1 ⲟⲩⲟϩ ⲁϥⲥⲁϫⲓ ⲛϫⲉⲡϭⲟⲓⲥ ⲟⲩⲃⲉ ⲙⲱⲩⲥⲏⲥ ⲉϥϫⲱ ⲙⲙⲟⲥ
And the Lord spoke to Moses, saying,
2 ϫⲉϩⲏⲡⲡⲉ ⲁⲓⲙⲟⲩϯ ⲉⲫⲣⲁⲛ ⲙⲃⲉⲥⲉⲗⲉⲏⲗ ⲫⲁ ⲟⲩⲣⲓ ⲡϣⲏⲣⲓ ⲛⲱⲣ ⲉⲃⲟⲗ ϧⲉⲛϯⲫⲩⲗⲏ ⲛⲓⲟⲩⲇⲁ
Behold, I have called by name Beseleel the son of Urias the son of Or, of the tribe of Juda.
3 ⲟⲩⲟϩ ⲁⲓⲙⲁϩϥ ⲙⲡⲛⲉⲩⲙⲁ ⲛⲧⲉⲫⲛⲟⲩϯ ⲛⲧⲉⲟⲩⲥⲟⲫⲓⲁ ⲛⲉⲙⲟⲩⲕⲁϯ ⲛⲉⲙⲟⲩⲉⲡⲓⲥⲧⲏⲙⲏ ⲉⲑⲣⲉϥⲕⲁϯ ⲉϩⲱⲃ ⲛⲓⲃⲉⲛ
And I have filled him with a divine spirit of wisdom, and understanding, and knowledge, to invent in every work,
4 ⲟⲩⲟϩ ⲉⲉⲣⲁⲣⲭⲏⲧⲉⲕⲧⲱⲛ ⲉⲉⲣϩⲱⲃ ⲙⲡⲓⲛⲟⲩⲃ ⲛⲉⲙⲡⲓϩⲁⲧ ⲛⲉⲙⲡⲓϩⲟⲙⲧ ⲛⲉⲙⲡⲓϩⲩⲁⲕⲓⲛⲑⲓⲛⲟⲛ ⲛⲉⲙⲡⲓϭⲏϫⲓ ⲛⲉⲙⲡⲓⲕⲟⲕⲕⲟⲥ ⲉⲧⲉⲣϩⲓⲏⲃ ⲛⲉⲙⲡⲓϣⲉⲛⲥ ⲉⲧⲥⲁϯ
and to frame works, to labour in gold, and silver, and brass, and blue, and purple, and spun scarlet,
5 ⲛⲉⲙⲛⲓⲓⲉⲃ ⲛⲱⲛⲓ ⲉⲛⲓϩⲃⲏⲟⲩⲓ ⲛⲉⲙⲛⲓⲓⲉⲃ ⲛⲁⲙϣⲉ ⲛⲧⲉⲛⲓϣⲉ ⲉⲉⲣϩⲱⲃ ⲕⲁⲧⲁⲛⲓϩⲃⲏⲟⲩⲓ ⲧⲏⲣⲟⲩ
and works in stone, and for artificers' work in wood, to work at all works.
6 ⲟⲩⲟϩ ⲁⲛⲟⲕ ⲡⲉ ⲉⲧⲁⲓⲧⲏⲓϥ ⲛⲉⲙⲉⲗⲓⲁⲃ ⲫⲏ ⲛⲧⲉⲁⲭⲓⲥⲁⲙⲁⲭ ⲉⲃⲟⲗ ϧⲉⲛⲧⲫⲩⲗⲏ ⲛⲇⲁⲛ ⲟⲩⲟϩ ⲟⲩⲟⲛ ⲛⲓⲃⲉⲛ ⲉⲧⲟⲓ ⲛⲕⲁⲧϩⲏⲧ ⲁⲓϯ ⲛⲁϥ ⲛⲟⲩⲕⲁϯ ⲟⲩⲟϩ ⲉⲩⲉⲑⲁⲙⲓⲟ ⲛϩⲱⲃ ⲛⲓⲃⲉⲛ ⲉⲧⲁⲓϩⲉⲛϩⲱⲛⲕ ⲉⲣⲱⲟⲩ
And I have appointed him and Eliab the son of Achisamach of the tribe of Dan, and to every one understanding in heart I have given understanding; and they shall make all things as many as I have appointed thee,
7 ϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ ⲛⲉⲙϯⲕⲓⲃⲱⲧⲟⲥ ⲛⲧⲉϯⲇⲓⲁⲑⲏⲕⲏ ⲛⲉⲙⲡⲓⲓⲗⲁⲥⲧⲏⲣⲓⲟⲛ ⲉⲧⲭⲏ ϩⲓϫⲱⲥ ⲛⲉⲙϯⲇⲓⲁⲥⲕⲉⲩⲏ ⲛⲧⲉϯⲥⲕⲩⲛⲏ
the tabernacle of witness, and the ark of the covenant, and the propitiatory that is upon it, and the furniture of the tabernacle,
8 ⲛⲉⲙⲡⲓⲙⲁⲛⲉⲣϣⲱⲟⲩϣⲓ ⲛⲉⲙϯⲧⲣⲁⲡⲉⲍⲁ ⲛⲉⲙⲛⲉⲥⲥⲕⲉⲩⲟⲥ ⲧⲏⲣⲟⲩ ⲛⲉⲙϯⲗⲩⲭⲛⲓⲁ ⲉⲑⲟⲩⲁⲃ ⲛⲉⲙⲛⲉⲥⲥⲕⲉⲩⲟⲥ ⲧⲏⲣⲟⲩ
and the altars, and the table and all its furniture,
9 ⲛⲉⲙⲡⲓⲗⲟⲩⲧⲏⲣ ⲛⲉⲙⲧⲉϥⲃⲁⲥⲓⲥ
and the pure candlestick and all its furniture, and the laver and its base,
10 ⲛⲉⲙⲛⲓⲥⲧⲟⲗⲏ ⲙⲫⲱϣⲉⲛ ⲛⲧⲉⲁⲁⲣⲱⲛ ⲛⲉⲙⲛⲓⲥⲧⲟⲗⲏ ⲛⲧⲉⲛⲉϥϣⲏⲣⲓ ⲉⲑⲣⲟⲩⲉⲣⲟⲩⲏⲃ ⲛⲏⲓ
and Aaron's robes of ministry, and the robes of his sons to minister to me as priests,
11 ⲛⲉⲙⲡⲓⲛⲉϩ ⲛⲧⲉⲡⲓⲑⲱϩⲥ ⲛⲉⲙⲡⲓⲥⲑⲟⲓⲛⲟⲩϥⲓ ⲛⲧⲉⲡⲓⲥⲉⲙⲛⲓ ⲛⲧⲉⲡⲉⲑⲟⲩⲁⲃ ⲕⲁⲧⲁϩⲱⲃ ⲛⲓⲃⲉⲛ ⲉϯⲛⲁϩⲟⲛϩⲉⲛ ⲙⲙⲟⲕ ⲉⲣⲱⲟⲩ ⲁⲛⲟⲕ ⲉⲩⲉⲑⲁⲙⲓⲱⲟⲩ
and the anointing oil and the compound incense of the sanctuary; according to all that I have commanded thee shall they make them.
12 ⲟⲩⲟϩ ⲁϥⲥⲁϫⲓ ⲛϫⲉⲡϭⲟⲓⲥ ⲟⲩⲃⲉ ⲙⲱⲩⲥⲏⲥ ⲉϥϫⲱ ⲙⲙⲟⲥ
And the Lord spoke to Moses, saying,
13 ϫⲉⲟⲩⲟϩ ⲛⲑⲟⲕ ⲥⲁϫⲓ ⲛⲉⲙⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲕϫⲱ ⲙⲙⲟⲥ ϫⲉⲁⲛⲁⲩ ⲟⲩⲟϩ ⲛⲁⲥⲁⲃⲃⲁⲧⲟⲛ ⲁⲣⲉϩ ⲉⲣⲱⲟⲩ ⲟⲩⲙⲏⲓⲛⲓ ⲅⲁⲣ ⲉⲃⲟⲗ ϩⲓⲧⲟⲧⲡⲉ ⲛⲉⲙϧⲉⲛⲑⲏⲛⲟⲩ ϣⲁⲛⲉⲧⲉⲛⲅⲉⲛⲉⲁ ϩⲓⲛⲁ ⲛⲧⲉⲧⲉⲛⲉⲙⲓ ϫⲉⲁⲛⲟⲕ ⲡⲉ ⲡϭⲟⲓⲥ ⲫⲛⲟⲩϯ ⲫⲏ ⲉⲧⲧⲟⲩⲃⲟ ⲙⲙⲱⲧⲉⲛ
Do thou also charge the children of Israel, saying, Take heed and keep my sabbaths; for they are a sign with me and among you throughout your generations, that ye may know that I am the Lord that sanctifies you.
14 ⲟⲩⲟϩ ⲉⲣⲉⲧⲉⲛⲉⲁⲣⲉϩ ⲉⲡⲁⲥⲁⲃⲃⲁⲧⲟⲛ ϫⲉⲫⲁⲓ ϥⲟⲩⲁⲃ ⲙⲡϭⲟⲓⲥ ⲛⲉⲙϧⲉⲛⲑⲏⲛⲟⲩ ⲫⲏ ⲉⲑⲛⲁⲥⲟϥϥ ⲉϥⲉⲙⲟⲩ ⲙⲫⲙⲟⲩ ⲟⲩⲟⲛ ⲛⲓⲃⲉⲛ ⲉⲑⲛⲁⲓⲣⲓ ⲛⲟⲩϩⲱⲃ ⲛϧⲏⲧϥ ⲉⲩⲉϥⲱϯ ⲛϯⲯⲩⲭⲏ ⲉⲧⲉⲙⲙⲁⲩ ⲉⲃⲟⲗ ϧⲉⲛⲡⲉⲥⲗⲁⲟⲥ
And ye shall keep the sabbaths, because this is holy to the Lord for you; he that profanes it shall surely be put to death: every one who shall do a work on it, that soul shall be destroyed from the midst of his people.
15 ⲋ ⲛⲉϩⲟⲟⲩ ⲉⲕⲉⲓⲣⲓ ⲛϩⲁⲛϩⲃⲏⲟⲩⲓ ⲡⲓⲉϩⲟⲟⲩ ⲇⲉ ⲙⲙⲁϩ ⲍ ϩⲁⲛⲥⲁⲃⲃⲁⲧⲟⲛ ⲛⲉ ⲙⲧⲟⲛ ⲉϥⲟⲩⲁⲃ ⲙⲡϭⲟⲓⲥ ⲟⲩⲟⲛ ⲛⲓⲃⲉⲛ ⲉⲑⲛⲁⲓⲣⲓ ⲛⲟⲩϩⲱⲃ ϧⲉⲛⲡⲓⲉϩⲟⲟⲩ ⲛⲧⲉⲡⲓⲥⲁⲃⲃⲁⲧⲟⲛ ⲉϥⲉⲙⲟⲩ ⲙⲫⲙⲟⲩ
Six days thou shalt do works, but the seventh day is the sabbath, a holy rest to the Lord; every one who shall do a work on the seventh day shall be put to death.
16 ⲟⲩⲟϩ ⲉⲩⲉⲁⲣⲉϩ ⲛϫⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲛⲓⲥⲁⲃⲃⲁⲧⲟⲛ ⲉⲑⲣⲟⲩⲁⲓⲧⲟⲩ ϧⲉⲛⲛⲟⲩⲅⲉⲛⲉⲁ ⲟⲩⲇⲓⲁⲑⲏⲕⲏ ⲛⲉⲛⲉϩ ⲧⲉ
And the children of Israel shall keep the sabbaths, to observe them throughout their generations.
17 ⲛϧⲣⲏⲓ ⲛϧⲏⲧ ⲛⲉⲙⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲟⲩⲙⲏⲓⲛⲓ ⲛⲉⲛⲉϩ ⲡⲉ ϫⲉϧⲉⲛⲋ ⲛⲉϩⲟⲟⲩ ⲁ ⲡϭⲟⲓⲥ ⲑⲁⲙⲓⲟ ⲛⲧⲫⲉ ⲛⲉⲙⲡⲓⲕⲁϩⲓ ⲟⲩⲟϩ ϧⲉⲛⲡⲓⲉϩⲟⲟⲩ ⲙⲙⲁϩ ⲍ ⲁϥⲕⲏⲛ ⲟⲩⲟϩ ⲁϥⲙⲧⲟⲛ ⲙⲙⲟϥ
It is a perpetual covenant with me and the children of Israel, it is a perpetual sign with me; for in six days the Lord made the heaven and the earth, and on the seventh day he ceased, and rested.
18 ⲟⲩⲟϩ ⲁϥϯ ⲙⲡⲓⲛⲟⲙⲟⲥ ⲙⲙⲱⲩⲥⲏⲥ ⲉⲧⲁϥⲕⲏⲛ ⲉϥⲥⲁϫⲓ ⲛⲉⲙⲁϥ ϧⲉⲛⲡⲓⲧⲱⲟⲩ ⲛⲥⲓⲛⲁ ⲟⲩⲟϩ ϯⲡⲗⲁⲝ ⲃϯ ⲛⲧⲉϯⲙⲉⲧⲙⲉⲑⲣⲉ ϩⲁⲛⲡⲗⲁⲝ ⲛⲱⲛⲓ ⲉⲩⲥϧⲏⲟⲩⲧ ϧⲉⲛⲡⲓⲧⲏⲃ ⲛⲧⲉⲫⲛⲟⲩϯ
And he gave to Moses when he left off speaking to him in mount Sina the two tables of testimony, tables of stone written upon with the finger of God.