1 ϫⲉⲁⲟⲩⲥⲧⲁⲥⲓⲥ ϣⲱⲡⲉ .
…
2 ⲡⲉϫⲁⲩ ⲛⲁϥ ⲟⲛ · ϫⲉ ⲁⲛⲟⲛ ⲧⲉⲛⲥⲟⲟⲩⲛ ϫⲉⲟⲩⲇⲓⲕⲁⲓⲟⲥ ⲡⲉ ⲡⲉⲓⲣⲱⲙⲉ ·
…
3 ⲛⲧⲟⲟⲩ ϩⲱⲱⲟⲩ ⲥⲉⲣⲱϣⲉ ·
…
4 ⲁⲡⲓⲗⲁⲧⲟⲥ ⲇⲉ ⲙⲟⲩⲧⲉ ⲉⲡⲙⲏⲏϣⲉ ⲧⲏⲣϥ ⲛⲛⲓⲟⲩⲇⲁⲓ ·
…
5 ⲡⲉϫⲁϥ ⲛⲁⲩ ϫⲉⲟⲩⲛⲧⲏⲧⲛ ⲙⲙⲁⲩ ⲛⲟⲩⲛⲟⲙⲟⲥ ϫⲉⲕⲁⲥ ⲉⲓⲉⲕⲁⲟⲩⲁ · ⲛⲏⲧⲛ ⲉⲃⲟⲗ ⲕⲁⲧⲁϣⲁ ·
…
6 ⲟⲩⲛⲧⲏⲧⲛ ⲅⲁⲣ ⲙⲙⲁⲩ ⲛⲟⲩⲁ ⲉϥⲙⲏⲣ ⲉⲩⲫⲟⲛⲉⲩⲥ ⲡⲉ · ⲉϣⲁⲩⲙⲟⲩⲧⲉ ⲉⲡⲉϥⲣⲁⲛ ϫⲉⲃⲁⲣⲁⲃⲃⲁⲥ ·
…
7 ⲙⲛⲓⲏⲥⲟⲩⲥ ⲡⲁⲓ ⲉⲧⲁϩⲉⲣⲁⲧϥ ⲙⲡⲉⲧⲛⲙⲧⲟ ⲉⲃⲟⲗ ⲡⲁⲓ ⲉⲧⲙⲡⲓϩⲉ ⲉⲗⲁⲁⲩ ⲛⲗⲟⲓϭⲉ ⲙⲙⲟⲩ ⲉϩⲟⲩⲛ ⲉⲉⲣⲟϥ · ⲉⲧⲉⲧⲛⲟⲩⲱϣ ⲉⲧⲣⲁⲕⲁⲛⲓⲙ ⲛⲏⲧⲉⲛ ⲻ ⲉⲃⲟⲗ ⲙⲡⲉⲓⲥⲛⲁⲩ .
…
8 ⲁⲩⲱϣ ⲉⲃⲟⲗ ϫⲉⲕⲁⲃⲁⲣⲁⲃⲃⲁⲥ · ⲻ ⲛⲁⲛ ⲉⲃⲟⲗ .
…
9 ⲡⲉϫⲁϥ ⲛⲁⲩ ⲟⲛ ϫⲉⲧⲁⲣeⲣⲟⲩ ϭⲉ ⲛⲓⲏⲥⲟⲩⲥ ⲡⲉⲧⲟⲩⲙⲟⲩⲧⲉ ⲉⲣⲟϥ ϫⲉⲡⲉⲭⲣⲓⲥⲧⲟⲥ .
…
10 ⲡⲉϫⲁⲩ ⲛⲁϥ ϫⲉⲥⲧⲁⲩⲣⲟⲩ ⲙⲻⲙⲟϥ ⁘··ⲻ ϩⲉⲛⲕⲟⲟⲩⲉ ϭⲉ ⲉⲃⲟⲗ ϩⲛⲛⲓⲟⲩⲇⲁⲓ ⲛⲉⲩϫⲱ ⲙⲙⲟⲥ ϫⲉⲉⲕϣⲁⲛⲕⲁⲡⲁⲓ ⲉⲃⲟⲗ ⲛⲧⲉⲕⲡⲉϣⲃⲏⲣ ⲁⲛ ⲙⲡⲣⲣⲟ · ϫⲉⲁϥϫⲟⲟⲥ ϫⲉⲁⲛⲅⲟⲩϣⲏⲣⲉ ⲛⲛⲟⲩⲧⲉ
…
11 ⲁⲩⲱ ⲟⲛ ϫⲉⲁⲛⲅⲟⲩⲉⲣⲣⲟ ·
…
12 ⲧⲁⲭⲁ ⲣⲱ ⲉⲕⲟⲩⲉϣⲡⲁⲓ ⲉⲧⲣⲉϥⲉⲣ ⲉⲣⲟ ⲉϩⲣⲁⲓ ⲉϫⲱⲛ ⲉϩⲟⲩⲉ ⲡⲣⲣⲟ ⲻ ⲕⲁⲓⲥⲁⲣ ⁘ⲻ ⲁϥϭⲱⲛⲧ ⲛϭⲓⲡⲓⲗⲁⲧⲟⲥ ·
…
13 ⲡⲉϫⲁϥ ⲛⲛⲓⲟⲩⲇⲁⲓ · ϫⲉⲁⲗⲏⲑⲱⲥ ⲡⲉⲧⲛϩⲉⲑⲛⲟⲥ ⲥⲧⲁⲥⲓⲁⲍⲉ ⲛⲟⲩⲟⲉⲓϣ ⲛⲓⲙ ·
…
14 ⲁⲩⲱ ⲧⲉⲧⲛⲁⲛⲧⲉⲓⲗⲉⲓⲅⲉ ⲛⲛⲉⲧⲉⲣⲡⲉⲧⲛⲁⲛⲟⲩϥ ⲛⲏⲧⲛ ⁘·ⲻ
…
15 ⲡⲉϫⲁⲩ ⲛϭⲓⲛⲓⲟⲩⲇⲁⲓ ϫⲉⲁϣ ⲛⲛⲡⲉⲧⲛⲁⲛⲟⲩⲟⲩ ⲻ
…
16 ⲡⲉϫⲁϥ ⲛⲁⲩ ϫⲉⲡⲉⲧⲛⲛⲟⲩⲧⲉ ⲁϥⲛⲧⲏⲩⲧⲛ ⲉⲃⲟⲗ ϩⲛⲟⲩⲙⲛⲧϩⲙϩⲁⲗ ⲉⲥⲛⲁϣⲧ · ⲉⲃⲟⲗ ϩⲙⲡⲕⲁϩ ⲛⲕⲏⲙⲉ ·
…
17 ⲁⲩⲱ ⲁϥϫⲓⲙⲟⲉⲓⲧϩⲏⲧⲧⲏⲩⲧⲛ ϩⲛⲧϩⲁⲗⲁⲥⲥⲁ ⲛⲧϩⲉ ⲛⲟⲩⲡⲉⲧϣⲟⲩⲱⲟⲩ .
…
18 ⲁⲩⲱ ⲁϥⲧⲙⲉⲧⲏⲩⲧⲛ ϩⲙⲡⲙⲁⲛⲛⲁ ϩⲛⲧⲉⲣⲉⲙⲙⲟⲥ ·
…
19 ⲁⲩⲱ ⲁϥⲉⲓⲛⲉ ⲛⲏⲧⲛⲛⲟⲩϩⲏ ⲙⲡⲏⲣⲁ .
…
20 ⲁⲩⲱ ⲁϥⲧⲥⲉⲧⲏⲩⲧⲛ ⲛⲟⲩⲙⲟⲟⲩ ⲉⲃⲟⲗ ϩⲛⲟⲩⲡⲉⲧⲣⲁ ·
…
21 ⲁⲩⲱ ⲁϥϯⲛⲏⲧⲛ ⲛⲟⲩⲛⲟⲻⲙⲟⲥ ·
…
22 ⲉϫⲛⲛⲁⲓ ⲇⲉ ⲧⲏⲣⲟⲩ ⲁⲧⲉⲧⲛϯⲛⲟⲩϭⲥ ⲙⲡⲉⲧⲛⲛⲟⲩⲧⲉ ·
…
23 ⲁⲧⲉⲧⲛⲧⲁⲙⲓⲟ ⲛⲟⲩⲙⲁⲥⲉ ϩⲙⲡϫⲁⲓⲉ ·
…
24 ⲁⲧⲉⲧⲛⲻⲟⲩⲱϣⲧ ⲛⲁϥ ⁖ ⲁⲩⲱ ⲁϥϣⲓⲛⲉ ⲛⲥⲁ ⲙⲉⲩⲧⲧⲏⲩⲧⲛ · ϣⲁⲛⲧⲉⲙⲱⲩⲥⲏⲥ ⲙⲉⲧⲁⲛⲟⲉⲓ ⲉϩⲣⲁⲓ ⲉϫⲉⲛⲧⲏⲩⲧⲛ ⲛⲧⲉⲧⲛⲧⲙⲻⲙⲟⲩ .
…
25 ⲧⲉⲛⲟⲩ ϭⲉ ϩⲱⲱϥ ⲧⲉⲧⲉⲛϫⲱ ⲙⲙⲟⲥ ⲉⲣⲟⲓ · ϫⲉⲉⲕⲙⲟⲥⲧⲉ ⲻ ⲙⲡⲣⲣⲟ ⲕⲁⲓⲥⲁⲣ ⁘·ⲻ
…
26 ⲁϥⲧⲱⲟⲩⲛ ⲇⲉ ⲛⲧⲉⲩⲛⲟⲩ ⲛϭⲓⲡⲓⲗⲁⲧⲟⲥ ⲉⲃⲟⲗ ϩⲙⲡⲃⲏⲙⲁ ·
…
27 ⲁϥϣⲓⲛⲉ ⲛⲥⲁⲁⲛⲁⲭⲱⲣⲉⲓ ·
…
28 ⲁⲩⲱϣ ⲉⲃⲟⲗ
…