥⲉⲓⲛⲓ ⲉϧⲟⲩⲛ ⲉⲃⲟⲗ ϧⲉⲛⲛⲓϭⲣⲟⲙⲡϣⲁⲗ ⲓⲉ ⲉⲃⲟⲗ ϧⲉⲛⲛⲓϭⲣⲟⲙⲡⲓ ⲙⲡⲉϥⲇⲱⲣⲟⲛ
And if he bring his gift, a burnt-offering to the Lord, of birds, then shall he bring his gift of doves or pigeons.
15 ⲟⲩⲟϩ ⲉϥⲉⲉⲛϥ ⲛϫⲉⲡⲓⲟⲩⲏⲃ ϧⲁⲧⲉⲛⲡⲓⲙⲁⲛⲉⲣϣⲱⲟⲩϣⲓ ⲟⲩⲟϩ ⲉϥⲉⲫⲱⲣϫ ⲛⲧⲉϥⲁⲫⲉ ⲉϥⲉⲧⲁⲗⲟⲥ ⲉϫⲉⲛⲡⲓⲙⲁⲛⲉⲣϣⲱⲟⲩϣⲓ ⲟⲩⲟϩ ⲉϥⲉⲧⲉⲗⲧⲉⲗ ⲥⲛⲟϥ ϧⲁⲧⲉⲛϯⲃⲁⲥⲓⲥ ⲛⲧⲉⲡⲓⲙⲁⲛⲉⲣϣⲱⲟⲩϣⲓ
And the priest shall bring it to the altar, and shall wring off its head; and the priest shall put it on the altar, and shall wring out the blood at the bottom of the altar.
16 ⲟⲩⲟϩ ⲉϥⲉⲱⲗⲓ ⲙⲡⲓⲗⲟⲃⲟⲥ ⲛⲉⲙⲛⲓⲙⲉϩⲓ ⲟⲩⲟϩ ⲉϥⲉϩⲓⲧⲟⲩ ⲉⲃⲟⲗ ϧⲁⲧⲉⲛⲡⲓⲙⲁⲛⲉⲣϣⲱⲟⲩϣⲓ ⲥⲁ ⲡⲉⲓⲉⲃⲧ ⲙⲡⲓⲙⲁ ⲛⲧⲉϯⲕⲉⲣⲙⲓ
And he shall take away the crop with the feathers, and shall cast it forth by the altar toward the east to the place of the ashes.
17 ⲟⲩⲟϩ ⲉϥⲉⲕⲟⲣϫϥ ⲉⲃⲟⲗ ϧⲉⲛⲛⲉϥⲧⲉⲛϩ ⲟⲩⲟϩ ⲛⲛⲉϥⲫⲁϣϥ ⲟⲩⲟϩ ⲉϥⲉⲧⲁⲗⲟϥ ⲉϫⲉⲛⲡⲓⲙⲁⲛⲉⲣϣⲱⲟⲩϣⲓ ⲛϫⲉⲡⲓⲟⲩⲏⲃ ⲉϫⲉⲛⲛⲓⲣⲟⲕϩ ⲉⲧⲭⲏ ϩⲓϫⲉⲛⲡⲓⲭⲣⲱⲙ ⲟⲩⲟⲩⲧⲁϩ ⲡⲉ ⲉϥϣⲏⲡ ⲟⲩϣⲟⲩϣⲱⲟⲩϣⲓ ⲉⲩⲥⲑⲟⲓ ⲛⲥⲑⲩⲛⲟⲩϥⲓ ⲉϥϣⲏⲡ ⲙⲡϭⲟⲓⲥ
And he shall break it off from the wings and shall not separate it, and the priest shall put it on the altar on the wood which is on the fire: it is a burnt-offering, a sacrifice, a sweet-smelling savour to the Lord.